مەراسیما سویندخارنا سەروکێ هەرێمێ
June 13, 2019
وتار و بیروڕا
![مەراسیما سویندخارنا سەروکێ هەرێمێ](https://gulanmedia.com/public/old_images/nusaran/yyuhhnbbhh.jpg )
ژ بەر وێ سیاسەتا نەرم یا نێچیرڤان بارزانی پرانیا لایەنان پێ خوشن ب هەبونا وی وەک سەروک .
ژ بەر سەربورێن وی یێن سەرکەفتی ل دەمێ بوری وەک سەروک وەزیرێن کوردستانێ و دەربازکرنا هەرێمێ ژ زیانێن مەزن جهێ دلخوشیا وەلاتیانە .
ژ بەر وی رولێ گرنگ یێ د بوارێ ئافرەتاندا گێرای و بریارێن گرنگ ل دەمێ بوری دەرکرین ژ بو مافێ وان پرانیا ژنان کەیفخۆشن .
ژ بەر وێ باوەریا مەزن یا پارتی پێ هەی جهێ فەخر و شانازیێ یە سەرکردەکێ هوسا ب سەنگ و ژێهاتی ژ پارتی ببیتە سەروکێ هەرێمێ ، دێ بیتە تمامکەرێ رێبازا بارزانی و خزمەتەکا ژ هەژی هێتەکرن بو وەلاتیان .
ئێکەم جارە مەراسیمەکا هندە مەزن ل عیراق و کوردستانێ بهێتە گێران ئەڤجا ئەڤە هەمی بو پێگەھ و هێزا هەرێمێ ڤەدگەریت ، ئەو هەمی ئەرکێن دێ روبروو سەروکێ کوردستانێ بن گەلەکن و بابەت هەمی پێکڤە گرێداینە بگرە ژ ئێک خستنا هێزا پێشمەرگەی و پاراستنا سنورێن کوردستانێ و پاراستنا پەیوەندیێن دەرڤە و نافخوو .
دێ پرسگرێکێن هەرێمێ بەرەف چارەسەریێ چن ژ بەرکو نێچیرڤان بارزانی یێ گونجایە بو ڤێ چەندێ ، ژ بەر جیهان بینیا وی یا بەرفرەھ دێ بیتە ئەگەر بو چارەکرنا وان پرسگرێکێن دناڤبەرا هەرێمێ و بەغدا ، راستە کێشێن مە دگەل بەغدا ئەگەرا وێ نە پارتی یە بەلکو مێشکێ ڤەمای یێ چەندین کەسێن ل دەمێ بوری ل عیراقێ هاتینە سەر حوکمی یە ، خودان شیانە ل دەمێ بوری عیراقێ پێکولا داگیرکرنا کوردستانێ دکر لێ نێچیرڤان بارزانی ئەو گرێکە شکاند و سەرەدانا بەغدا کر و دگەل وان رینشت ، هەروەسا ئیرانێ سنورێن خوە گرتن و دگەل عیراق و تورکیا کەتە دان و ستانان داکو هەرێمێ لاوازبکەن و بەلکی ژناڤببەن لێ نێچیرڤان بارزانی سەرەدانا ئیرانێ کر و رێ ل وان حەزێن چەپەل یێن ئیرانێ گرتن ب سیاسەتا خوە یا نەرم ، باشترین پێشکەفتن لسەر پەیوەندیێن عیراق و هەرێمی دانا موچێ فەرمانبەرێن هەرێمێ یە ، ئاساییکرنا ئابورێ هەرێمێ بۆ وێ سەرادانا نێچیرڤان بارزانی بوو بۆ بەغدا .
ئێک ژ شێوازێن نێچیرڤان بارزانی ئەوە کو ناهێلیت چجارا کێشە بگەهنە سنورێ هەڵوەشاندنێ پێکولا هندێ دکەت ب رێکا هێزا نەرم دا یێ بەرامبەر بمینیتە د بازنا دانوستاناندا ئەڤە باشترین فاکتەرە کو کێشێن هەرێمێ چارەببن و هیڤی و ئومێدێن مە زێدەدکەت کو دێ وێ چەندێ بجهئینیت وەکو یا خویا ژی دەولەتا ئیران و تورکیا یێن ل هیڤیا ڤێ روژێ ئەوا کو دەست بکاربیت وەک سەروک دا کو داخازبکەن و کێشە نەمینن و بەلکو دبینن چارەیا پێشڤەرنا پەیوەندیان یا لدەف سەروک نێچیرڤان بارزانی .