لدیف دەستورێ عیراقێ و یاسایا سەرۆکاتیا هەرێمێ (نێچیرڤان بارزانی) سەرۆکێ هەمی هەرێمێ یە یێ دەنگ دابیتێ و یێ نەدابیتێ و یێ بێلایەنژی، ئەکەر بەشەک ژ ئێکەتی بێژی سەرۆکێ مە نینە سنور دێگەلەیە یان دوو ئیدارەیە ئەو بیرۆکە و پلانە یا ئێکسپایر بوی چنکی لدەمی دوو ئیدارەیێ هەرێما کوردستانێ پێگەیەکی دستوری نەبو لێ ئەڤرو د دستورێ عیراقێ یێ سالا (٢٠٠٥)پێگەیەکی یاسایی یێ هەی د عیرقەکا ئێکگرتی . هەروەسا د دستوری یا هاتى مافێ هەرێما کوردستانێ یە هەرسێ دەسهەلات هەبن وەک پەرلەمان و حکومەت و دادگەه. هەر وەسا لدیف یاسایا راستڤەکری یا سەرۆکاتیا هەرێمێ هاتە هەلبژادن. لڤێرێ سەرۆکێ هەرێمێ ( نێچیرڤان بارزانی) بشێوەیەکی یاسایی هاتە هەلبژاردن دێ لسەر ئاستێ نێڤخۆی و نێڤدەولەتی کار دگەل هێتە کەرن، هەر لدەسپێکێ چەندین وەلاتێن وەک( ئەمریکا و وەزیری دەرەوی بریتانیا نەتەوێن ئێکگرتی ئێکەتیا ئۆروپا و پاریس فەرەنسا وئیتالیا ئیمارات شایێ ئوردنێ تورکیا کوریای باشور) نیڤخۆی عیراقێ و قوباد تالەبانى و چەندین بەرپرسێن دی یێن حیزبی و حکومی و بێلایەن هتد پیرۆزباى لێکرن هەر وەسا دێ کار گەل هێتە کرن...
د سیستەمێن دیموکراسی ل جیهانێ هەر سەرۆکەکی لدیف یاسایا وان دەنگێ پێتڤی بدەست ڤەبینیت سەرۆکێ وی وەلاتیە، ل چ وەلاتێن دیموکراسی چ سەرۆکەک( ١٠٠% )دەنگا نائینیت زۆربەی وەلاتان( ٥٠+١ ) یان (دوو ولسەر سێی) دەنگان بدەست خۆ ڤەدئینن، بۆ نمونە د هەلبژاردنەکێ سەرۆک (ئۆباما) ب (٢) دەنگا لپێش هەڤرکێ خۆ بو بەلێ لایەنێن دی نەگۆت سەرۆکێ مە نیە ئەوێن وێ ئاخفتنێ دکەن ئەو مرۆڤن یێن رۆشەنبیریا یاسایی و دیموکراسیێ و یێکتر قەبولکرنێ دەف نینە بەلکو ئێشەکا هەی ئەوژی دەمارگیریا حیزبیە...
وەکو مە دیتی پشتی کو ل هەلبژاردنا (٣٠/٩/٢٠١٩) پارتی (٤٥) کورسی بدەست ڤەئینان ل نزیکترین دەم ل رێکەفتی (3/12/2018 ) د کۆمبونا پارتی ب سەرۆکایەتیا سەرۆک (مسعود بارزانی) (نێچیرڤان بارزانی) بۆ سەرۆکێ هەرێمێ و( مسرور بارزانی) بۆ سەرۆکێ حکومەتێ وەک بەربژێرێن پارتی هاتنە راگەهاندن. ئەکەر ژبەر بەرژەوەندیا گشتی یا هەرێمێ نەبا پارتی دا شێت بەری (٦) هەیڤا ژی حکومەتێ پێکبهینیت لێ پارتی ڤیا ب ئێک رێزیا نشتیمانى حکومەتێ پێکبئینیت لێ ناکۆکیێن ناڤخۆیێ ئیکەتی بینە هۆکارێ باشکەفتنا پێکئینانا حکومەتێ چنکى هێشتا لسەر پۆستێ سەرۆک پەرلەمانى رێکنەکەفتینە، و پارتی دوو رێکەفتنێن سیاسی و کارگیری دگەل ئێکەتیێ ئیمزاکرن و (نێچیرڤان بارزانی) رۆلەکى باش هەبو هەر وەک چاوا جێگرێ دووێ بۆ ئێکەتیێ زێدەکر کو د یاسایا بەرێ نەبو لێ هەقێ وێ باشیێ ئیکەتی دەنگ ب سەرۆکێ هەرێمێ نەدا رێکەفتن شکاند؟ بەلێ ئەرێ ئێکەتی دێ شێت چکەت ؟ نە دشێن ببنە ئۆپۆسزیۆن و ئەو نەدشێن بێی پارتی ئێک وەزیر ژی دانێن و پارتی دێشێت بێ ئێکەتیێ حکومەتێ پێک بئینیت چنکی پارتی دگەل هەڤپەیمانێن وێ بەردەوام (٦٨) کورسی زۆرینەیا پەرلەمانینە بەلێ ئێکەتیێ ناگەهتە (٢٥) کورسیا، پاشگەزبونەوا ئێکەتی ل رێکەفتنێ کو (فریدون عبدالقادر ) ببیتە پارێزگارێ کەرکوکێ شکاندنا بریارا (کۆسرەت رسول) ە نيشانا نەتبایێیە و نەبونا مەرجەعکی خودان بریارە، زەرەر مەندێ ئێکێ یێکەتی یە؟ دستور رێکێ ب دووئیدارەیێ نادەت ناڤێ ئیک هەرێماکوردستانێ یێ هاتی. هەر وەسا زۆربەی سنورێ سلێمانیێ دگەل ئیرانێ یە و خەتەکا لاوازیش یا گرێدایە دگەل کەرکوک و بەغدا لێ ئەڤرۆ ژبەر ئابلوقەو هەرەشێن ئەمریکا لسەر ئیرانێ یا کەتیە کاودانێن زۆر خراپ و بەرەف لاوازی و کێشەیێن ناڤخۆش دچیت نەشێت هاریکار بت ژبەر وان ئەگەرا باشترین هەلبژاردە بۆ ئێکەتیێ بەژداریکرنە و بوی پارێزگاری رازیبیت یێ پارتی و لایەنێن دی لسەر کۆکبن.....