سەروکێ کوردستانا ب هێز
June 1, 2019
وتار و بیروڕا
![سەروکێ کوردستانا ب هێز](https://gulanmedia.com/public/old_images/nusaran/yyuhhnbbhh.jpg )
سەرکردێ سەرکەفتی ئافرینەرێ رێکێن نیە و کار دکەت بۆ باشترکرنا ژیانێ ، سەروک یان رێڤەبەر یان تاکە کەس یێ سەرکەفتی دڤێت خودان هندەک سالوخەتێن بەرچاڤ بیت ، ئەم دشێین بێژین ئەوە یێ شیانێن وی د دانانا پلاناندا و رێکارێن بجهئینانا وێ دا دیاردبن ، دڤێت یێ جێوازبیت د چاندنا گیانێ هیمەتێ د ناخێ تاکی دا .
سالوخەتێن سەرکردێ سەرکەفتی ب فوکس و رێکخستن کاردکەت ، چێکرنا بویەرێ و شیانا دانا بریارێن گرنگ ل دەف وی هەیە ، باندورا خوە لسەر وەلاتییان هەیە ، دیتنەکا ب دیری و کیری و جێواز ژ کەسانێن دی ، حەزا کارێ خێرێ و چاندنا ڤێ چەندێ د ناخێ خەلکیدا ، پیلان دانانا درست و خاندی بو کارپێکرنێ و نەهێلانا چ ئاستەنگێن ژ نیشکەکێڤە د کەڤنە د رێیا وەلاتیدا ، مروڤ شرین و نافچاڤ ڤەکری و دیوان خوش و دانوستانەکێ شەهرەزا و گوهدارەکێ باش توی نێچیرڤان بارزانی ، کار ب کارزانان و کەسێ ژ هەژی بو جهێ ژ هەژی دکەت ، کاری ب کارکەرا دکەت ، سەرکردێ سەرکەفتی رەوشەنبیرە و زانایە د هەمی بواراندا ، شێوەرمەندێن راستگو یێن هەین ، خاندنا پەرتوکان روژانە ئەڤە ئەو کەسە یێ بڤێت د رێڤەبرن و خزمەتێ دا یێ سەرکەفتی بیت ، خودان گوتنێن مەزن و ئەو گوتن ببنە کریار و ببیتە جهێ مفای بۆ وەڵاتیان ، هەر ئارمانجەکێ دەم دڤێت و ب بەردەوامی داکو بجھ بهێت و ببیتە ژێدەرەک بو پێژڤەبرنا وەڵاتی .
رێز گرتن ل هەمی پرەنسیپ و ئاین و رەوشت و تیتالێن جڤاکی بهێتە گرتن ، ئەڤە هەمی سالوخەتێن کەسانێن شیا و زانایە ، ئەو سەرکردێ خزمەتکارێ ئاخ و وەڵاتی و پاراستن و پێشڤەبرنا پێکڤە ژیانێ ل کوردستانێ دێ بیتە جهێ سەرفەرازیا مللەتێ مە کو ببیتە سەروکێ مە ، لڤی سەردەمێ تەکنۆلۆژیا و گڵوبالیزمێ پێتڤی ب خو گونجاندنێ یە ئەو سەروکێ بڤێت وەلاتێ وی یێ بەرنیاس بیت و ببیتە نمونا وەلاتێن خودان رێز د قادا پێشکەفتنا مروڤایەتیێ دا ! دڤێت خزمەتکارەکێ دادپەروەربیت ، کەسەکێ ژیر و خودان بریار د دەمێ گونجای دا دێ رێکێ ل هەرفینێ گریت دەمێ بناخێ وەلاتی توشی هێرشان دبیت .
ژ بۆ رێڤەبەرنێ خودایێ مەزن د قورئانا پیروز دا گوتیە (إِنَّ خَيْرَ مَنِ اسْتَأْجَرْتَ الْقَوِيُّ الْأَمِين) ، کەسێ خودان هێز و دەست پاک باشترینە ببیتە سەروک بۆ مللەتێ خوە .
کاکلا سەرکەفتنا .
سەرکردێ ئازراندنا هیممەتا گەنجی ، نێچیرڤان ئیدریس بارزانی سەرۆکێ کوردستانا ئاخا وێ سوربوی ژ خینا باب و باپیران تا گەهشتینە ڤی ئاستێ بەرز یێ نهو ئەم تێدا دبورین ، باشترین هەلبژارتن بۆ سەروکاتیا هەرێمێ نێچیرڤان بارزانی بۆ ژ بەر وان سەربورێن سەرکەفتی یێن وی هەین ل دەمێ سەروک وەزیرێن هەرێما کوردستانێ .
ل دوماهیێ دێ بێژین ئەو سەروکێ هاتیە هەلبژارتن ژ لایێ نوینەرێن خەلکی د ناڤا پەرلەمانی دا ، دێ ب خزمەتکرنا تاکێ کورد و کار ئاسانکرن و خوشکرنا ژیانا وان ئەرکێ وی بیت .