خویا یه‌ دوهی روژا سێ شه‌مبێ کو بریار بوو پشتی بورینا نزیک 8 هه‌یڤا لسه‌ر ئه‌نجام دانا هه‌لبژاردنێن په‌رله‌مانێ کوردستانێ و پشتی پشو درێژه‌یکا زور یا پارتی دیموکراتی کوردستان و ئه‌نجام دانا چه‌ندین کومبوونا ب مه‌ره‌ما رزایکرنا بالێن جدا جدا دناڤ ئێکه‌تیا نیشتمانی دا هه‌لبژاردنێن سه‌روکایه‌تیا هه‌رێما کوردستانێ بهێن ئه‌نجام دان و ئێدی پێنگاڤێت پێک ئینانا کابینا نوی یا حکومه‌تا هه‌رێمێ ده‌ست پی بکن،لێ ب مخابنی ڤه‌ ئێکه‌تیا نیشتمانی وه‌ک نه‌ریتێ خوه‌ یێ به‌رده‌وام دیسان ل داویی چرکه‌یان دا دیسان بریارا بایکوت کرنا کومبوونا په‌رله‌مانی دان ب به‌هانه‌یا پابه‌ند نه‌بوونا پارتی ب ناڤه‌روکا رێکه‌فتنا دناڤبه‌را هه‌ر یه‌ک ژی به‌رێز مسعود بارزانی سه‌روکێ پارتی و کوسره‌ت ره‌سول جێگرێ ئێکێ یێ سکرتێرێ گشتی یێ ئێکه‌تیا نیشتمانی و ته‌که‌س کرن سه‌رهندێ کو دڤێت هه‌ڤده‌م ل گه‌ل ده‌نگ دان ب پوسطێ سه‌روکایه‌تیا هه‌رێمێ پوستێ پارێزگارێ که‌رکوکا فروتی ژی بهێت یه‌کلا کرن،ئه‌ڤه‌ د ده‌مه‌کی دا ئه‌و مژار دناڤبه‌را هه‌ر یه‌ک ژ وان به‌رێزێن مه‌ ئاماژه‌ پیدایی هاتبوو یه‌کلا کرن و هه‌ر ئالیی رازیبوون ب دانانا به‌رێز (فه‌ریدون عه‌بدولقادر) ل سه‌ر پشکا ئێکه‌تیا نیشتمانی بو پوستێ دیار کری،،،

ئه‌ڤه‌ د ده‌مه‌کی دا بو کو ئێکه‌تیا نیشتمانی ب وردتر بێژم باسکێ 16ی ئوکتوبه‌رێ به‌رده‌وام داکوکی لسه‌ر هندێ دکرن کو دڤێت پارێزگارێ که‌رکوکێ یه‌ک ژ وان که‌سێن کو به‌شداری پیلانا ئوکتوبه‌رێ بیت کو ئه‌ڤ یه‌ک ب نسبه‌ت پارتێ هێلا سور بوویه‌ و رازی نه‌بوویه‌ بکه‌ڤیت ژێر ڤی باری چونکه‌ د دیدا پارتی دا ده‌نگ دان ب که‌سه‌کێ به‌شداری خیانه‌تێ بوبیت بخوه‌ جوره‌ خیانه‌ته‌که‌ و ئه‌ڤ یه‌ک ژ نه‌ریت و پیشه‌یا پارتی نینه‌،،

هه‌لبه‌ته‌ ئه‌ڤ داخوازا باسکێ ئوکتوبه‌رێ ب فیتا ئیرانێ بوویه‌ هه‌ر وه‌ک چه‌وا فروتنا که‌رکوکێ و دانانا سه‌روک کوماری ب فیتا وێ ،، هه‌ر چه‌نده‌ دوهی ئێکه‌تیا نیشتمانی د داخویانیا خوه‌ دا په‌نجا تاوانێ ئاراسته‌یی پارتی کر و وه‌سا دان به‌رچاڤ کرن کو پارتی پابه‌ندی رێکه‌فتنێ نه‌بوویه‌ لێ ب هیچ شێوه‌یه‌کی باس ل وێ ململانێ و ناکوکیا دناڤبه‌را بالێن خوه‌دا کو بوویه‌ ئه‌گه‌را هه‌رتشته‌کی نه‌کر و دیسان هیچ باس ل فشارێن ئیرانێ ب تایبه‌ت (ئیره‌ج مه‌سجدی) نه‌کرن کو ل شه‌ڤا به‌ری هه‌لبژاردنا ل گوڕ هنده‌ک ژێده‌ران بالێ ئوکتوبه‌رێ ئاگه‌هدار کرینه‌ ب هیچ ره‌نگه‌کی نابت (فه‌ریدون عه‌بدولقادر) ببته‌ پارێزگارێ که‌رکوکێ و ئێکه‌تی ب خواستا ئیرانێ ئه‌ڤه‌ هه‌لویسته‌ وه‌رگرت و بریارا بایکوتا کومبوونا په‌رله‌مانی دا ...

هه‌ر چه‌نده‌ ئێکه‌تی ب رواله‌ت هه‌موو کێشه‌یان ب دانانا پاریزگارێ که‌رکوکێ ڤه‌ دبه‌ستیت لێ راستیا وی زور تشتێن دی ل پشت هه‌نه‌ و مایی تێکرن و راده‌ست بوونا وێ بو بریارێن ئیرانێ خالا سه‌ره‌کی یه‌ ، لێ بو شێواندنا رایا گشتی و خاپاندنا لایه‌نگرێت خوه‌ که‌رکوک باشترین به‌هانیه‌ ژ به‌ر کو ئێکه‌تی مێژووه‌کا پتر ژ 40 سالیا سیاسی دگه‌ل پارتی هه‌یه‌ و باش دزانیت کو پارتی لسه‌ر پرسێن نه‌ته‌وه‌یی رازی نینه‌ موساوه‌مێ ب هیچ ره‌نگه‌کی بکت و پارتی ب هیچ ره‌نگه‌کی لسه‌ر هندێ رازی نابیت خیانه‌تکاره‌ک ببت پارێزگارێ که‌رکوکێ له‌ورا به‌هانه‌یا که‌رکوکێ باشترین به‌هانه‌یه‌ بو خوه‌ قورتال کرن ژ ره‌خنه‌یا لایه‌نگرێت خوه‌ ، ئه‌ڤه‌ د ده‌مه‌کی دا کو که‌رکوک د ده‌ستێن وان دا بوو و پارێزگار ژی هه‌ر ژ وان بوو لێ ب مخابنی ڤه‌ مه‌ دیت چ بسه‌رێ که‌رکوک و که‌رکوکیان ئیناند،،

هه‌ره‌ چه‌نده‌ بایکوت کرنا کومبوونا دوهی کریاره‌کا مه‌ده‌نیا بوو و تا راده‌یه‌کا زور دبیت تشته‌کێ نوی بیت د مێژووا سیاسیا کوردی دا دناڤبه‌را دوو هێزێن چه‌کدار دا رو ددت لێ ب باوه‌را من ئارمانجێن پڕ خراب ل پشت هه‌نه‌ و ئیرانێ شیا گوله‌کا دی ژی د به‌رژوه‌ندیا خوه‌ دا تامار بکت ئه‌و ژی هه‌نگاو نانه‌ به‌ره‌ف ب دوو ئیداره‌یی برنا هه‌رێما کوردستانێ کو بالێ 16ی ئوکتوبه‌رێ ب دیاری کار بو ڤێ چه‌ندێ دکن.. ئه‌ڤ یه‌ک ب روونی د په‌یاما فه‌رمی یا ئێکه‌تیا نیشتمانی دا دیار بو ده‌ما لسه‌ر زارێ زمان حالێ خوه‌ گوتی(پرسا سه‌روکایه‌تیا هه‌رێمێ ته‌نها هه‌لبژاردن نینه‌ به‌لکو ده‌ستهه‌لاته‌!!!) کو ئه‌ڤه‌ ئاماژه‌یکا روونه‌ کو ئێکه‌تی ب ده‌ستهه‌لاتا سه‌روکێ هه‌رێمێ ل زونا بالا ده‌ست رازی نابیت و ئه‌ڤه‌ ئانکو دوو ئیداره‌یی و ئه‌ڤه‌ ته‌مام ئه‌و خواسته‌که‌ ئه‌وا ئیرانێ دڤێتن ،،ب تایبه‌ت ژی دوهی ئه‌وا هاتیه‌ بهیستن کو فراکسیونا پارتی رازی نینن ده‌نگ بو هیچ به‌ربژێره‌کی ئیکه‌تی بده‌ن کو ل په‌رله‌مانی بهێت هه‌لبژاردن و ئه‌ڤه‌ ناراسته‌وخو دبیت ده‌رکرنا ئێکه‌تی ژ حکومه‌تێ کو دبیت ئاکامێت خراب لسه‌ر هه‌رێمێ هه‌بن...

ب ڤێ ئێکێ ده‌ڤه‌را سلێمانیێ ب یه‌کجاری راده‌ستی ئیرانێ دبیت هه‌ر چه‌نده‌ دبت ئیرانێ هنده‌ک سوز ب باسکێ 16ی ئوکتوبه‌رێ دابن لێ ب پشتی راستی ڤه‌ دبێژم پشتی ماوه‌یه‌کێ دور نینه‌ ئیران بیرا ل هژمارتنا سلێمانیێ ب پارێزگه‌ها ئیرانێ بکت ، هه‌ر وه‌ک جه‌وا ئێراقێ ل سه‌ر ده‌ستێ سه‌دامی بیرا ل هژمارتنا که‌رکوکێ ب پارێزگه‌ها خوه‌ بکت ،،هه‌ر چه‌نده‌ ئه‌نجام بو ئیرانێ د باش نابن لێ دڤێت دان پێدانێ بکین هه‌رێم و ب تایبه‌ت سلێمانی دێ توشی رودانێن زور مه‌ترسیدار بت...