نێچیرڤان بارزانى پیاوى رۆژە سەختەکانە و کردنەوەى گرێ کوێرەکانە و هەمیشە رۆلى ئاشتیانەى هەبوە

دەرباز کۆسرەت

ئاشتى؟ هەبونا ئارامیێ بۆ هەمى مرۆڤان وە هەبونا کۆرەپانەکا گونجیاى دیر ژ توند و تیژىێ بۆ کارێ ئاینى ومرۆڤایەتى وسیاسى وئابورى و دژى شەری ، ل وەلاتێن دیموکراسی و پێشکەفتی ئاشتى بنەمایەکێ گرنگ بویە بۆ پێشکەفتنێ، د دیرۆکێدا چەندین سەرکردێن ئاشتى خاز کو شیاینە ب رێکا ئاشتیێ مافێ ملەتێ خۆ بدەست بئینن هەر وەک (غاندی) برێکا ئاشتیێ ل وەلاتەکى وەکى هندێ کو چەندین ئاینێن چیاواز تێدا دژین لێ وى جیاوازى نەدکر دناڤبەرا مزگەفت و دێرا هەتا ب وێ بیرۆکەیا ئاشتیانە شیا مافێ هندێ ل برێتانیا وەرگرت، هەر وەسا (ماندێلا) ئەویژى جیاوازى نەدکر د ناڤبەرا رەش پێست وسپى پێستا کو لسەر دەمێ وى گەلەک جیاوازیا دەمارگیرى هەبوو بەلێ ب رێکا ئاشتیانە شیا وێ جیاوازى نەهێلت و مافێ ملەتى بدەست بئینیت، گرنگی وشیانێن کەسێن ئاشتى پارێز رۆلێ وان دوان حکومەت وەلاتان دا دیار دکەت ئەوێن فرە نەتەوە و ئاین و پارتێن سیاسى، عیراق ب گەشتی و هەرێما کوردستانێ ب تایبەتی ل چەندین نەتەوە و ئاین و و پارتێن سیاسى پێکدهێت ژبەر هندێ پێتڤیە لێک تێگەشتنەکا باش و لیبوردن هەبیت و ئەوژی پێتڤی ب سەرکردەیەکێ ژێهاتی وكارێزما و ئاشتى پارێزە .
رۆلێ ئاشتیانە و دبلۆماسیانە یێ (نێچیرڤان بارزانى) وەک سەرۆکێ حکومەتێ و جێگرێ سەرۆکێ پارتى د ژیاناخۆ یا حکومرانیێ و بتایبەت ل پشتى هەلبژاردنێن( 30/9/2018 )رۆلێ وى بۆ لێک نزیکرنەڤا حیزب و ئالیێن سیاسى و رۆلێ وى یێ کرنگ ئێکەم د رێکەفتنا پارتى وئێکەتیێ چ د رێکەفتنا سیاسى و دوماهیکێ رێکەفتنا ئیدارى ئێکەتى یا بزەحمەت بو چنکى دناڤخۆدا ئێک بریار نینە ژبەر بال بالانا هەتاکو پشتى رێکەفتنا دوماهیکێ ژى لسەر ئینانا ناڤێ هەردوو جێگرێن سەرۆکێ هەرێمێ دناڤ پرۆژە یاسایا سەرۆکاتیا هەرێمێ بالەکى ئێکەتیێ ڤێا وێ رێکەفتنێ ژى ژناڤ ببەن لێ (نێچیرڤان بارزانى) ب رێیا تەلەفۆنێ دگەل لیژنا یاسایى یا پەرلەمانى و بەرپرسێن ئێکەتیێ ئەو ئارێشە چارەسەرکر هەر وەسا یا گرنگ بو چنکى ئێکەتى حیزبا دووێیە ل کوردستانێ و خودانێ هێزێن چەکدارە.
لایەنێ دووێ (بزوتنەوا گۆران) ە چنکى د چار سالێن بۆری بزوتنەوا گۆران ب هەمی شیانێن خۆ دژی پارتی و حکومەتێ کاردکر چەندین بوختان ژی ددانە پال لێ ئەندازیارێ پێکڤەژیانێ و لێبوردە ( نێچیرڤان بارزانی) چەندین جارا سەردانا وانکرد، هەر وەسا هێزا سێی یە ل هەرێما کوردستانێ وشیا وانا ژى رازیبکەت.
هەر وەسا رازیکرنا ئالیێن دى وەک دانا پۆستێ جێگرێ دوو یێ پەرلەمانى بۆ (تورکمانا) و رازیکرنا (مەسیحیا) ب چەندین پۆستا و حیزا شۆشالست ژى پێتڤیە وەک رێزلێنانەک بۆ رۆلێ سەرۆکێ حیزبێ د شەرێن دژى تیرۆرستا و پالپشتیا ریفراندۆمێ یا فەرە وەزارتەک بوان بئێتە دایین، ئەڤ هەمى پێتڤى ب سەرکردەکى کارێزما ئاشتى خاز و لێبوردەیە و خودان بریارە (نێچیرڤان بارزانى) ئەڤ هەمى رلە بینین و سەرۆک (مسعود بارزانى) و مەکەتەبا سیاسى یا پارتى دهاریکاربوون و باوەرى ب وى هەبوون ژبەر سەرکەفتنا وى د کارێن ئاشتیانە وکارگێرى یێن بەرێ، و رۆلێ یێ ئیجابى باش دێ بەردەوامبیت ل پۆستێ سەرۆکێ هەرێمێ....