-نەتەوەیێن ئێکگرتی ئێکە ژ مەزنترین رێکخراوێن نێڤ دەولەتی ل پشتی هەلوەشاندنا (عوسبەت ئومەم) کو ل سالا( ١٩١٩ )هاتبو دامەزراندن ، و بتایبەتی پشتی بدوماهیک هاتنا شەرێ جیهانیێ دووێ ل (24/ئکتوبەرى/1945) هاتە دامەزراندن ئارمانجا سەرەکی (پاراستنا مافێ مرۆڤ)یە، دابین کرنا ئاشتیێ و ئارامیێ و نەهێلانا شەر و کاولکاریێ بو ل جیهانێ چنکی د وى شەرى کۆمەلکوژیەکا مەزن هاتە ئەنجامدان ب سەدان هزار خەلک هاتە کوشتن و کاڤلکاریەکا مەزن ل جیهانێ چێبو ژ بەر وان ئەگەرا ب پێتڤى هاتە دیتن کو رێکخراوەکا نێڤدەولەتی بهێتە دامەزراندن، هەر وەسا ل سالا ( ١٩٤8 )یاسایک هاتە درکرن بناڤێ راگەهاندنا مافی مرۆڤان ل جیهانێ؟ دناڤ وێ یاسایێ یێ هاتی پێتڤیە هەمی مرۆڤا مافێ ژیانێ و ئازادیێ و ناسنامێ هەبیت وبهێنە پاراستن و ئێکسانبن ل بەرامبەر دادگەهێ چ جیاوازی نینە دناڤبەرە ئاین و نەتەوەو رەش و سپی هتد..
- ئیکەم کارێ گرنگ یێن نەتەوەیێن ئێکگرتی بۆ ملەتێ کورد ئەو بو ل (هەیڤا ٥/ ١٩٩١ )بریارا ژمارە (٦٨٨) دەرکر کو هێلا (٣٦) هاتە دانان و ناوچەکا ئارام بۆ کوردا ل سنورێ هەرێما کوردستانێ هاتە دیارکرن کو نابیت فرۆکێن رژێما بەعس بسەر وی ناڤچەی دا بفرن و نابیت چدی ملەتێ کورد توشی کوشتنێ و زولم و دەربەدەریێ ببیتن ئەوژی لسەر داخازا خاتونا فەرەنسا (دانیال میتران )بو کو فەرنسا ئێکە ژ ئەندامێن هەمیشەیی یێ ئەنجۆمەنا ئاسایشا نیڤدەولەتی پشتى ئەو کۆچا ملیۆنی و بارزانی دیتی داخاز ژ نەتەوەیێن ئێکگرتی کر…
- کارێ دووێ ئەوبو کو بریارە ژمارە( 986) ل سالا (1995) کو حکومەتا عیراقێ ناچار کر ب پرۆگراما پترۆلێ بەرامبەر خارنێ لدەمکى بو کو هاولاتیێن عیراقێ بگشتى د کاودانەکێ خراپێ هەژاریێ و نەبونا خوراکێ دابوون، حکومەتا عیراقێ ناچارکر کوژمەکی نەفتێ بئێختە ژێر دەستێ نەتەوەیێن ئێکگرتی و ل بەرامبەردا ئاهێن خارنێ بۆ هاولاتیێن عیراقێ دهاتە دابینکرن وهاولاتیێن هەرێما کوردستان ژی لێ سودمەند دبون...
- نامەیا سەرۆکێ حکومەتێ (نێچیرڤان بارزانی) یا گرنگ بوو؟ چنکی ئێک ژ کێشێن سەرەکی دناڤەبەرا هەڕێمێ و بەغدا ناڤچەیێن کوردستانینە ئەوژی لدیف بەندێ (١٤٠ )ل دستورێ عیراقێ سالا (٢٠٠٥) یێ هاتیە چارەسەرکرن ب سێ قۆناغا کو ئەو عەرەبێن ئیناینە کەرکوکێ بزڤرنەف جهێ خۆ و سەرژمێری بهێتە ئەنجامدان و ریفراندۆم بهێتە ئەنجامدان تا (٣١/١٢/٢٠٠٧) لێ حکومەتە بەغدا ئەفبەندە یا پێشێل کری و ئەکەر ناڤبژیوانەکى نێڤدەولەتى گڤاشتنێ لسەر بەغدا نەکەت ئەقلیەتا دەسهەلاتدارێن بەغدا هەر ستەم وزۆردارییە وێ بەندێ جێبەجێ ناکەن ، ل دەمکی گونجاى بوو؟ چنکى ئەڤرۆ زولمەکا زۆر ل کوردا دهێتەکرن وەک داگیرکرنا زەویان دەرکرن وکوشتنێ، هەروەسا ئەڤرۆ وەلاتێن کەنداڤ ب هەمى هێزێن خۆ کاردکەن بۆ لاواز کرنا ئیرانێ و وەلاتێ ئەمریکا دگەل هاڤپەیمانێن وى گەفا ل ئیرانێ دکەن و ئابلوقە ئێخستینە سەر ئیرانێ و یا لاواز کرى ژلایێ ئابورى لاوازبونا ئیرانێ لاوازبونا بەغدایە؟ و جێبەجێکرنا داخازیێن دستورى یێن هەرێما کوردستانێ و بتایبەت بەندێ (140 )دێ ساناهی تربیت...
- بۆ جهێ بریارێیە؟ رێکخراوا نەتەوەیێن ئێکگرتی ئێکە ژ مەزنترین رێکخراوێن نیڤدەولەتى و لدیف یاسا و ئەرکێ وێ پاراستنا مافێن هاولاتیانە و جێبەجێکرنا یاسایێ یە ئەکر ئەو هەر بریارکێ دەربئێخیت تایبەت جێبەجێکرنا بەندێ( 140 ) عیراق نەشێ دژى وێ بریارێ راوەستیت چنکى وەلاتێن زلهێز تێدا ئەندامن و عیراق ژ ى ئەندامە پێتڤیە پێگیربت و د یاسایە نێڤدەولەتى یا هاتى ئەکەر هەر بریارەک ژ بریارێن نێڤدەولەتى بهێتە دایێن چ وەلات نەشێن پێکیریێ پێنەکەن ب هجەتا یاسایا ناڤخۆیى، یاسایا نێڤ دەولەتى بلندترە ژ یا ناڤخۆیى، و ژئەنجامدا نەتەوێن ئێکگرتى بەرسڤا وێ نامێ دا کو پێتڤیە پشتى بێکئینانا کابینا نی کارێ جدی بکەین بۆ چارەسەرکرنا وێ کێشێ...