حکومەت و خزمەت
May 16, 2019
وتار و بیروڕا
![حکومەت و خزمەت](https://gulanmedia.com/public/old_images/nusaran/yyuhhnbbhh.jpg )
ب پێکولێن نێچیرڤان بارزانی یێن بەردەوام و بۆ دەمەکێ درێژی دگەل لایەنێن سیاسی شیا وان لایەنان رازیبکەت ئەوژی ب سیاسەتا خوە یا نەرم ، ژ بەرکو خزمەتا خەلکی لپێشیێ دهێت دەستبەرداری هندەک ژ شایستەیێن لایەنێ خوە بۆ ژ بۆ رازیکرنا پارتێن دی ، ئەڤ چەندە بۆ وێ دهێت کو بەرژەوەندا وەلاتی کارێ نێچیرڤان بارزانی یە ، خەمخورێ چاڤ ڤەکری ژ بۆ ئاڤەدانکرن و خزمەتا وەلاتیان ، تەرخانکرنا پازدە ملیۆن دۆلاران بۆ کارەبا دهوکێ و بەردەوامی دانا کارکرنێ لسەر رێیا دناڤبەرا دهوک هەولێردا کو دێ مفایەکێ مەزن گەهینیتە گشت وەلاتیان نمونێن خزمەت و کارکرنێ نە .
چەند داهاتێ هەرێمێ زێدەدبیت خزمەتەکا باشتر ژ لایێ نێچیرڤان بارزانی ڤە دهێتە کرن و بریارێن مفایێ گشتی تێدا دهێنە دان و کوردستان پتر بۆ پێش دچیت و د هەمی بواراندا خزمەت زێدە دبیت ، ئابورێ هەرێمێ یێ باشتر لێ دهێت و کەسانێن شارەزا یێن دهێنە هەلبژارتن ژ لایێ نێچیرڤان بارزانی ڤە بۆ ب رێڤەبرنا دەزگەهێن حکومی و گهورین و چاکسازی د بەردەوامن و ب پێکئینانا حکومەتا نی باشترین خزمەتێ چاڤەرێی نە و دەست ب دەست هێز و شیان ب هەیبەت و ئاڤەدانی و زانین و زانایان کار دێ هێتە کرن ب سەرپەرشتیا نێچیرڤان بارزانی و مەسروور بارزانی ب هێزترین و پرخزمەتترین حکومەت د رێدایە .
ئەو بێهنفرەهیا وەلاتیان د دەلیڤێن بەرتەنگێن لسەر هەرێمێ دا هاتین باشترین پشتەڤانینە بۆ سەروکێ حکومەتێ و سەروکێ هەرێمێ کو پتر خوە ماندی بکەن داکو دلێ وان خەمخور و وەفادارێن کوردستانێ خوشبکەن ب خزمەتەکا ژ هەژی وان بگرە ژ ئاسانکرنا کارێن وان و دابینکرنا موچێ وان د دەمێ خودا و ئاڤاکرنا قوتابخانە و چەندین کارێن بڤی شێوەی و پاراستنا ئێمناهیا وان .
شەفافیەت و چاکسازی بهێنە دی دا رێ لبەر ئەزمان درێژی و دەستێن دەرەکی بهێتە گرتن ، هەر دەمێ مە داهاتێ وەلاتیان زێدەکر و حالێ وان یێ مادی خوشکر دێ ل وی دەمی شێین کوردستانێ ل رێزا زلهێزا بینین ، چنکو کوردستان ژ وەلاتیان پێکدهێت ئەڤجا ئەگەر وەلاتی د کێم دەرامەت و د لاوازبن دێ وەلاتیێن کێم بەرهەم مە هەبن لەو دێ وەلات بێ هێز و کێم بەرهەم بیت و د جهێ خوەدا مینیت و بۆ پاشڤەمانێ و رێزا ڤەمایا چیت .
لەو دێ بێژین ب راستی یا دیارە کو هندی داهاتەک دهێتە بەردەستێ نێچیرڤان بارزانی د خزمەتا کوردستانێ دا یێ دهێتە مەزاختن نمونە د زورن و ل دەمێ کوردستان هاتیە دورپێچکرن مە هەمیا دیت کا چاوا رێ ل بەر هەرێمێ هاتە ڤەکرن ژ لایێ وی ڤە و دیسان یا دیارە کو هەردەم کوردستان یا د مەترسیێ دا د ڤێ گێلەشوکا کێش و بێشا طائیفەگەریا هەرێمی و شەرێ ب وەکالەت یێ زلهێزان ئەڤجا ئێک رێزی و پێکڤەژیانا ئولی و رێڤەبرنەکا ب ژیر باشترین هێزە بۆ خوراگرتنا کوردستانێ .