بەری نھو رەجەب تەییب ئەردووگان سەرۆک کۆمارێ ترکیا و رێبەرێ مەزنترین پارت کۆ پارتیا داد و گەشەپێدانە د گۆتارەکا خۆدا گۆتە کوردێن باکوور جھێ وە ل ترکیا نیە و ئەگەر وە بڤێت کوردایەتیێ بکەن ھەرنە ھەرێما کوردستانێ ، ئانکۆ باشوورێ کوردستانێ .
جھێ حیبەتیێ ئەوە ئەڤ داخۆیانیا ئەردۆگانی لدەمێ پرۆپاکندێن ھەلبژاردنێن باژێرڤانی و مۆختارا بوون .
کۆ دوان کاودانان دا پارتیێن خودان بەربژێر نەخاسمە یێن دەسھەلاتدار خۆ لڤان ڕەنگە داخۆیانیان نادەن چونکی پێتڤیە کا زۆر ب دەنگ و رەئیا خەلکی ھەیە ، کورد ژی ل ترکیا رێژەیەکا زۆرن ل سەرجەمێ ھەشتێ و ئێک پارێزگەھان شازدە پارێزگەھێن کوردستانێ نە کۆ زێدەترن ل بیست ملیون کەسان .
ئەگەر مرۆڤ ھزرا خۆ دڤێ گۆتنا ئەردۆگانی بکەن ڕەھندەکا سیاسی و جڤاکی ھەیە و ب ھەروەیی ئەڤ گۆتنە نەکریە . ھەرچەندە ھێشتا ئەنجامێن فەرمی یێن ڤان ھەلبژاردنان نەھاتیە راگەھاندن ، لێ لدیف ئەنجامێن سەرەتایی پارتیا دەسھەلاتدا یا ئەردۆگانی ئانۆ ( ئاک پارتی ) ل پارێزگەھێن باکۆرێ کوردستانێ ژمارەکا زۆرا باژێرڤانیا بدەستڤە ئینایە .
ئەڤ سەرکەفتنا ئاک پارتی ل باژار و باژارێن کوردستانێ ، راستیا وێ پەیڤا ئەردۆگانی دیار دکەت . چونکی ئەگەر کوردێن باکۆ خودان رێکخستنەکا کوردستانی بان کۆ ژپێخەمەت مافێن نەتەوی و نشتیمانی خەبات کربا و بلان و بەرنامێن نەتەوی ھەبان ، پارتیێن کوردستانێ دا ل ھەمی باژێر و باژێرێن بکۆرێ کوردستانێ دەسھەلاتداریا باژێرڤانیا کەن .
نە رامان ئەوە شک ل کوردایەتی و نەتەوایەتیا کوردێن باکۆر ھەیە ، لێ دیار پەکەکە و رێکخستنێن بن پەرێن وان ، نەشیانە خۆ دگەل جڤاکێ باکۆرێ کوردستانێ بگونجینین و سیاسەتەکە چەوت پەیرەو دکەن .
ئەڤ سیاسەتا ھەدەپێ لجھێ خزمەتا کورد و کوردستانیا بکەت ، خزمەتا تورکا و ئاک پارتی کریە .
ئەڤە بەڵگەنە کۆ ستراتیژیەت و سیاسەتا پەکەکێ خزمەتتا داگیرکارا دکەت و پێتڤی ب خوداچونەڤەکا بنەڕەتی ھەیە و بۆ پرنسیپێن نەتەوی بزڤرن ، یان جەماوەر و خەلکێ باکۆرێ کوردستانێ ئەلتەرناتیڤێ پەگەکێ درۆست بکەن ژبۆ زڤرانا بوەریا خەلکێ باکۆرێ کوردستانێ ب رێکخستنەکا سەرتاسەری .
نابیت پەکەکە ژی ئیدی لسەر سەپاندنا خۆ لسەر جڤاکی یا بەردەوام بیت و دەم ھاتیە دان پێدانێ ب فەشەلا خۆ بینین .
پێتڤی یە پارتیێن باکۆرێ کوردستانێ مفای ل ئەزمۆنا باشوورێ کوردستانێ ببین ، کۆ سەرەرای ھەمی پیلانێن ھەرێمی و نیڤ نەتەوی و نافخۆیی و لەشکری شیا خۆ رابگرن و ھەرێما کوردستانێ ژ ھەمی ئالیان ڤە پێشڤە ببەن . دەربازبوونا ھەرێما کوردستانێ ل دووماھی پیلان ھەرێمی و نافخۆیی پشتی خیانەتا شازدێ ئکتۆبەرا سالا ٢٠١٧ و ھێرشێن لەشکری یێن حکومەتا عیراقێ ب ھاریکاریا ئیرانێ بۆ ژنابرنا قەوارێ ھەرێما کوردستانێ ب سیاسەتا پارتی و پێشمەرگەھێن کوردستانێ و نێچیرڤان بارزانی سەرۆکێ حکومەتا ھەرێما کوردستانێ ھاتنە ژنابرن و ھەمی گەماروویێن سیاسی و ئابووری ژی ھاتنە شکاندن ، بلا پارت و جڤاکێ باکۆرێ کوردستانێ مفای ل ئەزمۆنا خۆراگری و بەرھنگاربوونا قەیران و پیلانا یا نێچیرڤان بارزانی وەربگرن . کۆ ژ ئەنجامێ وێ سەرکەفتنا لسەر دەستێ جەنابێ وی ل ھەردوو ھەلبژاردنێن جڤاتا نوونەرێن عیراقێ و پەرلەمانێ کوردستانێ پارتی دیموراتی کوردستان رێژەیا خۆ ل ھەردوو پەرلەانا زێدەتر کر و پێگەھێ خۆژی یێ جەماوەری بەرفرەھترکر ، چونکی پارتی دیموکراتی کوردستان پارتیەکا نەتەوی و نشتیمانی یە و داکۆکیێ ل پرنسیپێن نەتەوی و نشتیمانی دکەت و پارێزەرا دەسکەفتێن خەلکێ کوردستانێ یە ، لسەر ئاستێن سیاسی و پەیوەندیێن نیڤ دەولەتی پارتی خودان پلان و ستراتیژیەتێن دوور و درێژ و ھەمە لایەنە ، لەوما دشێن ب ساناھی و ێمترین زیان قەیرانا دەرباز بەت و پیلانێن نەیار و داگیرکارا ژناڤ ببەت .
پلان و بەرنامە و دبلۆماسیەتا نێچیرڤان بارزانی یا پشتی خیانەتا نشتیمانیا (١٦) ێ ئکتۆبەرا سالا ٢٠١٧ مەزنترین بەڵگەیە و پشتی وان سەرکەفتنێن جەنابێ وی لسەر ئاستی نیڤ دەولەتی و ھەرێمایەتی پێگەھێ ھەرێما کوردستانێ بھێزتر کەفت و لسەر ئاستێ نافخۆیی ژی یا ئابووری و کارگێری دیسان وردستان ڕەوش ب تەمامی وەرگێڕا و رەوشا خەلکی و وەڵاتی باشتر کر و برە قۆناغەکا دیتر .
لێ ھەدەپە وەکی مەزنترین پارتیا باکوورێ کوردستان ژبەر بێ پلانیا رێکخستنێ و دوورکەفتن ل پرنسیپێن نەتەوی و نشتیمانی و بکارئینانا سیاسەتا خۆ سەپاندنێ رۆژ بۆ رۆژ جەماوەرێ خۆ لدەست ددەت و نەشیایە ببیتە جھێ باوەریا کوردستانیا .
ئەڤێ سیاسەتا ھەدەپێ زۆر خزمەتا دەسھەلاتدارێن تورکیا و ئاک پارتی کریە ، گۆتا ئەردۆگانی راست دەرچوو دەمێ گۆتی ئەگەر وە بڤێت کوردایەتیێ بکەن ، ھەرنە ھەرێما کوردستانێ ، ئەگەر نە ڤێ ھژمارا زۆرا خەلکێ باوورێ کوردستانێ لجھێ ھەلویست وەرگرتنێ بەرامبەر ڤێ ڤێ گۆتنێ ، ھند دەنگ نە ددا پارتیا ئەردۆگانی کۆ ل ( ٧ ) پارێزگەھێن کوردستانێ سەرۆکاتیا باژێژڤانیا بدەست بینیت .