نەوروز ئەو ناڤ و نیشانێ مێژوویا گەلەکێ زیندی وەك مرۆڤ وەك نەتەوە، نەوروز وەك مللەتەکێ بەژدار ددارشتنا شارستانیەتا مرۆڤایەتیێ دناخێ خوەدا هەلگرتی، وێ چەندێ دئینت بیرامە کۆ هەر داگیرکەرەکێ ئارمانجا وان ژناڤبرنا خاک و زمان و کوشتنا گەنج و لاوێن کورد بت، دێ کاوەیەک هەبت ب چەکۆچێ خوە رێگربت و وان ژبن ببت.
نەوروز هێما و سیمبولا نەتەوەیا کوردە و روونکرنا بوهارەکا رەنگین ژبۆ هەموو کوردستانیان، نەوروز بتنێ پەیڤەک نینە بهێت سەر زمانێ خەلکێ بەلکۆ ناڤ و نیشانێ پێشرەویا ئاگرەکێ یە کو زیندانێن مێژوویێ روندکت، و ئەو پەیاما گەلەکێ تژی ژئیرادەی و یەکسانیا مروڤان ب مروڤایەتی راگەهاندی. لسەر سالا کوردی کو (نوی ڕوژ) ژبۆ هەرتاکێ کورد دئێت هژمارتن، ژبەرکو هەستەک نەتەوەیێ مەزنە و هەموو کورد لهەر چار پارچێن کوردستانێ ب ئاهەنگ و شاهی ڤێ یادێ دگێرن، هەتا کو کوردێن ل وەلاتێن ئەوروپی دژین ڤێ یادێ ب هەلکرنا ئاگری ل بیر دئینن و نەتەوەیا خوە نیشانی هەموو جیهانێ ددن، کورد هەنە و کورد زیندینە.
٢١ئادارێ هەموو کوردستان ب بوهارا خوەیا رەنگین پێشوازیێ ل گەلێ ئاری دکەت، و بجلێت کوردی نوی ڕوژێ پیروزدکن و ئەو ڕوژه یاکو تەڤایا دوژمنێن کورد چاڤ ل سەر دەمژمێرێ دمینت داکو ئەڤ یادە زووی دەربازببت، ژبەرکو برایەتی و پێکڤە ژیانا گەلێ کورد بێ جوداهیا کەلتور و ئاین و رەگەز تەمەنان دهێت نیشاندان ب جوش خروش ڤێ یادێ دگێرن، هەلبەت دئەڤ سالەدا نەوروز جیاوازتر ب گەرمتر ژلایێ هەولاتیان ڤە هات پێشوازیکرن، ژبەرکو مەها سێ بوو ئەگەرێ ب دوماهی هاتنا گەلەک نەخوەشیان ژ وان دوماهیک هاتن ب پاشکەڤتا مووچەی کو بەریا دوو حەڤتیان ئەڤ یەک ژلایێ نیچیرڤان بارزانی سەروک وەزیرێن هەرێما کوردستانێ هاتی راگەهاندن، و دیسان لێک نێزیک بوونا حسبێن سیاسی ژبۆ پێکئینانا حکومەتا نوویا هەرێمێ پێنگاڤەکا دیا دلخوشکەرە ژبۆ خەلکێ کوردستانێ.
ب بوونەیا پیروزکرنا جەژنا نەوروزێ سەروک مەسعود بارزانی و نێچیرڤان بارزانی پەیامێن خوە بەلاڤکرن، سەروک بارزانی داخوازکرکو هەموو لایەک وەک وەفایەک ژبۆ خوینا شەهیدان و قارەمانیا هێزا پێشمەرگەی و خوەراگریا گەلێ کوردستانێ، پێشکەڤتن و پاراستنا کوردستانێ بکن دەستپێکا کارێن خوە و نوکە قوناغەکا دی دژیانا گەلێ کوردستانێ دا پێتڤییە و ئەڤ قوناغە وەسا دخوازت بەرەڤ بنیاتێ کوردستانەکا بهێز و گەشەتر بچین و رێزێ ل ئیرادێ بگرین، ژبەرکو ئەو دەستکەڤتێن نها هەین بەرهەمێ خوینا شەهید و خوەراگریا خەلکێ کوردستانێ یە.
ژئالیێ خوەڤە دپەیامەکێ دا نێچیرڤان بارزانی ژی هێڤی خواست کو خوەشی بسەر ناخێ هەموو کورداندابهێت، بسەر دوزێن سیاسی و بوارێ ئابووری و کومەلایەتی ب هەموو روویەکێ ژیانێ ڤە، و هەروەسا دووپاتی دا وێ یەکێ خوە لبەرگرتن و ئارامی تاکە رێکن ژبۆ گەهشتن ب ئارمانجان، و دڤی ماوەیدا کوردستان دێ دووبارە ڤەگەرت خێر و خوەشیێ و ب وارێ ئابووری باش بیتەڤە، و یا ئەڤرو دڤێت بێژین کەلتورێ پێکڤە ژیان و لێبوورینێ یە کو نەوروز دبنەرەتدا هەلگرا ڤێ پەیامێ یە. هەموویان بینی کو کوردستان دگەلەک کاوداناندا دەربازبی، وەک شەرێ داعش و ئاوارەبوونا سەدان هزاران خەلکێ ژبۆ هەرێما کوردستانێ، و کێمبوونا داهاتی و خرابوونا بوارێ ئابووری ژبەر برینا بودجە و موچەیێ هەرێمێ و نزمبوونا بهایێ نەفتێ، کو هەر ئێک ژڤان ب شێوەیە کێ جوراو و جور کارکر سەر ژیانا خەلکێ و بتایبەتی ژلایێ ئابووری و دەروونیڤە کاریگەریەک خراب ب جهێلات.