پارتی دیموکراتی کوردستان ل هەردوو هەلبژاردنێن بۆری دا زێدەتر ئاشکرا کر کۆ پارتیەکا جەماوەری و نشتیمانی یە ، چونکی سەرەرای وان هەمی دژایەتی و ئاستەنگێن لسەر ئاستێ هەرێمی و ناڤخۆیی لهەمبەر هاتنە دروست کرن ، شیا ب هێزا جەماوەری وان ئاستەنگا بشکێنیت و ببیتەڤ هێزا ئێکێ . ئەڤێ چەندێ ژی چەندین فاکتەر هەنە . ژوانا ناڤ و رێبازا پیرۆزا بارزانی نەمر ، هەلویستێن نەتەوی و نشتیمانیێن پارتی و سەرۆک بارزانی ، خودان و داکۆکیکارا ئەنجامدانا راپرسیا سەرخۆبوونا کوردستانێ ، بەرەڤانیکرن ل پاراستنا دەسکەفتێن هەرێمێ ، خۆ نەچاماندن بەرامبەر پیلان و بریارێن نەیار و داگیرکارا ، هەبۆنا ستراتیژیەکا هەمە لایەن و دویر و درێژ ، هەبۆنا پلانێن( A ـــZ ) د هەمی ئەگەران دا و خودانا تۆڕەکا بەرفرەها دبلۆماسیەتەکا پۆلایینی و سەرکەفتنا سیاسەتا شکاندن و هەلوەشاندنا پیلانێن نیڤ خۆیی و هەرێمی و هەتا دادەیەکی نیڤ نەتەوی ژی پشتی خیانەتا بالێ دەسهەلاتێ ئێکەتی ل شازدێ ئکتۆبەرا سالا ۲۰۱۷ بۆ داگیرکرنا کوردستانێ و ژناڤبرنا قەوارێ هەرێما کوردستانێ ب سەرپەرشتیا نێچیرڤان بارزانی سەرۆکێ حکومەتا هەرێما کوردستانێ و جێگرێ سەرۆکێ پارتی . هەروەسا خۆراگری و سەرکەفتنا پێشمەرگەهێن کوردستانێ بسەر تیرۆرستێن داعش و پاشان حەشدا شیعی و پاسدارێن ئیرانێ ب پشکداری و سەرپەرشتیا سەرۆک مەسعۆد بارزانی و چەندین ئەگەرێن دیتر .
ڤێ سیاسەت و سەرکەفتنێن پارتی هەستا نەتەوی و نشتیمانیا خەلکێ کوردستانێ بهێزتر کر ، وەکر کۆ خەلک وێ نەدادوەری و گەندەڵیا هەی ژبیر بکەت و بۆ پاراستن و بهێترکرنا کوردستانێ دەنگی بدەتە پارتی و گلە و گازندێن خۆ بۆ دەمێ خۆ لەهلبگریت .
پشتی ڤێ سەرکەفتنا پارتی یا جاماوەری ، هەڤسانگیا سیاسی و کارگێری د بەرژەوەندا پارتی دا دالەنگی و چاڤەرێ ل پارتی دکەت هێزا جەماوەرێ خۆ لبەرچاڤ بگریت ، چ ل دەمێ پێکئینا کابینا نوو یا حکومەتێ یا ژی قۆناغا پشتی ئێکئینانا وێ .
ژبۆ پێکئینانا حکومەتێ دخازیت لەزێ ل پێکئینانا حکومەتێ بکەت و چاڤەرێ پارتیا دۆڕاندی و خودان چەندین بالێن دووبەرەک نەکەت ، چونکی ب مەبەست و پیلان دڤێت پێکئینانا حکومەتێ گیروو ببیت و گۆنەها وێ بۆ پارتی وەکی سەرکەفتیا ئێکێ دهێتە هژمارکرن و دێ کاریگەریەکا نیگەتیڤ لسەر جەماوەر و دەنگدەرێ پارتی کەت .
چارەسەرکرنا قەیرانا دارایی و زاڵبۆن بسەر ڤێ قەیرانا مەزن دەسکەفتەکێ مەزنە بۆ سەرۆکێ حکومەتا هەرێما کوردستانێ نێچیرڤان بارزانی و پێتڤی یە ل کابینا داهاتی ئەو کێم و کاسیێن مایی ژی وەک دوو مۆچەیی و بن دیواری و جیاوازیێن بێ مانا یێن مۆچێن هندەک فەرمانبەرا دگەل مۆچێن پلەدارا و دەربازکرنا یاسایا چاکسازیێ ل پەرلەمانێ کوردستانێ لدەمەکێ زوو .
درۆشمێ کوردستانەکا بهێز هێزەکا زۆرا جەماوەری ب پارتی بەخشی ، لەوما جەماوەرێ پارتی پێ باش نیە ل شێوازێ دابەشکرنا پۆستێن حکومی ، پارتی مافێ خۆ بدەتە حزبێن دیتر چونکی چەند پارتی دەسهەلات تر بیت کوردستان دێ بهێزتر بیت ، نەخاسمە ئەو حزبا بن کۆنترۆلا باندەکا خیانەتکارا .
خەلکی باوەری هەیە کۆ نێچیرڤان بارزانی جێگرێ سەرۆکێ پارتی و سەرۆکێ نهو یێ حکومەتێ و کاندیدێ سەرۆکێ هەرێمێ ، وەکی سیاسەتمەدارەکێ خودان شیان و کاریزما لسەر ئاستێ جیهانێ ناڤدار بۆیە و لدەمێ ئەرکێ خۆ یێ نوودا وەک سەرۆکێ هەرێمێ دێ دەسکەفتێن هەرێما کوردستانێ بهێزتر کەت و ئاستێ پەیوەندیێن هەرێمێ لسەر دەستێ وی گەهشتینە ئاستەکێ بلند و دێ خورتر و بهێزتر کەڤن و دێ چاکسازیێن بنەڕەتی کەت ، کۆ هیڤیا خەلکێ کوردستانێ یە و پێتڤیەکا فەرە ، نابیت بهیچ ڕەنگەکی ئاستەنگ لهەمبەر گاڤێن وی یێن چاکسازیێ بهێنە دروست کرن ، چونکی ئەنجامدانا چاکسازیێن ریشەیی لسەر دەستێ پارتی ، باشترین بەرنامە و پرۆژەیە بۆ زێدەترکرنا هێزا جەماوەریا پارتی بۆ هەلبژاردنێن داهاتی .
ئێککرتنا هێزێن پێشمەرگەهێن کوردستانێ ژلایێ ئیداری و دارایی ، هیڤیەکا دیترا خەلکێ کوردستانێ و جەماوەرێ پارتی یە ، گرنگە پارتی دووبارە هەولێن خۆ یێن رژد بۆ ڤێ چەندێ بهاڤێت و پێشمەرگە ببیتە لەشکرەکێ نشتیمانی و بن فەرمانا فەرماندێ گشتی یێ لەشکرێ کوردستانێ و هەر پارتیەکا دژی ڤێ چەندێ بیت ، ڕاستیا وێ بۆ جەماوەری دیار بکەن .
مەسرۆر بارزانی کاندیدێ پارتی ژی بۆ سەرۆکێ کابینا نوو نە تنێ جهێ ڕەزامەندیا جەماوەرێ پارتی یە ، بەلکی جهێ شانازیا وانە و خەلکی باوەریەکا موکۆم پێ هەیە کۆ ئارامی و تەناهیا کوردستانێ دێ زێدەتر کەت و دێ گۆڕانکارین زۆر ئەرێنی و د بەرژەوەندا خەلکێ کوردستانێ کەت و خەلک لێ چاڤەرێ یە دەرگەهێن دامەزراندنێ ڤەکەتەڤە و پشتەڤانیا پرۆژە و داخازیێن لاوان بکەت وەکێ لاوەکێ خودان شیان و دلسۆز .
ئەڤ سەرکەفتنا پارتی ل دووماهی هەلبژاردن ب هیممەتا کادر و ڕێکخستنێن قاعیدا پارتی و گەنج و خۆبەخشێن سۆشیال میدیێ بۆن ، پێتڤی یە زۆترین دەم پارتی ل شێوازێ سەرەدەریکرنێ دگەل قاعیدا خۆدا بجیتەڤە ، چۆنکی براستی کادرێن سازیێن خوارێ یێن پارتی د قەیرانەکا دژوار دانە ، چ ژلایێ دارایی ، یان ژلایێ هەلسەنگاندنێ و نە دادوەری د پلە بلند کرنێ دا ، ئەگەر دلسۆزی و خەمخۆریا وان بۆ پارتی و رێبازا پیرۆزا بارزانی نەمر نەبا ، دڤێ قەیرانا چەندین ساڵادا خۆ ڕانەدکرت و ڤێ قەیرانێ وەکریە کادر شەرمزاری مال و خێزانا خۆ ببیت .
سۆشیا میدیا یا پارتی ژی لەشکرەکێ ئاشتیخوازێ هەلگرێ چەکێ پەیڤ و وێنەیانە بۆ دابینکرنا پشتەڤانیا جەماوەری بۆ پارتی و نەیارێن پارتی هزرەکا زۆر لێ دکەن و رێژەیەکا زۆرا کورسیێن پارتی ل پەرلەمانێ کوردستانێ ب سۆشیال میدیا دەست کەفتنە ، لەوما گرنگە ئەڤ خۆبەخشە بهێنە ڕێکخستن و پشتەڤانی لێ بهێتە کرن .