تارق رەمەزان ئەو فرۆکەڤانێ تاوانبار بۆ ئەرێ ل سالا ١٩٨٨ باژارێ ھەلەبجە کیمیاباران کری و بوویە ئەگەرێ شەھیدبوونا زێدەتر ب پێنج ھزار کوردێن سڤیل و بریندار کرنا زێدەتر ل دەە ھزار کەسان ، ژبلی زرار و زیانێن مادی و ژێر خانا باژێری .
ھەردەم ھیڤیا خەلکێ کوردستانێ ئەو بۆیە وێ رۆژێ ببینن ئەوا تاوانبارێن وان کارەساتێن بسەر مللەتێ کورد ئینای بھێنە سزادان و دادگەھکرن ، نەخسامە کارەساتا کیمیا بارانکرنا ھەلەبجە و ئەنفالا . چونکی ڤان ھەردوو کارەساتا وژدانا مرۆڤایەتیێ ھەژاند و مەزنترین کارەساتێن سەردەمێ خۆ بوون .
تارق محمد رەمەزان یێ بەرنیاس ب تارق رەمەزان ئەو فرۆکەڤانێ ل پشکداری ل کیمیا بارانکرنا باژارێ ھەلەبجا شەھید کری ل ئادارا سالا ١٩٨٨ کۆ بوویە ئەگەرێ ڤێ کارەساتا مەزن بسەر ڤی باژارێ کوردان ، پشتی کەفتیە ددەستێ ئاسایشا ئێکەتیێ بۆ دەمەکی ل گرتیخانا قەراچۆلان ھاتە بەندکرن و پاشان ل ٢٨/١٠ / ٢٠٠٨ ھەر وان رزگار کر ...! ئاھا ئەڤ ئەو کارەساتە ئەوا نێزیکی کارەساتا ھەلەبجە ، تاوانبارەکێ ئەڤ تاوانا مەزن کربیت و پشکدار بیت ل شەھید کرنا پێنج ھزار خەلکێ سڤیل و بێ تاوانێ خەلکێ تە و بریندارکرنا دەە ھزارێن دیتر ژلایێ ئاسایشا پارتیەکا بناڤ کوردستانی بھێتە رزگارکرن .
بەلێ ئاسایشا ئێکەتیێ رزگار کرن نەک ئاسایشا کوردستانێ ، ئەگەر ئەو ئاسایشە یا کوردستانی با بھیچ رەنگەکێ تاوانبارێن بڤی نەدھاتنە رزگارکرن ، لدەمەکی رزگار کر کۆ دەسھەلاتا راستەوخۆ یا دەڤەرا سلێمانیێ و گەرمیان ددەستێ ئێکەتیێ دا بوو و سەرۆک کۆمارێ عیراقێ ژی ھەر ل وان بوو .
رزگارکرنا ڤی تاوانبارێ مەزن زۆر رامانان ددکەت و مە دزڤرینیت بۆ سەردەمێ روودانا وێ کارەساتا مەزن و خۆیناوی یا بەری سیە و ئێک سالا .
چونکی رێخوشکرن بۆ کیمیابارانکرنا باژارێ ھەلەبجە ژلایێ رژێما دکتاتۆریا بەعسا عیراقێ پیلانا کۆمارا ئیرانێ بۆ ب پشکداریا ئێکەتیێ و سەرانێن ئێکەتیێ راستەوخۆ پشکداری پلانێ بوون بۆ ئینانا پاسدارێن ئیرانێ بۆ ناڤ باژارێ ھەلەبجە و رێگریکرنا ل خەلکێ سڤیل لدەمێ بەڵاڤکرنا بەڵاڤۆکێن ھایدارکرنێ ژلایێ رژێما بەعس لسەر بکارئینانا چەکێ کیمیایی .
ئەڤە نیشانێ وێ چەندێ یە کۆ سەرانێن ئێکەتیێ رێکەفتن و ھەڤپەیمانیا سیاسی یا دوور و درێژ ژ پێخەمەت بەرژەوەندێن و ئیرانێ و دارایی و کەسی ودگەل ئیرانێ ھەنە ، ئینانا پاسدارێن ئیرانێ بۆ ناڤ ھەلەبجە و رێگریکرن ل دەرکەفتنا سڤیلان ل وی دەمی پشکەکا رێکەفتنا وان بوویە ، چونکی زانیە کۆ ئەڤ چەکە دێ ھێـتە بکارئینان و پاسدارێن ئیرانێ پێتڤیێن تایبەت یێن خۆ پاراستنێ ل چەکێ کیمیایی بکار ئینابوون و ئێک پاسدارێن وان ژی نەھاتە کروشتن ...!
ڤەکۆلین نەکرن لسەر دۆسیا ھەلەبجە دگەل سەدامێ دکتاۆر لدەمی گرتنێ دا ، پەیوەندی دگەل وێ رێکەفتنێ ھەبوو داکۆ راستیا پیلانا دناڤبەرا ئێکەتیێ و ئیرانێ دا بۆ خەلکێ کوردستانێ و عیراقێ ئاشکرا نەبیت و ھەر زوو ھاتە سێدارەدان .
پیلانا خیانەتا شازدێ ئکتۆبەرێ ژی درێژەپێدەرا ھەمان رێکەفتنا دناڤبەرا ئێکەتیێ و ئیرانێ بوو ، ئەگەر سیاسەتا دووربینا نێچیرڤان بارزانی سەرۆکێ حکومەتا ھەرێما کوردستانێ بو پاراستنا دەسکەفتێن نەتەوی و نشتیمانیێن ھەرێما کوردستانێ نەبا ، رێکەفتنا ئێکەتیێ و ئیرانێ دا کارەساتەکا ل کارەساتا ھەلەبجە مەزنتر بسەر خەلکێ کوردستانێ ئینن و قەوارێ ھەرێما کوردستانێ دا ژناڤ چیت ، لێ سیاسەتا نێچیرڤان بارزانی و پێشمەرگەھێن پارتی رێگری ل بجە ئینانا وێ گرت و شیا دووبارە پشتەڤانیا نیڤ دەولەتی بۆ ھەرێما کوردستانێ خۆرت بکەتەڤە و پەیوەندیێن ھەرێمێ دگەل ئیراقێ بگەھینە ئاستێ ئەڤرۆ ئەم تێدا و موعادلە بەرۆڤاژی کر .
پێتڤی یە خەلکێ کوردستانێ ب گشتی و یێ پایتەختێ ئاشتیێ و پایتەختێ رەوشەنبیری ھایداریا ڤان رەنگە پیلانێن سەرانێن ئێکەتیێ بن و بزانن رازگارکرنا وی فرۆکەڤانیێ تاوانبار ، بن پەردا رێکەفتنەکێ بوویە و ئەڤەژی مەزنترین بێ رێزی یە بەرامبەر خەلکێ کوردستانێ ب گشتی و خەلکێ ھەلەبجا شەھید ب تایبەت