مەرەم ژسیاسەتێ بجھئینانا وی مەبەستێ یە ئەوێ کۆ دعەقلییەتا لایەنێن سیاسیدا مومکن بیت کۆ دێ بجھئێت وچۆ گۆمان دبجھئینانا ویدا نابیت، لێ یا گرنگتر ژسیاسەتێ چاکسازیەکۆ مەرەم ژویژی بجھئینانا وی مەبەستێ یە، ئەوێ کو گۆمان د بجھئینانا ویدا ھەبیت، ئانکۆ دیار نینە کا دێ بجھئێت یان نە ...؟!! بەلێبھەمی ھەول وکوششا، لایەنێ پەیوەندیدار گەرەنتیا بجھئینانا وی مەبەستێ ددەت ئەوا کۆ گۆمان دبجھئینانا ویدا ھەیە، نەخاسم ئەگەر باوەریا تەمام ببیرۆ را و رێبازا خوە ھەبیت،ئاھا پارتی .. بگیانێ نیشتمان پەروەری رۆلێ خوە میناسەنترالیزمێ دناڤا ھەر ئێک ژڤان بواراندا دبینیت، لەورا سەلماندنا نیازا راستەقینەیێوی لایەنێ سیاسی بۆ چاکسازیێ کارەکێ ئاسان نینە، مەگەرنە دوۆژانێن سەختدا بتەماشەکرن دئاسۆیێ خۆدان مەودایەکێ بەرفرەھدا وێنێ راستەقینەیێ نیاز وکارۆ کریارێن وی لایەنی ئاشکەرا ببیت .
بۆمە وەکۆ یاساناساندزانستێ تاوانێداتشتەکی نوی نینە کۆ دھندەک بارودۆخێن تایبەتدا ببکارنەئینانا ئەندامێن جەستەیژیدئەرکەکێدا، تاکە کەسبۆ خۆ تۆمەتەکا تاوانی لدویفخۆرا بینیت، مینا کۆ دەیکەک بێدەنگ بیت ونەرابیت بدانا شیری بۆ زارۆکێ خوە یێ ژنوی ھاتی سەر دونیایێ ؟!!...
دوارێ سیاسیدا ودکاودانێن سەرسەختدا ئەرک بتنێ ناکەڤیتە سەر ملێ پارتی، چۆنکە سەرچەم لایەن خوە بپارێزڤانێ وەلاتی ددەنە زانین وشایستێن خوە وەردگرن وپشکدار دبن دچالاکیاندا وسیاسەتێ دکەن، ھەمبەر ڤی چەندێ ئەرکە لسەر ھەمی لایەنان کۆ لدویف رێژا بدەشتڤەئینانا دەنگان دھەلبژارتنان تەحەمۆلا بەرپرسیارەتیێ بکەن وخۆ نەڤەکێشن وبێدەنگ نەمینن ددەمێ بارێ سیاسی یان ئابووری و ... ھتد شێل و بێلدبیت،بەلێ ئێک ژتایبەتمەندیێن پارتی ئەوە، بۆ ھەر پرۆسێسەکێ کۆ جۆرە رەھەندەکێ نیشتمانی تێدا بیت، نە تەنھا بێدەنگ نامینیت، بەلکۆ کار دکەت ژبۆ ئێکلاییکرنا بابەتی لدویف خواستێَن وەلاتیان،سەرەرای وی چەندێ کۆ بحۆکمێ سەرکەفتنا ھەمیشەییا ھەلبژارتنان، یاساییانە شیانێن بێدەنگبوونا دۆم درێژ ھەبوویە گەر بەرامبەر نەھێنە پێش لێ دەما ھەست بھاتنە دی یا دیفاکتۆیا تێکدانێ کریە خوە لا نەدایە ژ بەرپرسیارەتی بوونا ژ پاراستنا گیان وکەرامەتا تەڤایا کوردستانیانومەزنیا ڤی رێبازێ دوی چەندێدانە کۆدیڤچوویێن خوە بھەستەکێ بەرپرسیارانە ھەمبەر خاک ونیشمانی پەروەردە کرینە، لەورازۆربەی دەماندەستپێشخەر بوویە ولیًخوەشبوویە ژ چەندەھان مافێن رەوایێن حزبایەتیێکۆ دھەلبژارتناندا بدەستڤە ئینای،لێخوەشبوون ژئیستیحقاقاتێن پارتی بنیازاچاکسازیێ دچەندەھان پلە وپۆستێن بلندێن کابینێن بووری یێن حکۆمەتا ھەرێما کوردستانێدا تەحەدیا ھەر ئالیەکێ دکەت سەبارەت باشترینێ کیانان ..!!واتە بچاڤێن ڤەکری وبدیتنێن جیھانبینینێ لسەر پەیرەوێ دیمۆکراسیەتێ سیاسەتێ دکەت وبەرەڤ چاکسازیان پێنگاڤ دھاڤێژیت وتەنازولات دکەت داکۆ کلتۆرێ پێکڤەژیان وفرە رەنگی وفرە ھزریبدرەخشانی لڤی خاکێدا بمینیت، لەورا دلایەنگیریێدا، خۆ تێگەھاندن دسەرەدەری وکریارێن کیانێن سیاسیدا مێشکەکێ ژێرانە دڤێت وتا راددەیەکێ دویفچوونەکا ھویر بۆ دڤێت .. ڤێجا براستی زێدەباری کۆ پارتیێ وەلاتپارێزی بھەمی رامانێن خوەڤە بئەرکَ لسەر شانێ خوە زانییە،دڤان ھەمی تاقیکرن سەخت وبارۆدۆخاندا سەرکەفتیە وخودانێ کەرامەتاراستەقینەیێ مللەت پارێزیێ بوویە .
بەرپەرێن کەڤن ناڤەدین، تەنھا وتەنھا دێ باسێ کورتیەکێ ژ ئێک خال وخەسلەت وتایبەتمەندیا پارتیێ کین، ئەوژی رۆلێ ڤی پارتێ دسیاسەتکرن ونیازا وی بۆ چارەکرنا سەرجەم کێشەیێن کۆ ناکۆکی لسەرن دگۆرەپانا سیاسیا ئەڤرۆ یا ھەرێما کوردستانێدا وتایبەت پشتی رویدانێن ( ١٦ ێ ئۆکتوبەرا ساڵا ٢٠١٧ ێ) .
پشتی ھەلبژارتنێن ئەنجوومەنێ نوینەران یێ عێراقێ وەکۆ ئیستحقاقا ھەلبژارتنا، پارتیێ ھەمبەر پۆستێ سەروککۆماری وپشتی وەرگرتنا وەزارەتین دی بکێمیڤە چاڤ ل وەزارەتا دادبی ، ولێخوەشبوون ژڤی پۆستی دھزرا پارتیێدا نەبی، لێ سەرەدەری دگەل واقعی کر، ھەروەسا پشتی ھەلبژارتنێن خۆلا پێنجێ یا پەرلەمانێ کوردستانێ ونەھاتنە پێشا ئێکەتیا نیشتمانیا کوردستانێ ژبۆ روینشتنا پەرلەمانی ل ( ١٨ ێ شۆباتێ ) بپێتڤی زانینا وی لایەنی کۆدئێک پاکێجدا ھەمی کێشە چارەببن (مینا وەرگرتنا پۆستێن سیادی ل بەغدا و ل ھەرێمێ و بابەتێ کەرکووکێ ..)، پارتیێ پێنگاڤ ھاڤێتن ژبۆ سیاسەتکرنەک لسەر بناغێ وەلاتپارێزیێ ورەنگە بشێم بنازناڤێ ( پارێزەرێ ئەتەکێتێن سیاسیێ ) ناڤدێر بکم، چۆنکە برێخستنا پرۆسێسا دیمۆکراسیەتێبتایبەت لھەرێمێ، ئەوێ کۆ وەلاتی بگشتی چاڤەرێی وان دەرەنجاما بوون ھەروەسا پابەندبوون بوی لھەڤھاتنا دناڤبەرا پارتی وئێکەتیێدا لدەمێ ھەلبژارتنا دەستەیا سەرۆکاتیا پەرلەمانی ئینجا لیژنا یاسایی و ...ھتد، پارتیێ سەلماند کۆ بەلێ نوی دبیت وسەردەمیانە وژێرانەسیاسەتێ دکەت ودلسۆزانەچاکسازیێ دخوازیت .
رەنگە رەخنەیێن زور بھێنەئاراستەکرن،لێ ئەگەر لایەنەکێ سیاسی پێنگاڤان بھاڤێژیت و رەنگڤەدانا وی سیاسەتێ ئەنجامێن ئەرینی ژێ پەیدا ببن، وی دەمی پشتبەستن بسیاسەتا وی لایەنی دێ زێدەتروەلاتی ھێلیتە دناڤا ئێمناھی وئارامیێدا، ئەڤچەندەژی ئێکەم فاکتەرە بۆ گەشەیا ھەمی سێکتەران، گەر تاکە کەس دخەما گلۆبالیزم و پێشڤەچوونا وەلاتیدا بیت، ئەڤجا ئەم ڤی گەشەی وپێشڤەچوونا سیاسی وئابووری ورەوشەنبیری ... ھتد، دپارتیێدا دبینین چ دگەل حکۆمەتا ناڤەندی یانژی لھەرێما کوردستانێ بیت .