نێچیرڤان بارزانی سووزا خوو بجهئینا
March 9, 2019
وتار و بیروڕا
![نێچیرڤان بارزانی سووزا خوو بجهئینا](https://gulanmedia.com/public/old_images/nusaran/yyuhhnbbhh.jpg )
نێچیرڤان بارزانی زەلامێ روژێن دژوار و بەرتەنگ ، ئەندازیارێ ئاڤەدانیێ سەروکێ داهاتیێ کوردستانێ تە دلێ هەژاران ب هەمی تەخ و چینێن وەلاتیڤە خوشکر ب وێ بریارا نەمانا پاشکەفتێ موچەی یا تە راگەهاندی هەر هەبی مەردەمێر دانەرێ پروژێن مەزن خزمەتکارێ کوردستانێ .
پاشکەفتێ مووچەی نەما ، لڤێ مەهێ دێ مووچە بێی پاشکەفت هێتە دابەشکرن ، ئەو سووزا نێچیرڤان بارزانی دای بجھئینا ، ئەو بریارا وی دای ژبەر برینا مووچە و بودجا هەرێمێ بوو ژ لایێ عیراقێ ڤە ل وی دەمی داکو قەیران لسەر وەلاتییان سڤکببیت و قەیران مەزنتر لێنەهێت ، ئەو سەبر و تەحەملا خەلکێ هەرێمێ کری ب هەروە نەچوو نوکە کوردستان بسەرکەت لسەر دوژمن و نەحەزێن خوو ، ئەو نەخوشی و ئەزیەت بورین و دێ ل جهێ وان خوشی و کەیف بۆ وەلاتییان هێن ، ئەو وەفادارییا وەلاتیێن هەرێمێ بۆ پاراستنا کیانێ مەبوو دیسان دەست ب دەست دێ ئاڤاکەین کوردستانێ .
ئەڤجا دڤێت خزمەتەکا مەزنتر و پتر بۆ وەلاتیێن هەرێمێ بهێتەکرن ژ بەر خوراگری و ڤیانا وان بۆ وەلاتی ، ئەڤە چەندین سالن فەرمانبەرێن هەرێمێ ب مووچەکێ کێم و دلەکێ مەزن کاردکەن و بێی راوەستییان .
نەحەزێن کوردستانێ گەلەک پێکولکرن نافخوییا هەرێمێ تێکبدەن بەلێ یا وان ڤیای سەرنەگرت و بەروڤاژی یا وان ڤیای پتر خەلکێ مە بۆ پشتەڤانێ حکومەتا خوو ، ژ ڤی دەمی و وێڤە دێ پتر خزمەت هێتەکرن و ئاڤاکرنا هەرێمێ ل هەمی لایەکیڤە دیسان دەستپێکەت .
ئەو قەیرانا بوری بۆ حکومەت و وەلاتیان دژوارترین وانە بۆ چنکو کەسەک یێ دەست گرتی نەبوو هەر داهاتەکێ دهات وەسا دچوو ، پتر دێ خەلک زانیت چاوا سەرەدەریێ لگەل وی داهاتیێ بۆ دهێت کەت ، هەروەسان حکومەت پتر دێ چاکسازیێ و خزمەتێ کەت ، گەلەک پروژێن بێ بنەما پارە بۆ هاتبونە خەرجکرن و نە پروژە جێبەجێ ببوو و نە پارە دیارمابوو ئەو مالێ حکومەتێ یێ بەری نها چەندین کەسێن حەرام خوور دبر بەرزەدکر ل دەمێ قەیرانێ دیاربو کانێ چەند یا پێتڤیە رێ ل هەمبەر گەندەل و خراپکاران بهێتە گرتن .
ئاڤاکرنا هەرێمێ دەستپێکر ، رێ لهەمبەر چاکسازیێ ڤەبوو ، دەستپاکی و خزمەتکرن دێ هەرێمێ پێشئێخن ، ئەڤە هەمی بۆ نێچیرڤان بارزانی و خوراگرییا وەلاتییان ڤەدگەریت ، ل بەرتەنگیێ هەڤگرتی و بێهن فرەھ بوون لەو دێ بەرفرەهی هێت و ب خوشی و کەیف دێ وەلاتی ژیانا خو بەنە سەر .