ئێک ژ وان پیلانێن دژی هەرێما کوردستانێ هاتین ئەنجام دان بو نەهێلانا قەوارێ دستوری یێ هەرێما کوردستانێ ل عێراقێ ب پشتەڤانیا گروپێن نافخو و دەرڤە دورست کرنا ئابلوقێن ئابوری بوینە ژوان پیلانا برینا بودجا هەرێمێ بوو ژلایێ بەغدایێ ڤە ..
هەلبەت دوو مەرەمێن سەرەکی ژڤێ بریارێ هەبوینە :
یا ئێکێ رابونا خەلکێ کوردستانێ و فەرمانبەران بویە کو دژی حکومەتا هەرێمێ بو هندێ ئەجندایێن نافخو یێن وانەگروپان سەربگرن و بەرەلایەک سیاسی و ئەمنی و ئابوری دورست بکن و چەندین لایەنێن سیاسی بێ خاندنا ڤان پیلانا بکن کەتنە د چەپەرێ دژی حکومەتێ دا ..
ئارمانجا دووێ لاوازکرنا پێگەهێ هەرێمێ بویە ل ناڤەندا بریارێ تایبەت بو وان کێشەیێن هەرێمایەتی ئەوێن دورست دبن هەرێمێ بێ رول بهێلێن تاکو ب گەهتە ئاستێ هەوەشاندنا وی قەوارەیێ ..
گومان تێدا نینە پێدڤی بوو حکومەت جارەسەریا فی بابەتی بدەت و ژ ئەنجامێ وێ موچە هاتە پاشەکەوت کرن و ئەڤ بریارە نەیا یاسایێ بویە چونکە پێویستی ب یاسەکێ دکر ژ پەرلەمانی بەلکو زورلەیێ لایەنێن سیاسی ڤیاینە مڤایێ ژڤێ رەوشێ وەربگرن لەورا ب بریارەک تایبەت ئەڤ چەندە هاتە کرن ..
ژ وی دەمی و تانوکە سەروکێ حکومەتێ زور هەول و بزاڤ کرن چارەکێ بو ئەفی بابەتی ببینیت و سوز دا خەلک و فەرمانبەرێن کوردستانێ ئەڤێ پرسێ چارەسەربکەت .
ب هەول و بزاڤێن بەردوام ژلابێ حکوەتێ ڤە کێشە ب بنەرتی نەهات جارەکرن بەلکو زور هوکارێن دی لسەر حکومەتێ زال بون کو ئەڤی نەشێن وەکو پێدڤی جارەبکن ژوان هوکارا شەرێ دژە تیرورێ پرسا ئاوارە و پەنابەران و داکتنا بەهایێ نەفتێ بەلێ ژ ئەنجامێ دبلوماسیەتا حەکیمانەیا سەروک بارزانی و سەروک وەزیران شیان ل روژا جیهانیا ئاڤرەتان مزگینیا نەمانا پاش کەوتی رابگەهینن ..
ب دیتنا من چەند ڤاکتەر هەبوینە کو ئەڤرو ئەم گەهشتینە ئەڤێ قوناغێ یا ژ هەمیان گرنگتر خوراگێریا خەلکێ کوردستانێ بوینە و نەکەفتنە لبن باندورا پیلانێن ڵایەنێن سیاسی و عێراقێ ژی و دیسان رولێ پێشمەرگێ کوردستانێ بویە خالا وەرچەرخان بو گوهرینا سیاسەتا عێراقێ هەمبەری کوردستانێ و هەلویستێ فەرمانبەرێن کوردستانێ جهێ رێزگرتن و سوپاسیێ بویە ..
لەورا سەرکەفتن و هیمەتا هەرە مەزن بو خەلکێ سەربلندێ کوردستانێ یە و گرنگە ل داهاتی حکومەت ژی پێداچوونا سیاساتێن خو بکت بو هندی هەمی حازری هەبن بو هەر رەوشەکا بهێتە پێش چونکە رەوشا دەڤەرێ چاڤەرێ گوهورینێن مەزنە ..
ل دوماهیک دبێژم سوپاس سەروک وەزیران بژیت خوراگێریا خەلکێ کوردستانێ ..

رەمەزان نەسرەدین کێڤلی