رێککەفتن
March 6, 2019
وتار و بیروڕا
![رێککەفتن](https://gulanmedia.com/public/old_images/nusaran/yyuhhnbbhh.jpg )
رێککەفتنا پارتی و ئێکەتیێ ل دەستپێکا ئادارێ جهێ دلخوشیێ یە بو وەلاتیان ژبەرکو ئادار هەیڤا کەیف و خوشیێ یە بۆ وەلاتییان ، سەرکەفتن و بەرخودانێن کوردان د ڤێ مەهێدا د خویانە و مێژوویا کوردان دڤێ مەهێدا یا پرە ژ ئەنفال و سەرهلدان و شورەشان ژ پێخەمەت راوەستیان ل دژی زولم و بن دەستیێ و یا بویە بنەمایێ سەرخوەبونێ .
کوردستانی لبەرامبەر زولم و ستەمێ یێت راوەستیاین و خاکێ خوە یێ پاراستی ژ دەستێن نەیارا و نە هاتیە قەبیلکرن ئەو حکمێ دکتاتورێن عیراقی .
ب ئێک رێزی و پێکڤە کارکرنێ دێ شێین بسەرکەڤین لسەر دوژمنان و ئاڤاکەین کوردستانێ ، هەر کارەساتەک و نەخوشیەکا لسەر مەدا بهێت دێ ب کێم زیان دەربازبیت ب هەبونا ئێک رێزییێ ، ب هەبونا کەسانێن وەفادار دوژمنێن مە نەچارکرن دانپێدانێ ب کیانێ کوردی بکەن و دناڤبەرا چار دوژمناندا مە خاکا خوە پاراست و بوینە خودان هەرێمەکا سەربەخۆ و خودان پەرلەمان و حکومەت و پێشمەرگە .
راستە هەمی مافێن مە نەهاتینە دی لێ ب ئانەهیا خودێ و ئێکگرتن و دلسوزیێ دێ هەمی مافێن خوە بدەستڤە ئینین ب بورینا دەمی ، هەروەسان دێ دەولەتێن جیهانێ نەچاربن دانپێدانێ ب دەولەتا کوردی بکەن ، نینە دەمەک ب بوریت و مێژویەک تومارببیت د بەرپەرێن سەرفەرازی و وەفادارییا گەل و وەلاتێ مە ، ئیلا دێ ناڤێ پارتی و بارزانی تێدا بینی ئەڤە بو وێ چەندێ ڤەدگەریت کو قوتابیێت قوتابخانا بارزانی مە یێت هەین دلسوزێن باوەرپێکرینە ئەون پشت و پەنا بۆ کوردستانێ .
ئەو داگیرکەرێن دهی چون و یێن مایی دێ ئەوژی چن باشترین بەلگە سەدامێ خین مێژ ئەوێ باب و باپیرێن مە شەهیدکرین ، ب کرێتترین شێوە هاتە دەستەسەرکرن و سێدارەدان .
ئەوێن نهو پێکولا شکاندنا هەرێمێ دکەن دێ لدیف یێن بەری خوە چن و کوردستان هەر دێ دپێشڤەچونێدا مینیت و ئاڤاکرن و خزمەتکرن دێ د بەردەوامبن ، کیمیا بارانا حەلەپچە ئێکە ژ وان تاوانێن د دەرحەقێ کوردستانیاندا هاتینە کرن و مێژویەکا رەش هاتە تومارکرن د لاپەرێن ژیانێدا ، دیسان د سەردەمێ پێشکەفتنێ دا کچ و ژنێن کوردان ل بازارێن عەرەبان هاتنە فروتن و ئەم زڤراندینە چەرخێ نەزانینێ و ئەڤە هەمی و کورد هەر د بەردەوامن د بەرگیریێ دا .
پارتێن کوردی یێن کوردستانێ برێڤەدبەن ب دیموکراسی و پێکڤەژیانێ حکومەت و پەرلەمان هاتنە نیکرن و دیسان ب رێککەفتنا پارتی و ئێکەتیێ دێ حکومەتەکا بهێز ل کوردستانێ درستبیت و بیتە جهێ مفای بۆ وەلاتیان و ئاڤاکرن و پێشکەفتن دێ یا بەردەوامبیت و بێ گومان ئەف رێککەفتنە پشتی سەرەدانێن نێچیرڤان بارزانی بۆ سلێمانیێ و کومبونا سەروک مەسعود بارزانی لگەل شاندێ ئێکەتیێ ل ڤێ دوماهیێ بونە رێخوشکەر بۆ رێککەفتنێ .