بابەتێ رێککەفتن و رێکنەکەفتن ئێک ژ مژارێن گەرم و گورێن جادەیا ھەرێما کوردستانێ بوون دھەمیا چەند مەھێن بوریدا. نەمازە دناڤبەرا ھەردوو حزبێن سەرەکیێن کوردستانێ کو ئەوژی پارتی و یەکێتینە. ئەڤ ڕێککەفتنا دووئالیا د ناڤبەرا ھەردوو حزباندا گرنگی و ستراتیجیەتا خۆ ھەبوو لسەر ئاستێ ناڤخویی و دەرەکی سەربارەتی پێکئینانا کابینەیا نویا ھەرێما کوردستانێ. کو رۆژەکێ بەری ڕاپەرینا خەلکێ کوردستانێ بوو، ل دژی دەستھەلاتا بەعسیزما ژ ناڤچویی. ئەڤەژی نیشانا وێ چەندێ یە کو بەرھەمێ وێ ڕاپەرینێ و ئارمانجا وێ جھێ خو گرتییە. ئەوژی چاندنا توڤێ برایەتی و کوردایەتیێ بوو. ژپێخەمەت رزگارکرنا خەلکێ کوردستانێ ژ ھەر مەترسیەکا کو ل دەڤەرێ کاری ل سەر ئێکرێزی و نەئارامیا کوردستانێ بکەت. زۆر کەس و لایەن و حزبێن دی دھول دقوتا داکو سەمایێ بکەن ژپێخەمەت لھەڤ نەھاتنا پارتی و یەکێتی سەربارەت پێکئینانا کابینا نویا حکومەتا ھەرێما کوردستانێ. لێ وان نەزانی کو دێ دھولا وان زیکا دریێت و دەنگێ دھولا وان ناگەھیتە گوھێن وان، کو سەمایێ لبەر بکەن. ئانکو ئەو سەمایا وان دکر بۆ زێمارەکا مژگرتی، ھەم بوو وان و ھەم ژی بۆ نەیارێن خەلکێ کوردستانێ. بێگومان ھند کەسان رۆلەکێ سەرەکی ھەبوو، ژبوی وێ چەندێ کو خەونا نەیارێن مللەتێ کورد بن ئاخ بکەن. بتایبەت ئەو خەونێن کەڤنەشوپ کو دوبەرەکیێ دروست بکەن، د ناڤبەرا ڤان ھەردوو ئالیان دا. ژوان کەسان ژی (سەرۆک بارزانی و نێچیرڤان بارزان)بوون. کو د ھەول و گاڤێن بەردەوام دا بوون، و بەردەوام ب شەڤ و رۆژ بێداری دکر. ھەتاکو ئەڤ ڕێککەفتنە د ناڤبەرا ھەردوو ئالیێن سیاسیدا دروستبووی. ژپێخەمەت کوردستانەکا بھێز کو ئەڤە دروشمێ پارتی بوو د ھەلبژارتنێن بوری دا. دبیت ھند کەس ب پرسن گەل و ئەڤێ رێککەفتنێ چ گرنگیا خو ھەیە، یان دێ چ ژ بابەتێ ھێتە گوھوڕین ئەگەر ڕێککنەفتن. لەورا ئەز دبینم ژبەر ئەڤان خالێن ژێری ئەڤ ڕێککەفتنە یا گرنگ و پێتڤی بوو.
١- پارتی و یەکێتی دوو ھێزێن سەرەکینە و پێگەھێ ھەرێما کوردستانێ ب وان بھێزە.
٢- خورت بوون و لاوازبوونا پەیوەندیێن وان دێ کاریگەریەکا ڕاستەخۆ ل سەر پێگەھێ ھەرێمێ کەتن.
٣- ڕێککەفتنا ھەردوو ئالیان دێ ئاسایش و ئارامیا سیاسی ل ھەرێما کوردستانێ پارێزیت.
٤- ڕێککەفتنا وان دێ کاریگەریێ ل سەر باشتربوونا رەوشا بازاری و ئابورا ھەرێما کوردستانێ کەتن.
٥- ڕێککەفتن دێ ئارامیا دەروونی و ئەوێ گومانا لدەڤ ھەڤوەلاتیا دروست بووی ل سەر تێکچوونا رەوشا کوردستانێ دێ ڤەرەڤینیت.
٦- رێککەفتن دێ ڕێگریێ ل دروستبوونا سیستەمێ دوو ئیدارەیێ کەتن ل کوردستانێ.
٧- ھەردوو ئالی دێ برێکا ئەڤێ رێککەفتنێ ھند پرسێن گرێدای چارەنڤیسێ کوردستانێ چارەسەرکەن. نەمازە دکاودانێن ھەستیاردا.
٨- پرسا کەرکوکێ و شێوازێ ئیدارەدانا وێ، مژارەکا دیا گرنگا ئەڤێ رێککەفتنێ یە. کو دل ساریەک ژلایێ پارتیڤە ل سەر کەرکوکێ دروست ببوو، نەمازە پشتی رویدانێن ١٦ ئوکتوبەرێ.
٩- رێککەفتن دێ رێگریێ ل گەندەلێ و مەسەلەیا شەفافیەتا داھاتێ پەترۆل و گازا ھەرێما کوردستانێ کەتن.
١٠- رێککەفتن دێ بیتە ئەگەر کو ھێزەکا نشتیمانیا ئێکگرتی ل ھەرێما کوردستانێ دروست ببیت.