نێچیرڤانی پیشەیەکا کەڤنارە و چەندین جۆرێن نێچیرێ ھەنە ، ڕاستە خەلکەکێ زۆر نێچیر دڤێت و دچتە نێچیرێ ، لێ نێچیرڤانی ب ھەمی کەسان ناھێتەکرن ،خەلکەکێ ھەمی رۆژانە بچیتە نێچیرێ نێچیرێ ناکەت و بێ بەرھەم و دەسکەفت دزڤریت ، کەسێ نێچیرڤان شارەزایێ نێچیرێ دبیت و دەم و جە و شێوازێ نێچیرێ دزانیت و نێچیرڤانیا وی یا رۆژەکێ بەرامبەر یا چەندین سالێن خەلکەکێ دی نە .
نێچیرڤانێ کوردستانی مەبەستا من نێچیرڤان بارزانی سەرۆکێ حکومەتا ھەرێما کوردستانێ و جێگرێ سەرۆکێ پارتی یە ، راستە ب ناڤ نێچیرڤانە لێ لدیف ناڤێ خۆیە و نێچیرڤانەکێ شەھرەزا و خودان ئەزمۆن و ب کار و کریار و بەرھەم و دەسکەفتە .
نێچیرڤانەکێ جودایە ، ئەڤە نێچیرڤانێ نێچیرا سیاسەت و دبلۆماسیەت و چارەسەرکرنا قەیرانا و ئاڤاکرن و ناکۆکی و لێک تێگەھشتنێ یە ، نێچیرڤانێ پاراستنا دەسکەفتێن نەتەوی و نشتیمانی و ماف و ئازادیێن خەلکێ کوردستانێ .
د بوھارا گەنجاتیا خۆدا دناڤ وارێ سیاسەتێ دا ژبەر ژێھاتی و شەھرەزایی یێ گەھشتە کۆپیتکا دەسھەلاتداریێ دناڤ پارتی دیموکراتی کوردستان دا چ وەک ئەندامێ مەکتەبا سیاسی و پاشان جێگرێ سەرۆکێ پارتی ، روولێ وی دناڤ پارتی دا ھەردەم فاکتەرێ سەرکەفتن و بھێزبوونا پارتی بوویە د ھەمی بووار و دەمان دا ، ئەڤ سەرکەفتنا مەزنا پارتی ل دووماھی ھەلبژاردنێن جڤاتا نوونەرێن عیراقێ و پەرلەمانێ کوردستانێ ، ژ ئەنجامێ کاریگەریا سیاسەت و بەرنامێ نێچیرڤان بارزانی بوو ، نەخاسمە یێن پشتی روودانێن شازدێ ئکتۆبەرێ و کارڤەدانێن پشتی وی ، شکاندنا گەماروویێن ئابووری یێن سەر ھەرێما کوردستانێ نێچیرا نێچیرڤان بارزانی بوو ، ھەر وەسا چەندین گۆرانکاریێن سیاسی و ئابۆری نێچیرڤان بارزانی بۆ بەرژەوەندا گەلێ کورد و بھێزترکرنا ھەرێمێ نێچیر کر ، وەک ڤەگەراندنا دەولەتا عیراقێ بەرامبەر ھەرێمێ ل عەسکەرتاریەتێ و درۆستکرنا قەیرانێن ئابۆری و دوورپێچێن سیاسی ، بۆ سەرەدەریێن دەستووری و ڤەژاندنا ئابۆری و پاراستنا مافێن وەلاتیان .
سەر ئاستێ جێھانێ ژی بێ دەنگیا جیھانێ بەرامبەر وان روودانێن بسەر ھەرێمێ ھاتی ئینانە دەنگ و پشتەڤانیا نیڤ دەولەتی دابین کر . سەر ئاستێ نافخۆیی ژی ھەرێم ل شەرەکێ نافخۆیی رزگار کر و ئاسایش ھاتە پاراستن .
دووماھی نێچیرا نێچیرڤان بارزانی کری کۆمکرنا ھەردوو ئالیێن پارتی دیموکراتی کوردستان و ئێکەتیا نشتیمانی لسەر مێزا دیالۆگێ پشتی سەرەدانا جەنابێ وی بۆ سلێمانیێ و پاشان ھاتنا شاندەکێ وان بۆ لای جەنابێ سەرۆک بارزانی ، وژاوو کرنا رێکەفتنەکا سیاسی یا گرنگ و پێتڤی بوو ، ئەڤ رێکەفتنا واژوویا وی لسەر دێ بیتە ئەگەرێ بلەز پێک ئینانا کابینا نوو یا حکومەتا ھەرێما کوردستانێ لسەر شەنگستێن بھێز و چارەسەرکرنا پرسێن کارگێر و دارایی و جڤاکی و سازیێن یاسایی و یاسا دانانێ ژی دێ ئەکتیڤتر و کاریگەرتر بن .
ئەو نێچیرڤانێ شیای لدەمەکێ کرت دا ھەلویستێ دژوار و دوژمنکارانە یێ حکومەتا عیراقێ و ھندەک وەلاتێن ھەرێمی بەرامبەر ھەرێما کوردستانێ بکەتە ھەلویستەکێ برایانە و دۆستانە ، شیا حزبێن مەزنێن کوردستانی ژی لدوور ئێک بازنە کۆم بکەت و ھەرێما کوردستانێ پێ بھێزتر ، ئەڤ بھێزبوونە دێ کەڤیتە د خزمەت و بەرژەوەندێن کوردستانێ .
ئەو نێچیرا ڤان سالا نێچیرڤان بارزانی دوارێن سیاسی و دبلۆماسی و کارگێری و ئابووری دا کری ، دبێژنەمە ئەو نێچیرڤانێ شیایی ڤان ھندە نێچیرا ل ل جھێن پڕ ئاستەنگ بۆ خەلکێ کوردستانێ بکەت ، نێچیرڤانێ بدەستڤەئینانا دەسکەفت و سەروەریا یە و لدەمێن داھاتی دا ب سەرۆکاتیا ھەرێما کوردستانێ دێ نێچیرێن مەزنتر بۆ خەلکێ کوردستانێ کەت و ھەمی نێچیرێن وی بۆ بەرژەوەندێن خەلکێ کوردستانێ و پاراستنا دەسکەفتێن گەلێ کوردن .