رولێ سەرکردەیان یا سیاسیان بو بونیاتدانا وەلاتەکێ بهێز زورێ گرنگە نەخاسمە ئەگەر ئەو کەسایەتی یە خودان سەربوربن ژلایێ سیاسی و ئیداری ڤە چونکە ئیدارکا باش پێویستی ب چەندین بنەما هەنە بو هندێ خزمەتا گشتی یا هاولاتیان بهێت کرن ..
نێچیرڤان بارزانی ئەو کەسەیە یێ کو ژ گەلەک ئالیانڤە بویە جهێ باوەری و متمانا خەلکێ کوردستانێ ل نەخوشترین دەم دا تایبەت دەمێ ئابلوقێن ئابوری و سیاسی شیا کوردستانێ ژ قوناغەکێ ببت قوناغەک بهێز تر ..لدەمێ هەبونا ناکوکیێن سیاسی دنافبەرا هێز و لایەنێن سیاسی لسەر هەر بابەتەکێ هەبیت وەکو ئەندازیارەکێ شیایە چارەسەریێن بنەرت بو ئەوان ناکوکیان ب دوزیت و کێشە و گرڤتان بدت ئالەکێ و بەرژوەندا خەلکی پێش چاڤ وەربگریت ..
ژلایێ پارتایەتی ڤە دبیت گەلەک ژ کادرێن پارتی لدەمێ خودا دگەل هندێ نەبوینە دەرگەهێ دان وستاندنا دگەل هندەک هێز و گروپان بهێتە ڤەکرن چونکە لدەمێ خودا ئەوان هێزا دژبەریا ماڤێن رەوایێن خەلکی دکرن بەلێ بو هندێ کو ئەڤ دەستەکەفتێن مللەتێ کورد ب هەروەیێ نەچن کاک نێچیرڤانی هەمی دەرگەهێن گرتی ب سیاسەتا خویا حەکیمانە ڤەکرن و ئایندێ مللەتێ کورد ژی گەهاندە قوناغەک دی و باشترین نمونە ژی دوماهیک رێکەفتنا پارتی و ئێکەتی جارێ گرنگ نینە ج هێزەک چ پوست و پلە وەرگرتینە هندی گرنگیا وێ ل وێ خالێ دایە کو خەلکێ کوردستانێ ژلایێ دەرونی ڤە ئارام بیت و هەست ب دلنیا بوونا سیاسی بکەت و ئەو کوردستانا خەلک چاڤەرێ دکت کو یا بهێز بیت پێدڤی ب عەقل و لوژیکێن بهێز هەنە ..
دەڤەر ب گشتی و عێراق ب تایبەت چاڤەرێ گوهورینێن مەزن دکن چ ئەو گوهورین جغرافی بن یانژی ئابوری و سیاسی لەورا دڤێت حازریەک باش بهێتە کرن ژلایێ هەرێما کوردستانێ ڤە وبو هەر ئەگەرەکێ حازربن کو بشێن مڤایێ ژ ڤان کورانکاریان وەربگرن و ئەزمونا هەرێما کوردستانێ ب پارێزن ..
بو قەرپوکرنا زیان و نەخوشیێن چار سالێن بوری خەلک چاڤەرێ هندی یە سیاساتێن گشتی لسەر بنەمایەکێ ئەکادیمی بهێن دارێشتن کو گەشەیا ئابوری و سیاسی و چڤاکی و رەوشەنبیری دوبارە ب کەفت لسەر رێ رەوێ خویێ دورست و رولێ حزب و رێکخراوێن چڤاکێ مەدنی و زانکو و بنگەهێن ڤەکولینێ ژی زور گرنگە بو پشتەڤانی کرنا سەرکردێن سیاسب بو هندێ بزانن ب چ ئاست و چ ئاوا خزمەتا خەلکی بهێتە کرن ..
لڤێرە خالەک دیا گرنگ هەیە ئەوژی هەبونا مەرجعیەتا سیاسی بو راوێژ و دارشتنا بریارێن دورست لدەمێ دورست دا زورا پێدڤی یە نەخاسمە وەکو مە لسەری دیارکری ئەم چاڤەرێ کورانکاریێن مەزن دکن لەورا دڤێت مە حازرێن مەزن لبەر دەست هەبن ژ پلان و رێکخستن و چاڤدیرکرن و هەلسەنگاندن بو هندێ ئەو کوردستانا بهێز مە دڤێت ئەم هەمی ببینن و بەشداربن ل ئاڤاکرنا وێدا ..