- هەڤالێ دلسۆز ئەوە یێ د دەمێن نەخۆشیا دگەل تەبیت ، و مرۆڤ نابیت وان هەڤالا ژبیربکەت، دوماهیک سەردانا سەرۆکێ بەرێ یێ فەرنسا ل( ٢٥/٢/٢٠١٩ )بۆ دابەشکرنا خەلاتا شەهید (شیفا گەردی) نیشانا باشترین وەفاداریێیە. فەرەنسا ئێکە ژ وەلاتێن هەرە گرنگێ ئێکەتیا ئۆرپا و ئەندامێ هەمیشەیێ ئەنجومەنێ ئاسایشا نێڤدەولەتیە ل رێکخراوا نەتەوێن ئێکگرتی و ئێکە ژ پێنج وەلاتێن مافێ ڤیتۆ یێ هەی لسەر ئەو بریارێن ل ئەنجۆمەنێ ئاسایشا سەر ب نەتەوێن ئێکگرتی دەردەچیت و پەیوەندیەکا مێژویی یا هەی دگەل کوردا.
- سەردانا وەزیرێ دەرڤە یێ فەرەنسا بەرێز ( جان إيف لودريان) ل(١٤/١/٢٠١٩) بۆ هەولێرا پایتەخت و هاتە پێشوازی کرن ژلایێ سەرۆکێ حکومەتا هەرێمی (نێچیرڤان بارزانی) نیشانا دلسۆزی و پەیوەندیێن باشە یێ هەردوو رەخانە و ل دەمێ دیداران دگەل سەرۆک (مسعود بارزانی) وەک مەرجعێ کوردا و (نێچیرڤان بارزانی ) سەرۆکێ حکومەتێ دووپات ل بەردوامیا هاریکاریا فەرنسا بۆ هەرێما کوردستانێ کرەوە.
- بۆچى دبێژین باشترین هەڤالێ دەمێ نەخۆشیایە؟ چنکى نابى ئەم ژبیربکەیین دەسپێکا پەتوەندیێن هەرە گرنگ دناڤبەرا ولاتێ فەرەنسا ل دەمێ تەنگاڤیا بو لسەر دەمێ خانما ئیکێ یا فەرەنسا خاتو (دانیال میتران) هەڤژینا سەرۆکێ فەرەنسا (فرانسو میتران) دگەل بارزانی یا دەسپێکری ل هەیڤا( ٣/ سالا ١٩٩١ ) دەمێ کۆچا ملیۆنیا ملەتێ کۆرد بۆ سنۆرێ ئیرانێ دەسپێکرد ژ ترسا فرۆکە و تانک و کیمیا بارانکرنا رژێما بەعسی ئەوبو خاتون (دانیال میتران) هاتە ناڤ کۆچبەرێن کورد ل نزیک سنورێ ئیرانێ چاڤێ وی ب (سەرۆک بارزانی) کەفت، دەمێ ئەو کۆچا ملیۆنی دیتی و زڤری بۆ وەلاتێ فەرنسا کو ئێکە ژ ئەندامێن هەمیشەیی یێ ئەنجۆمەنا ئاسایشا نیڤدەولەتی کو سەر ب نەتەوەیێن ئێکگرتیە نامەک بۆ ئەنجومەنێ فرێکر و تێدا داخاز کر کو ئەو کوشتنکارى و زولما لسەر ملەتێ کورد بهێتە راوەستاندن ئەو بو ل (هەیڤا ٥ سالا ١٩٩١) بریارا ژمارە (٦٨٨) دەرچو لدیڤ بەندێ یاسایا میساقا نەتەوێن ئێکگرتی ( ١٩٤٥ ) ێ دگەل هاڤپەیمانا هێلا (٣٦ ) هاتە دانان و ناوچەکا ئارام بۆ کوردا ل سنورێ هەرێما کوردستانێ هاتە دیارکرن کو نابیت فرۆکێن رژێما بەعس بسەر وی ناوچەی دا بفرن و نابیت ئێدى ملەتێ کورد توشی کوشتنێ و زولم و دەربەدەریێ ببیتن و هاوکاریا کوردا بهێتە کرن ب هەمى شێوەکى، ئەو خاتینان بەرێزا فەرەنسى بیە هۆکارێ کو گیانی هزارەها کوردا ل مرنێ رزگار بکەت چنکی د کۆچا ملیۆنی دەهان مرۆڤ ل برسا و سەرمادا دمردن...
- هەروەسا ژ دەمەکى دى یێ نەخۆش؟ ئەو پشتەڤانیا سەربازی بوو ل(٢٠١٤) دەمێ تیرۆرستێن داعش هێرش ئینان بۆ سنورێ هەرێمێ سەرۆکێ فەرەنسا ئێکەم سەرۆک وەلات بو گەهشتە هەولێرا پایتەخت و پشتەڤانیا خۆ بۆ هەرێما کوردستانێ راگەهند و چەندی سەرباز رەوانەی هەرێمێ کرن بۆ هاریکاریا پێشمەرگەی و چەندین تەنێن چەکی دابینکرن و ب فرۆکا ژى ل ئاسمانى هاریکاریا پێشمەرگەى دکر...
- ل دوماهیک نەخۆشى؟ پشتی ریدانا (١٦ی ئکتۆبەرا ٢٠١٧) و خیانەت و لەشکر کێشیا سەر کەرکوکێ و بەغدا ئابلوقە ئێخستە سەر هەرێمێ سەرۆکێ حکومەتێ ( نێچیرڤان بارزانی) لسەر داخازا فەرمی یا سەرۆکێ وەلاتێ فەرنسا ( إيمانويل ماكرون ) ل (١/١٢/٢٠١٧) گەهشتە وەلاتێ فەرەنسا و دگەل سەرۆکێ فەرەنسا ( إيمانويل ماكرون) کۆمبو و سەرۆکێ فەرەنسا راگەهند کو دبیت مافێ هەرێما کوردستانێ لدیف دستوری بهێتە دایین و پشتگیریا خۆ بۆ هەرێمەکا بهێز راگەهاند ، ئەو سەردان بیە هۆکارێ شکاندنا ئابلوقێ لسەر هەرێمێ ئەوژی ب سیاسەتا حەکیمانە یا مەرجەعێ کوردا ( سەرۆک مەسعود بارزانی )و ئەندازیارێ ئاوەدانیێ (نێچیرڤان بارزانی) و دلسۆزی مرۆڤ دۆستیا فەرنسا بو بۆ ملەتێ کوردا. لەورا ئەز دوباتدکەمەوە باشترین هەڤالێ تەنگاڤیا بۆ ملەتێ کورد فەرەنسایە و باشترین وەلاتە دیموکراسیێ ومافى مرۆڤ...