یادی 18ی شوبات به‌رز و پیرۆز بێت
ن:علی چیایی
هیچ گومانی تێدانیه ئه‌م دوو ڕێكخراوه به درێژایی مێژووی دامه‌زراندنیان له‌خه‌باتی بزاڤی ڕزگاریخوای نه‌ته‌وه‌كه‌مان دانه‌براون و به‌گڕو تینه‌وه خزمه‌تیان كردووه، چونكه هه‌ستیان به به‌رپرسیاریه‌تی كردووه به‌رانبه‌ر پرسه نه‌ته‌وه‌ی و نیشتیمانیه‌كان و هه‌میش جێگه‌ی متمانه‌یه‌ی بارزانی نه‌مر بوونه ڕاستی ئه‌و بابه‌ته‌ش له‌وه‌دایه ئه‌مرۆ به‌شێكی زۆر له‌و كاره‌به‌ده‌ستانه‌ی له حكومه‌ت و ده‌زگا فه‌رمیه‌كانی هه‌رێمی كوردستانن ڕۆژگارێك كادیری یه‌كێك له‌م دوو ڕێكخراوه بوونه ئه‌مه‌ش به‌ڵگه‌یه‌كی زیندووه كه ئه‌و دوو رێكخراوه رێكخراوی دایكن و كارگه‌یه‌كی گرینكی به‌رهه‌مهێنانی كادیران هه‌م بۆ پارتی وه‌ك حیزب هه‌میش بۆ حكومه‌ت و ته‌نانه‌ت حزبه‌كانی تریش، چونكه بیرمان نه‌چێـت زۆڕێك له‌وانه‌ی ئه‌مرۆ له‌سه‌ركردایه‌تی حزبه‌كانن سه‌رده‌مانێك له یه‌كێك له‌م دوو ڕێكخراوه ژیانی سیاسیان تێپه‌ڕاندووه.
ئه‌و دوو ڕێكخراوه بێ وچان له‌خزمه‌تكردنی لاوان و قوتابیان دا بوونه، بۆیه حه‌قی خۆیه‌تی له‌لایه‌ن ده‌سه‌ڵاتی جێبه‌جێكردن هه‌موو هاوكاریه‌كی ماددی و مه‌عنه‌ویان پێشكه‌ش بكرێت تا ئه‌وانیش زیاتر و باشتر به ئه‌ره‌كه‌كانی خۆیان هه‌ڵسن و خزمه‌تی زیاتر به خاك و نیشتیمان بكه‌ن.
له‌كۆتایدا ئه‌وه‌ی ماوه بڵێن یه‌كێتی لاوانی دیموكراتی كوردستان و یه‌كێتی قوتابیانی كوردستان شایسته‌ی رێز و پێزانین، چونكه هه‌ڵگری شوناسێكی مه‌زنن له خزمه‌ت و دڵسۆزی بۆ توێژه‌كانیان و خاكی پیرۆزی كوردستان له‌گه‌ڵ ئه‌وه‌شدا بۆ هه‌میشه جێگای هیوان.
