نێچیرڤان بارزانی سەرکردێ گرنگ ل دەڤەرێ
February 15, 2019
وتار و بیروڕا
![نێچیرڤان بارزانی سەرکردێ گرنگ ل دەڤەرێ](https://gulanmedia.com/public/old_images/nusaran/yyuhhnbbhh.jpg )
ئاخفتنا دەربارەی سەرکردێن خودان شیان ل کوردستانێ یا د مێشکێ مەدا کولایە ، ژیاننامە و دەستکەفتێن وان د دیارن بتایبەت بو نفشێ نی ژ گەنجێن وەلاتێ مە ئەوێن ستینا پاشەروژا مللەتێ مە ، یا پێتڤی یە گەنج هەمی کارێن وەلاتی برێڤەببەن ژبەرکو دیڤچونا رێبازا ڤان سەرکردان خالێن گەش یێن هەین دێ هاریکاربن بۆ وان کو هزر و بیرێن وان د مفاداربن ژ ڤان سەرکدان ، ئەو قوتابخانا مە کوردان پێگەهێ خوە پێ ب هێز کری جهێ شانازیێ یە بۆ هەر تاکەکێ کورد کو رابەرێ گەلێ کورد دانەرێ قەوارێ کوردستانێ مەلا مستەفا یێ بارزانی و د دیڤدا سەروک مەسعوود بارزانی و هەروەسا ستێرا گەشا ڤێ رێبازێ نێچیرڤان بارزانی .
د مێژوویا کوردستانێ دا سەرکردێن خودان شیان و پێشچاڤ سەرێن خوە هلداینە و بوینە جهێ مفای بو هەمی پێکهاتەیێن دەڤەرێ ، ئێک ژ ڤان سەرکردێن هەرە بەرچاڤ نێچیرڤان بارزانییە ئەوێ شیای ببیتە جهێ رێزگرتنێ ل نافخو و ژ دەرڤە و بتایبەت وەلاتێن زلهێزێن جیهانێ ژبەر وی ئەرکێ دگێریت د یەکسانیا د ناڤبەرا هەمی ئول و نەتەوا ل کوردستانێ ب دانوستانێن وی دگەل هەمی لایەکی ، هێزەک و سەنگەک دا کوردستانێ ئەم بوینە قیبلەیا پشتەڤانێن پێکڤەژیانێ .
کوردستان لسەر رێبازا بابێ نەتەوا کورد یا بەردەوامە بۆ ئاڤاکرنا سەرکردێن ڤێ رێبازێ ب تایبەت کریارێن نێچیرڤان بارزانی د دیارن بو دیفچونا لسەر وێ رێبازێ ، هەر دیسان ئەوی ئالایێ باب و باپیران یێ هەلگرتی و ئەو کار و ماندیبونا وان ل چیا و شورەشان بری ئەو نهو یێ ب ئاڤاکرن و خوشگوزەرانیێ ڤە دبەت لێ ئارمانج هەر ئێکە ئەوژی خزمەتکرنا کوردستانێیە و ئارامی و پاشەروژەکا گەش و خوش بو وەلاتیێن هەرێمێ یە ، ب باشی کار یێ دهێتە کرن و نمونە د زورن و د بەرچاڤن جهێ باوەریا هەر لایەنەکییە سەروکوەزیرێن هەرێما کوردستانێ نێچیرڤان بارزانی .
ئەو رێککەفتنێن لگەل هەرێمێ دهێنەکرن بۆ پێژڤەبرنا ئابورێ هەرێمێ و خوشکرنا ژیانا وەلاتییانە ، هاژوتنا سیاسەتەکا نەرم و بەرچاڤ وەرگرتنا هزرا جێواز بێی سەرەدەریا دوژمنکارانە یا هندەک لایەن د گرنەبەر بۆ دژاتیا هەڤرکێن خوە ئەڤەژی پتر رێ خوشکەرە بۆ حەژێکەرێن دیموکراسیەتێ کو سەرەدانا هەرێمێ بکەن و پشتەڤانیێ ل هەرێمێ بکەن .
ژ گرنگترین کارێن وی یێن بەرچاڤ ئاڤاکرنا ئابورەکێ بهێز بۆ هەرێمێ ب چێکرنا پەیوەندیێن بهێز لگەل وەلاتێن دراوسێ و زلهێزێن جیهانێ و خوشکرنا پەیوەندییان لگەل لایەنێن ل دژی هەرێمێ ، سەرەدانا سەروک وەزیرێن ئیتالیا بۆ کوردستانێ ئێکە ژ ڤان پەیوەندییان یێن مە بەحس لێ کری ، کوردستان یا هاتیە نیاسین ب هەرێما پێکڤەژیانێ لەورا یا بویە قیبلەیا سەرکردێن جیهانێ .
دیسان سەرەدانا نێچیرڤان بارزانی سەرۆکوەزیرێن هەرێما کوردستانێ بۆ بەغدا و کۆمبوونا وی لگەل عادل عەبدولمەهدی گەلەک یا گرنگ و ب مفا بۆ ژبەرکو چاڤێ وەلاتییان یێ ل نوچەیێن دل خوشکەر کو ژ لایێ سەروکوەزیرێن هەرێمێ ڤە بهێنە راگەهاندن ، د کۆمبوونا لگەل سەروکوەزیرێن عیراقێدا داکوکی ل رێککەفتن و هەماهەنگیا دناڤبەرا هەولێر و بەغدا دا ھاتەکرن بۆ چارەسەریا ھەمی کێشەیان ، هەر وەسان پشتی سەرەدانا نێچیرڤان بارزانی بڕیار هاتەدان ھەمی خالێن گومرکی یێن د ناڤبەرا ههرێما كوردستانێ و عیراقێدا بهێنە راکرن .