یا خویایە پشتی دەستهەڵاتدرێن عیراقێ یێن ئێک ل دویڤ ئێک حکوومەتا کوردستانێ نەچار کری کو پەنایێ ببەتە بەر ریفڕاندومێ، هندەک لایەنان وەکی مارەکێ حەفت سەر سەرەدەری دگەل پرۆسێسێ کر. سەرەکێ ماری دگەل ریفراندومێ، سەرەکێ دی ل دژ، و یێن مایی ژی تەماشەڤان کا دێ چ ل رەوشێ هێت...
پشتی ریفراندوم هاتییە ئەنجامدان و سەرکەفتنەکا مەزن تومارکری و کێمەک مای کورد بەرهەمێ رەنج و خەباتا خوە یا دیرۆکی وەربکرن. لێ سەرەکێ ماری ژەهرا خوە دارێژتە گیانێ کوردستانێ و ئارمانجا ل گۆپیتکا گەهشتنێ بۆ چەندین ساڵێن دی پاشڤەبر. پشتی ریفراندومێ ،ئابلۆقەیێن دژوار ل سەر هەرێما کوردستانێ هاتنە سەپاندن. بارەکێ گران کەفتە سەر مللێن حکوومەتا هەرێمێ، لی پاڕتی و خوەدێ سەرۆکێ حکوومەتێ "نێچیرڤان بارزانی" ب ژیرانە سەرەدەری دگەل ژیواری کر و ب سینگەکێ بەرفرەهـ ژیوارێ سەپاندی قەبویلکر. نەک مینا هندەک لایەنان د سەرکەفتناندا خوە دادنن هەڤپشک و د کەفتن یان بەرتەنگییاندا خوە ڤە ددەنە ئالێ تەماشەڤانان. و هەر وەک "نە مە تێ و نە مە ژێ" یە، سەرەدەریێ دکەن.
سەرۆکێ حکوومەتێ شیا ب پەیوەندیێن خوە یێن دبلۆماسی بەند و دیوارێن خۆسەپاندنا عیراقێ بشکێنیت و عیراقێ نەچار بکەت، کو خوە د وێ چەندێ بگەهینیت عیراق بێی ئارامییا کوردستانێ،بێی هەڤکاری و پشتەڤانییا کوردستانێ خۆشی و ئارامییێ ب خوڤە نابینیت. پشتی بۆ پڕانییا لایەنێن عیراقی دیار بووی چارەکرنا ئاریشەیێن عیراقێ تا رادەیەکێ مەزن د دەست سەرۆک بارزانی و نێچیرڤان بارزانیدانە، ژ نەچاری پەنا بۆ دانوستاندنێ ئینان.
سەرباری ڤێ ئێکێ ئەمریکا ژی گڤاشتن ل سەر لایەن و دەستهەڵاتدارێن عیراقێ هەبوو و هەیە کو ژ غرۆرا خوە بهێنە خوار.
هەر حال، وەکی دیار دبیت پەیوەندییێن د ناڤبەرا هەولێر و بەغدایێ بەرەف پێش دچن، سەردەستێن بەغدایێ هاتینە نەچارکرن کو تا رادەیەکێ زۆر پابەندی وی دەستووری ببن یێ ئەو هەردەم باس لێ دکەن و پێگریێ ب خال و بەندێن وی ناکەن.لێ خویایە ئەڤە هەموو پشتی سەرەدانا جەنابێ رێبەرێ کوردان"مەسعود بارزانی"و پاشان سەرۆکێ حکوومەتا هەرێمێ "نێچیرڤان بارزانی"هات.پشتی سەرەدەنا ڤێ دووماهییێ ژی یا سەرۆک وەزیرێن هەرێمێ بۆ لایێ سەرۆک وەزیرێن عیراقێ،سەرۆک وەزیرێن عیراقێ "عادل عەبدولمەهدی" ب خوە ئەو چەندە دووپاتکر و دڵنییای دا کو پەیوەندیێن وان دگەل حکومەتا کوردستانێ ب هێز و بەهەمدارن. واتە ئێکەم کەسێ هەڤکێشەیێن هەولێر و بەغدایێ تا ڕادەیەکێ زۆر هەڤسەنگ کرین،پلان و پیلانێن ناڤخوە و ژ دەرڤە پویچکرین، خوەدێ "نێچیرڤان بارزنی "بوویە.لێ یا جهێ دلئێشانێ و مەندەهۆشیێ ئەوە (راگەهاندن،کادر،چاڵاکڤان...هتد)یێن گرێدای لایەنەکی ،کەفتینە پەسنکرن،بلندکرن و رووی سپیکرنا،سەرۆک کۆمار "د.بەرهەمی!". بزاڤێ دکەن هەر دەستکەفتا د داهاتی دا ب دەست کوردانڤە بهێت، هەر گۆهۆڕینەکا ئەرێنی د ژین و ژیارا هەژار و بەلەنگازێن کوردستانێدا بهێتە کرن، بکەنە بەرهەمێ بەرهەمی. ژبیرا خوە دبەن، پۆستێ وی پۆستەک کارتوونی یە ، سەرباری پۆستێ کارتوونی ژی ئەو کەسێ وەفا بۆ پاڕتا خوە پاشی بۆ هەڤال و دەنگدەرێن خوە نەبووی،وەفا بۆ گەل و نیشتیمانێ خوە ژی نابیت. ئەو کەسێ د نەخۆشترین و ب زەحمەتترین کاودانێن هەرێم تێدا، باس ل حکوومەتا رزگارکەرا نیشتیمانی دکر. ئەو کەسێ پێشتر رێنمای و راسپاردە ب مالکی د دان بۆ ئینانا هێزێ بۆ سەر کوردستانێ. ئەو کەسێ ب دەهان کەسێن زانا،تێگەهشتی و پێگەهشتی ب ناڤێ دادپەروەریێ و کردار شەرتە ل خوە کۆمڤەکرین و پاشان بۆ خوە کرینە پەیسکەک کو پێ بگەهیتە خەونا خوە یا کەڤنار!!، نە یێ نیشتیمانییە و نە ژی کوردپەروەر و نە د بەرژەوەندییا کوردان دا. باشترین و ساخترین بەڵگە ژی ئەوە کو نها ژی ئێک بزاڤ بۆ نەهێلانا داگیرکاری و تەعریبا ل کەرکووکێ نەکریە.بەرەڤاژی بەلکو ئەو ب لایەنێ خوەڤە (کوشتنا کوردان،دزی،تالانکرن و سووتن)ا مالێن کوردان و ئەو رەوشا عەسکەرتاری یا ل کەرکووکێ هەی چاڤێن خوە لێ دگرن و بەهانەیان بۆ دئینن.