ئەگەر ژلایێ جۆگرافی و ئاکنجیبوونێ بەرێ خۆ بدەینە ھەرێما کوردستانێ دگەل وەلاتێن ئەورۆپی ناھێتە بەراوورد کرن ، چونکی ھەرێما کوردستانێ قەوارەیەکێ ئیداریێ بچیکە دناڤ وەلاتەکێ بچیک یێ فیدرالی کۆ عیراقە . لێ سیاسەتا دبلۆماسی و دەرڤەیی یا ھەرێما کوردستانێ ، پێگەھێ سیاسی یێ ھەرێما کوردستانێ ، گەھاندیە مینا وەلاتەکێ مەزن و خودان سەروەری ، چونکی ب سەدان ھەرێمێن ل ھەرێما کوردستانێ مەزنتر دناڤ وەلاتێن فیدرال دا ،نە ئەم ناڤ و پایتەحتێ وان دزانیت ، نەژی سرۆدا وان یا نشتیمانی و سەرۆک و لەشکرێ وان ، پایتەختێ ھەرێما کوردستانێ بوویە ژ ئەنجامێ سیاسەت و دبلۆماسیەت و کاریزمایا نێچیرڤان بارزانی بوویە قیبلەیا دبلۆماسیەتێ ، رۆژانە چەندین بەرپرس و پلەدارێن ھەرە مەزنێن وەلاتێن جیھانێ بسەر دکەن ، سەرەدانا جوسێپێ کۆنتێ سەرۆک وەزیرێ ئیتالیا ، ھەر وەسا رۆژا پاشتر سەرەدانا سەرۆک وەزیرێن ھەرێما کوردستانێ نێچیرڤان بارزانی بۆ بەغدا و کۆمبوون دگەل عادل عەبدولمەھی سەرۆک وەزیرێن عیرقێ .
پەیوەندیێن دبلۆماسیەت ستۆنا بھێزبوونا دەولەت و حکومەتانە نەخاسمە بۆ حکومەتا ھەرێما کوردستانێ کۆ پشتی خیانەتا شازدێ ئکتۆبەرا سالا ٢٠١٧ ھەتا راددەیەکێ پەیوەندیێن ھەرێمێ دگەل جیھانێ خاڤ و سست بوون و دگەل عیراقێ ژی ھەتا وی رادەی تێکچوون لەشگرێ عیراقێ ھەمی شیانان بۆ داگیرکرنا کوردستانێ بکار بینیت . ھاتنا سەرۆک وەزیرێ وەلاتەکێ وەکی ئیتالیا کۆ ئێکە ژ وەلاتێن بھێز و کاریگەر ھەم لسەر ئاستێ ئەورۆپا ھەم ژی دناڤ ھەڤپەیمانیا دژی تیرۆرستیا داعش ، ئەڤ سەرەدانا چەندین ڕامان ددکەت ، ژوانا دانپێدانە ب قەوارێ ھەرێما کوردستانێ وەک ھەرێمەکا کارگەر ژئالیێ سیاسی و ئێمناھیا دەڤەرێ .
ئیتالیا وەلاتەکێ پیشەسازیێ مەزنە لسەر ئاستێ جیھانێ ،پشتەڤانیا وێ بڤان سەەردانا بۆ ھەرێما کوردستانێ دێ دابین بیت و ل داھاتی دا ھەرێم دێ مفای ژ ئەزمۆنا وان یا پیشەسازی و کارگێری وەرگریت و ژئالیێ لەشکری ژی پشتەڤانیا وان دێ زێدەتر بیت بۆ پێشمەرگەھێن کوردستانێ .
گرێدانا ڤێ بازنا سەرەدانێن رۆژانە یێن بەپرسێن وەلاتێن ئەمریکا و ئەورۆپا بۆ ھەرێما کوردستانێ سەرکەفتنەکا ھەرە مەزنا دبلۆماسیەتا کوردستانێ یە لسەر دەستێ نێچیرڤان بارزانی و ل ئاییندەکێ نێز دا دێ ئەنجامێن وان د بەرژەوەندا کوردستانێ دا دیار بن .
دووماھی سەرەدانا سەرۆکێ حکومەتا ھەرێما کوردستانێ بۆ بەغدا و کۆمبوونێن جەنابێ وی دگەل سەرۆک وەزیرێ عیراقێ ، دیسان بۆ ڤان کاودانان دێ خزمەتەکا ھەرە زۆر گەھینە ھەرێما کوردستانێ ژلایێ سیاسی و کارگێری و ئابووری و ئاستێ پەیوەندیان و چارەسەرکرنا وان پرس و ئاریشێن ھەلاویستی دناڤبەرا ھەرێمێ و عیراقێ دا . پشتی روودانێن شازدێ ئکتۆبەرێ و کارڤەدانێن پشتی وێ ، ھەرێمێ پێتڤی ب کەسایەتیەکی ھەبوو لدەمەکێ زوو سەنگ و گرانیا کوردستانێ وەک قەوارەیەکێ کاریگەر بینیتەڤ ناڤ قادا سیاسی و ئابووری ھەم لسەر ئاستێ عیراقێ ھەم ژی لسەر ئاستێ ھەرێمی و نیڤ دەولەتی بۆ گەشەبوونەڤا ھەرێمێ و ڤەژاندنا ئابووری و جڤاکی و سیاسی .
نێچیرڤان بارزانی شیا ببیتە ئەڤ کەسایەتی و ب روولێً جەنابێ وی ئەڤ چەندە د بەرژەوەندا ھەرێما کوردستانێ و دووزا سیاسی یا کوردستانی دالەنگی و بەرژەنگێن بھێزبوونا کوردستانێ دیار بوونە . ئەڤ سەرکەفتنێن لسەر دەستێ سەرۆکێ حکومەتا ھەرێما کوردستانێ فاکتەرن کۆ لدەمێن داھاتی دا ھەرێما کوردستانێ ب سەرۆکاتیا نێچیرڤان بارزانی دێ شێت پشتەڤانیا نیڤ دەولەتی و ھەرێمی بۆ کوردستانێ دابین کەت و دێ بیتە جھێ رەزامەندیا خەلکێ کوردستانێ و جڤاکێن نیڤ دەولەتی . ئەڤ ھەردوو سەرەدانە زۆر ڕامانان ددەن و دەسکەفتێن زۆر ژی دێ بۆ خەلکێ کوردستانێ دابین کەن .