خویایه‌ پشتی هێرشا چه‌کداریا تیروریستێن داعش بو سه‌ر هه‌رێما کوردستانێ کومه‌کا ناوچه‌یێن کوردستانێ که‌فتنه‌ به‌ر ڤێ شالاوێ و ژماره‌کا زور یا خه‌لکی هاتنه‌ دیل کرن و کوشتن و سه‌ربرین ئه‌ڤه‌ ژ بلی ئه‌و ڤه‌رێژا هزار گه‌نی یا ب ناڤێ ئاینێ پیروزێ ئیسلامێ ب سه‌رێ خه‌لکی ئینایی ،،،،

هه‌لبه‌ته‌ پشتی ڤێ بوویه‌رێ هێزێن پێشمه‌رگه‌یی هه‌ر زو ملێن خوه‌ دانه‌ هه‌ڤ و ب پشته‌ڤانیا هه‌ڤپه‌یمانا و ل ژێر سه‌رپه‌رشتیا راسته‌خو یا جه‌نابێ سه‌روک بارزانی کو روله‌کی هه‌ره‌ سه‌ره‌کی هه‌بوویه‌ د په‌یدا کرنا پشته‌ڤانیا نێڤ ده‌وله‌تی دا بو هێزێن پێشمه‌رگه‌یی جاره‌کا دی ئه‌ڤ ده‌ڤه‌ره‌ ب تمامی ژ ده‌ستێن تیروریستێن داعش پاقژ بین بگره‌ پێشمه‌رگه‌یی هاریکاریه‌کا به‌رچاڤ ژی بو سوپایێ ئێراقێ کر بو رزگار کرنا مویسل و گه‌له‌ک ده‌ڤه‌رێن دی کو ژ ده‌رڤه‌یی سنورێ هه‌رێما کوردستانێ نه‌،،

ئه‌وا جهێ باس لێ کرنێ ژ ئه‌نجامی وێ سیاسه‌تا ب سه‌ر ئه‌قلی سیاسیێن ئیراقێ زال کو به‌رامبه‌ر ب کوردستانێ درێغی ژ برینا قوت و مووچه‌یی خه‌لکێ کوردستانێ نه‌کرن بگره‌ به‌هرا هێزێن پێشمه‌رگه‌یی ژی ژ وی چه‌کێ د رێکا به‌غدا را ژ لایێ هه‌ڤپه‌یمانا بو دهات ره‌وانه‌ نه‌دکرن و کوسپ و ئاسته‌نگ دئێخستن درێکا گه‌هشتا وان هاریکاریێن سه‌ربازی ،،،

ئالوزی و تێکچوونا په‌یوه‌ندیا دناڤبه‌را هه‌رێما کوردستانێ و سوپایێ ئێراقێ دا گه‌هشتن ئاسته‌کێ کو جار جار ده‌ستهه‌لات ئێراقێ گه‌فێن سه‌ربازی ل هه‌رێما کوردستانێ دکرن ئه‌ڤه‌ ژ بلی کو بو ماوێ پتر ژ 13 سالا پلانا جێ به‌ جێ کرنا پروسا پاک کرنا ده‌ڤه‌را ماددێ 140ێ ل پشتگو دئێخستن ، پشتی رزگارکرنا ده‌ڤه‌را 140 ژ لایێ هێزێن پێشمه‌رگه‌یی ڤه‌ و پشتی سه‌رکردایه‌تیا سیاسیا کورد گه‌هشتن وێ باوه‌ریێ کو ده‌ستهه‌لاتا ئێراقێ هیچ پلان و ئنیه‌ته‌ک بو جێ به‌ جێ کرنا ماددێ 140 نینه‌ بریارا راگه‌یاندنا ریفراندوومێ دا کو سه‌ره‌رایی دژایه‌تی کرنا هنده‌ک لایه‌نێن کوردی بو ڤێ پروسێ لژێر ناڤ و هێجه‌تێن جوراجورێن نا لوجیکی و نابه‌رپرسیارانه‌ بگره‌ هنده‌کجارا ژی گه‌له‌ک دوژمنکارانه‌ لێ سه‌رئه‌نجام خه‌لکێ کوردستانێ ل 25/9/2016ێ ئه‌ڤ راستیه‌ دووپات کرن کو بریارا رێفراندومێ حه‌زا ته‌ڤایا گه‌لێ کوردستانێ ب هه‌موو پێکهاته‌یێن‌ خوه‌ڤه‌ نه‌ و ب تایبه‌ت ژی ده‌ڤه‌رێن کێشه‌ لسه‌ر و هوسا تاپویا کوردستانێ هاته‌ ستاندن،،

هه‌لبه‌ته‌ سه‌رکردایه‌تیا سیاسی گومانێن هندێ هه‌بووینه‌ کو ئێراق لسه‌ر ڤێ چه‌ندێ بێ ده‌نگ ناکت و بژارده‌یا سه‌ربازی لبه‌ر ده‌سته‌ کو هێرشی چه‌په‌رێن پێشمه‌رگه‌یی بهێت کرن له‌وما ژی هه‌موو جه‌په‌رێن پێشمه‌رگه‌یی هه‌ر ژ شنگال تاکو خانه‌قین ب توندی هاتبوون رێکخستن و هێزێن پێشمه‌رگه‌یی بریارا شه‌رێ مان و نه‌مانێ دابوو،،

لێ ئه‌وا جهێ ئه‌سه‌ف و مخابنی یێ یه‌ ئه‌و بو کو باسکه‌کێ دیار کری ژ ناڤا پارته‌کا دیارکری یا کوردستانی مێژووا خوه‌ یا جاشایه‌تی و خیانه‌تکاریێ دووباره‌کرنه‌ ڤه‌ و ل پشت په‌رده‌یان رێکه‌فتن لگه‌ل ده‌ستهه‌لاتدارێن ئێراقێ و ل ژێر سه‌رپه‌رشتیارا راسته‌خوه‌ یا سه‌ردار قاسم سلێمانیێ فه‌رماندێ سوپایێ قودسێ ئیرانێ ئیمزا کرن و ئه‌ڤه‌ رێکه‌فتنه‌ بو ئه‌گه‌رێ ژ ده‌ست دانا پتر ژ 51ژ سه‌دیی یا خاکا هه‌رێما کوردستانێ کو که‌رکوک پشکه‌ک ژ وێ ده‌ڤه‌را داگیر کری بوو ، هێزێن ئێراقی ب پشته‌ڤانا هێزێن سه‌ر ب وی باسکێ خیانه‌تکار ل که‌رکوکێ و خورماتوو هه‌ر چ بێ رێزیه‌کا هه‌ی به‌رامبه‌ر ب پیروزیێن گه‌لێ کورد و شه‌ره‌فا کوردان کرن بگره‌ ژ ئه‌تک کرنا ژن و کچێن کوردا و سوتن و خرابکرنا سه‌دان خانوویان حه‌تا دگه‌هیت ئیاندن خوارا ئالایێ پیروزێ کوردستانێ و قه‌ده‌غه‌ کرنا زمانێ کوردی ئه‌ڤه‌ هه‌موو تنێ د چه‌ند روژه‌کێن پشتی خیانه‌تا 16ی ئوکتوبه‌رێ لێ ئه‌وا جهێ سه‌رسورمانی و حێبه‌تی بوونێ ئه‌و بو کو ئه‌و خیانه‌تکاره‌ به‌رده‌وام د وان روژان دا لسه‌ر شاشه‌یان شانازی ب ئێراقی بوونا خوه‌ و که‌رکوکێ دبرن و داخواز ژ خه‌لکێ ژ که‌رکوکێ و ده‌وروبه‌را ره‌ڤی دکرن ڤه‌گه‌رن ناڤ مالێن خوه‌ و جار جار به‌حسا دومینێ ژی دکرن،،، هه‌لبه‌ته‌ ئه‌ڤ ده‌ڤه‌را ژ لایێ وێ هێزا خیانه‌تکار ڤه‌ هاته‌ راده‌ست کرن بێ کو یه‌ک فیشه‌ک ژی هه‌مبه‌ر سوپایێ ئێراقێ ڤه‌ بهێت ته‌قاندن بگره‌ رێگری ژی ل هێزێن پێشمه‌رگه‌یێ سه‌ر ب پارتی ڤه‌ کرن کو شه‌ری دژی سوپایێ ئێراقێ بکن و گه‌فێن شه‌رێ براکوژیێ لێ کرن ئه‌ڤی هه‌لویستی خیانه‌تکاریێ باسکێ 16ی ئوکتوبه‌رێ پارتی ئێخست دناڤبه‌را دوو بژارده‌یان دا 1/شه‌رێ براکوژیێ 2/ ڤه‌کێشان ژ ده‌ڤه‌را که‌رکوکێ و بچووک کرنا جه‌بهه‌یێ خوه‌ بو پاراستنا هه‌ولێر کو پایته‌ختێ هه‌رێمێ بوویه‌ و پاراستنا ته‌جروبه‌یا هه‌رێما کوردستانێ کو ب خوینا ده‌یان هزار گه‌نجا هاتیه‌ ئاڤاکرن، له‌وما ژی پارتی بژارده‌یا دوویێ هه‌لبژارد و ب هیچ ره‌نگه‌کی رازی نه‌بوو بێ ئالایێ پیروزی کوردستانێ ڤه‌گه‌ریته‌ڤه‌ که‌رکوکێ ئه‌ڤه‌ سه‌ره‌رایی هندێ کو چه‌ندین جاران باسکێ خیانه‌تکار دادکر کو پارتی باره‌گایێن خوه‌ ل که‌رکوکێ ڤه‌که‌ته‌ڤه‌ لێ پارتی ب وێ سه‌رسوریا ئه‌و پێ رزای بووین رزای نه‌بوویه‌ و نابیت له‌وما ژی لسه‌ر بریارا خوه‌ موکوڕ بی کو بێ پیروزیا ئالایێ کوردستانێ و بێ هێزا سه‌ربازی ل ژێر رکێڤا هێزێن ئێراقی پارتی قه‌د ناڤه‌گریت که‌رکوکێ،

جهێ ئاماژێ یه‌ کو پارتی ل هه‌ردوو شه‌رێن (پردێ و سحێلا) ب بوێرانه‌ پلانا سوپایێ ئێراقێ و خه‌وانا خیانه‌تکارێن 16ی ئوکتوبه‌رێ تێک شکاند و به‌رسڤا بێ هه‌لویستیا ئه‌مریکا ژی ب شکاندنا ئابرامزێ دان کو پشتی ڤێ چه‌ندێ یه‌کسه‌ر بریارا راوه‌ستاندنا هێرشێن سوپایێ ئێراقێ بو سه‌ر هیزێن پێشمه‌رگه‌یی هاته‌ دان،،،

پشتی بورینا پتر ژ ساله‌ک و چه‌ند هه‌یڤه‌کا ته‌نها هێزا کو لژێر هه‌موو گڤاشتنا رازی نه‌بوویه‌ بێ ئالایێ کوردستانێ بزڤریته‌ڤه‌ که‌رکوکێ نها حکومه‌تا ئێراقێ و ل ژێر گڤاشتنێن راسته‌وخو یا ئه‌مریکا داخوازا زڤرینا هێزێن پێشمه‌رگه‌یی بو که‌رکوکێ و هه‌موو ده‌ڤه‌رێن 140ێ دکتن و بریاره‌ جاره‌کا دی هێزێن پێشمه‌رگه‌یی ب سه‌ربه‌رزی ب ئالایێ پیروزێ کوردستانی ڤه‌ بگه‌رن بو هه‌موو وان ده‌ڤه‌رێن خیانه‌تا 16ی ئوکتوبه‌رێ بوویه‌ ئه‌گه‌را ژ ده‌ست دانا وان،،

له‌ورا ژی شانازی کرن ب ڤه‌گریانا پیروزی و سه‌ربه‌رزیێ بو ڤان ده‌ڤه‌رێن ژ لایێ خیانه‌تکاران ڤه‌ هاتینه‌ فروتن ته‌نها و ته‌نها مولکێ پارتی یه‌ و ته‌نها پارتی بوویه‌ کو رازی نه‌بوویه‌ ب سه‌رشوری ل ڤان ده‌ڤه‌ران بمینت،،