دنهادا هەردوو هەڤپەیمانێن ئەمریکا تورکیا و هێزێن کوردی ل ڕوژئاڤایێ کوردستانێ دژی هەڤدوونە لێ ئەمریکا پشتەڤانیا هەردوو ئالیان دکەت ل پشتی سەرهلدانا شەرێ ناڤخو یێ سوریا و تایبەت هاتنا رێکراوا تیرورستیا داعشێ هەڤکێشە ل ڕوژهەلاتا ناڤەراست گهورین بسەردا هاتن دڤێ چارچوڤێ دا ئەمریکا پشتەڤانیا خوە ژبوی هێزێن کوردی دیارکر.لێ ئەڤە ب توندی ژلایێ تورکیا هاتە رەتکرن و هەر ژ زووی تورکیا دلگرانیا خوە راگەهاند چونکی ب دیتنا تورکیا (یەپەگە.هەسەدە.یەپەژە.پەکەکە و هتد..)هەمی د ئێک چارچوڤێدا ئێکن ژ رێکخراوێن تیرورستی و دژبەرو دوژمنێن سەرسەختێن تورکیانە.ئەمریکا دڤێ چارچوڤێدا شاش مایە کو پشتەڤانیا کیش ژوان بکەت لێ ئەمریکا سیاسەتەکا بهێز هەیە لەوا تا نوکە شیایە هەردووکان ژخو رازی بکەت.لێ ئەوا پتر بوویە جهێ دلگرانیا هێزێن کوردی ئەوبوو دەمێ دونالد ترامپ ڕاگەهاندی ئەمریکا دێ هێزێن خوە ژ سوریێ ڤەکێشیت.ڤێ گوتارا ترامپی کارڤەدانێن ناڤخوەیی و نیڤدەولەتی و هەرێمی لدویف خو ئانین ب شێوەیەکی هەم لناڤا ئەمریکا هەم لسەر ئاستێ جیهانێ نەرازیبوون دەرکەفتن تایبەت لناڤ ئیدارەیا ترامپ نەرازیبوونێن هەری زوور دەرکەفتن،ل ئەمریکا هەم کوماری هەم دیموکرات ژڤێ گوتارا ترامپ نەرازیبوون.ل تەڤایا جیهانێ گوتارا ترامپی پێشوازی لێ نەهاتە کرن تنێ تورکیا نەبیت ئەوژی وەکە دیارو ئەشکەرایە تورکیا بڤێ بریارا ترەمپ دلخوشبوو چونکی رێک لبەر خوشبوویە بدلێ خوە ئێرشی روژئاڤایێ کوردستانێ بکەت.لێ ترامپ راگەهاند هەتا گەرەنتیا پاراستنا کوردان ژمن رە نەهێ داین ئەم ژ سوریێ ناڤەکشن.پشتی بریارا ترامپی هیزێن کوردی ئاراستەیێ دانوستاندن و لهەڤهاتنێن خوە ژبوی حکومەتا سوریێ گهوری و بریار دا دگەل حکومەتا سوریێ کاربکەت هەم ژلایێ پێشهاتێن جەنگی هەم ژلایێ گهورین و بریارێن سیاسی ل روژئاڤایی کوردستانێ.شروڤەکارێن ساسی ددەنە دیارکرن و دبێژن ئەمریکا جار بو جار ل روژهەلاتا ناڤین دڤێت خوە بهێز بێخیت لەورا دڤێ باوەریێ دانە ب ساناهی مەیدانێ ژبوی تورکیا و چ وەلاتان ڤالا ناکەت و ئەمریکا دێ هەر مینیت پشتەڤانێ سەرسەختێ کوردان چونکی د شەرێ داعشێ کورد هەڤپەیمانێن ئەمریکا بوون لەوا ئەمریکا دڤێ باوەرێ دایە چجاران دەستان ژ هەڤکاری و پشتەڤانیا کوردان بەرنەدەت