لە ووڵاتانی دیموکراسی هەڵبژاردن ئامرازێکە لە ئامرازەکانی وەرگرتنی بڕیاری سیاسی .... دەنگدەر لە ساتەوەختی هەڵبژاردندا، زیاد لە ئەگەرێکی لەبەردەمدایەو یەکێکیان هەڵدەبژێرێت ،، بوونی چەند ئەگەرێک لەبەردەم دەنگدەردا، وا دەکات ئەو هەڵبژاردنە تا رادەیەکی زۆر بە هەڵبژاردنێکی راستەقینە لەقەڵەمبدرێت ....

بەڵام لەهەرێمی کوردستان هەڵبژاردن هیچ بەهاو گرنگیەکی نیە ....

دەبینین زۆرینەی خەڵکی هەرێمی کوردستان متمانەیان بە پارتی دیمووکراتی کوردستان بەخشیوە بۆ پێکهێنانی حکومەت و حوکمڕانی هەرێمی کوردستان ،، بەڵام ( ٤ ) مانگ زیاتر بەسەر پرۆسەی هەڵبژاردن تێپەریوە، بەهۆی پێداگری و زۆرە ملێی یەکێتی بۆ وەرگرتنی پۆست ، هیچ ئاسۆیەک بۆ پێک هێنانی کابینەی ( ۹ ) دیارنیە ....

گەر هەڵبژاردن و دەنگی هاوڵاتی ئەهمیەت و بەهای هەیە ،، پارتی کەحزبی براوەی هەڵبژاردنی پەرلەمانی کوردستانە ،، دەتوانێت بەبێ یەکێتی حکومەت پێک بێنێت ،،
لێرەدا گرنگە بپرسین ...

( بۆ بەبێ یەکێتی حوکمەت پێک ناهێنرێت ؟! )

کە لای هەمووان روونە یەکێتی هۆکاری سەرجەم قەیران و نەهامەتیەکانی ئەمیللەتەیە و هۆکاری لەدەستان ٥۱٪ خاکی کوردستان و سەدان گرفت و بەربەست ،،
ئەهمیەتی یەکێتی لەحکومەت چیە ؟

گەر لایەنەکان ترسیان لەوەیە حکومەت پێکبێنن و نەتوانی ئیدارەی زۆنی سەوز بدەن ،، کەوایە بۆ هەڵبژاردن ئەنجام دەدرێت ؟

باشترنیە دان بەوەدابنێرێت کە دوئیدارەی کۆتای نەهاتوە و یەکێتی نەبێت هیچ لایەنێک ناتوانێت ئیدارەی زۆنی سەوزبدات ؟

گومانم هەیە لەتێگەشتنی لایەنەسیاسەکانە لە پرۆسەی هەڵبژاردن ،، گەر لایەنەکان لە چەمکی هەڵبژاردن تێگەشتبێتن ،، هەڵبژاردن بریتییە لە رێگاخۆشکردن بۆ گواستنەوەی هەندێک کۆمەڵگا، لە کۆمەڵگایەکی خێڵەکی و سەرەتاییەوە، بۆ کۆمەڵگایەکی مەدەنی و شارستانی ....
لە کۆمەڵگایەکی نارێکوپێکی بێ سەروبەری عەشایرییەوە، بۆ کۆمەڵگایەکی دەزگایی و خاوەن رێکخستنێکی یاسایی .... هەڵبژاردن بریتییە لە مەرجێک لە مەرجەکانی دڵنیایی و ئیستیقرای سیستمە سیاسیی و ئابورییەکان، ئەم ئیستیقرارە سیاسی و ئابورییە، فاکتەرێکی سەرەکییە بۆ دڵنیایی خاوەن سەرمایەکان و هێنانی وەبەرهێنەران بۆ وڵات ....

لایەنەسیاسیەکان هیچ گرنگیەک بەڕای تاک و زۆرینەو کەمینە پەرلەمان نادەن و ناتوانن حکومەت پێک بێنن ،، بۆ خێروبێری ئەم وڵاتە لە دوێخانەکان دابەش ناکەن و کۆتای بەهەڵبژاردن بێنن .