ب دامەزراندنا پارتی دیموکراتی کوردستانێ ل سالا ١٩٤٦ قوناغێن بھێزبوونا کوردستانێ ژ ھەمی ئالیەکی ژ دایک بوون ، ژلایێ نەتەوی قوناغا شۆرەشێن بارزان بەرەڤ شۆرەشەکا سەرتاسەری یا پەروەردەیا نەتەوی و نشتیمانی ، ژلایێ جڤاکی بەرەڤ لێبورینێ و ئێک رێزیێ ، ژلایێ رەوشەنبیری بەرەڤ پەیامەکا نەتەوی و نشتیمانی ، ھەر وەسا شۆرەشەکا ژینگە پارێزیێ و ...ھتد .
ب درێژاھیا نێزیکی حەفتێ و سێ سالا لسەر دەستێ پارتی قوناغ ب قوناغ کوردستان و جڤاکێ کوردستانێ بەرەڤ بھێزبوونێ بر .
ھەرچەندە ھندەک جاران ژ ئەنجامێ پیلانێن نیڤ دەولەتی و ھەرێمێ دژی بزاڤا رزگاریخوازیا کوردستانی و پارتی برەنگەکێ دەمەکێ کاروانێ بھێزبوونا کوردستانێ راوەستایە ، مینا پینا خیانەتکاریا نیڤ دەولەتیا ئەلجەزائیر لسالا ١٩٧٥ و ھەوێن بنا ئەنفالا ل سالا ١٩٨٨ . لێ پشتی خۆرێکخستەڤێ ب رەنگەکێ سەردەما کاروانێ ب ھێزکرەنەڤێ دەسپێکریەڤە .
پشتی بڕینا چەندین قوناغا ، ژ ئەنجامێ خیانەتا ناڤخۆیی و ھەرێمی ل شازدێ ئکتۆبەرا سالا ٢٠١٧ مەزنترین مەترسی بۆ ژناڤبرنا قەوارێ سیاسیێ ھەرێما کوردستانێ ھاتە دارژتن و دەست ب پراکتیزەکرنا وێ پیلانێ ھاتە کرن ، ژلایێ لەشکری و سیاسی و کارگێری ، لێ سیاسەتا نێچیرڤان بارزانی سەرۆکێ حکومەتا ھەرێما کوردستانێ یا میانڕەو و دووربین دوست و دوژمن حیبەتی کرن ، ئەمێ د کێمترین دەم دا ئەو ھەمی پیلان ھەلوەشاندنی و کیانێ ھەرێما کوردستانێ پاراستی و بەرەڤ پێشڤە بری .
پشتی ب سیاسەتا سەرۆکێ حکومەتا ھەرێما کوردستانێ ئاستێ پەیوەندیێن ھەرێما کوردستانێ و حکومەتا فیدرال ل سست و خاڤیێ بەرەڤ ئاستەکێ بلند و موکوم بری و قوناغا چارەسەریا بنەڕەتیا پرسگێرکان دەسپێکری ، رەوشا ھەرێما کوردستانێ ژ ھەمی ئالیەکی بەرڤ پێشڤە چوو و بوویە جھێ دلخۆشیا خەلکێ کوردستانێ و پشتی سەرگرتنا ڤی پلانا نێَچسیرڤان د بەرژەوەندا خەلکێ کوردستانێ دا ، باوەریا خەلکی ژی ب جەنابێ وی و پارتی دیموکراتی کوردستان پتر لێھات و ئاستێ جەماوەریێ پارتی زێدەتر کر . برەنگەکێ گشتی رێزدار نێچیرڤان بارزانی بڤێ سیاسەتا سەرکەفتی چەندین نیشان شکاندن ، ھەرێما و حکومەتا بھێزتر کرن ، باوەریا خەلکی ژی ب قەوارێ ھەرێمێ و داھاتی بھێز تر ، ھەم ژی پارتی دیموکراتی کوردستان بھێزتر کر ، چ لسەر ئاستێ ناڤخۆیی یان ژی لسەر ئاستێ جیھانی و عیراقی . ئەڤ رەنگە سیاسەت و پلانە ژی ب ھەمی کەسان ناھێنە کرن ..! .
خورتکرنا پەیوەندیێن ھەرێمێ و بەغدا و زڤراندنەڤا باوەریێ دناڤەرا وان دا ژبەرھەمێ وێ ساسەتێ بۆ ئەوا سەرۆکێ حکومەتا ھەرێما کوردستانێ پشتی خیانەتا شازدێ ئکتۆبەرا سالا ٢٠١٧ پەیڕەو کری و لسەر ڤی شەنگستی حکومەتا فیردال ھەلویست سەرەدەریێن خۆ دگەل ھەرێمێ گۆڕین و بۆ چەسپاندنا دەستوورێ ھەمیشەیی زڤرین لدەمێ قەیران وپرێسگرێکان .
گرنتیکرنا مۆچێ فەرمانبەرێن ھەرێمێ و پێشمەرگەھێن کوردستانێ د یاسایا بۆدجەیێ ئەڤ سالەدا و چەسپاندنا چەندین برگەھێَن دیتر یێن د بەرژەوەندا ھەرێما کوردستانێ دا ، ڤەرێژا وێ سیاسەت و دبلۆماسیەتا نێچیرڤان بارزانی نە بۆ بھێزترکرنا ھەرێما کوردستانێ .