هستریا بنێ پێ کوردستانیان و بەلا سەرێ کوردستانێ پەکەکەیە کریارێن وێ د دیروکا گەلێ مەدا د خوویانە بگرە ژ خاپاندنا گەنجان و زوڵم و ستەمکاریا وان ل وەلاتیێن هەرێمێ ل سالا ١٩٩٧ێ وەک نمونە بو کارێن وان یێن هوڤانە د دەرحەقێ وەلاتیێن ێن گوندێ سیارێ یێ سەر ب ناحیا چەمانکێ ڤە بگرە ژ کوشتنا مام و پسمام و برا و دەیک و بچیک و تا ئاژەڵان ژی ژ فیشەکێن تڤەنگێن وان قورتالنەبون بێی دوودلی وان هێرشکرە سەر خەلکێ وی گوندی و شەهیدکرن و تا نهو ئەو گوندە یێ ڤالایە ، ئەوا پەکەکە دکەت گەلەک یا دیرنینە ژ وان رێکخراوێن تیرورست یێن لسەرانسەری جیهانێ دکەن ، ژ ئەگەرێ هەبونا وێ کوردێن باکوور تا نهو یێن لبن زورداریا جەندرمێن تورکان ، هەروەسا پەکەکێ ئالایێ کوردستانێ ل کوردستانا سووریا قەدەغەکر و دژایەتییا هەبونا کیانەکێ کوردی یێ سەربەخۆ ل سووریا کر و کارێن وان یێن هوڤانە ل هەر چار پارچێن کوردستانێ د دژایەتیا کورداندا د خوویانە بگرە ژ گەف و تیرورکرنا وەلاتیان و داگیرکرنا گوندان ، تا چ دەم دێ ئەڤ رێکخستنا وەکوو مافیان زیانێ گەهینیتە ڤێ پارچا ئاخا مە ب هزاران شەهید لسەر داین ، دڤێت کەرب و کینا گەنجان ل دژی وان بیت چنکو ئەون ئەگەرێ هێرشێن فروکێن جەنگی یێن تورکی ل هەرێمێ هەی و ب هەبونا وان لسەر ئاخا مە سڤیل دبنە قوربانی .

پەکەکێ مێشکێ هژمارەکا زور یا کور و کچ و ژنێن کوردێن مە یێن ئێزدی ل شنگالێ یێ خاپاندی و نهو ل دژی کوردستانێ ل سوشیالێ داخویانیان ددەن ئەڤەژی جهێ شەرمزاریێ یە بتایبەت بوو وان یێن د بێژن پارتەکا کوردییە کریارێن وێ بەروڤاژی وێ چەندێ نە . ل دەڤەرێن چیایی پەکەکێ زەڤی و ئاقارێن مە یێن کرینە جهێن سەربازی ژ بۆ هندێ کو ببنە ئارمانجا فروکێت تورکیا و سێڤیل ببنە قوربانی ، هەروەکی دەم بۆ دەمی ل دەڤەرا دێرەلوکێ و شێلادزێ قوربانی د زێدەبونێدانە ئەڤەژی بۆ پەکەکێ د ڤەگەریت یا کو هاتیە دامەزراندن ژ بۆ لێدانا بەرژەوەندێن نەتەوا کورد ل هەر پارچەکا کوردستانێ ، چ دەلیڤا ژ بۆ نەتەوا مە هاتە پێش دێ پەکەکە بەرەف وێ دەڤەرێ چیت ژ بۆ ژناڤبرنا وێ دەلیڤێ .

دەمێ رویدانا ل شێلادزێ هاتیە پێش هندەک لایەنێن خوە دبینن کورد و دبنەمادا ل دژی کوردستانێ کاردکەن داخویانیێن ژ خوە مەستر و نە د بەرژوەندا کوردستانێدا دان ئەڤەژی پتر سڤککرنە بۆ هەرێمێ و دڤێت ئەو لایەن بهێنە سزادان ژ لایێ قانوونی ڤە .

گەلەک دلگرانین ژ بۆ شەهیدبونا کەس و کارێن مە ل شێلادزێ خەمەکا گرانە ، ژ هەمی لاڤە دوژمنێن نەتەوا مە هێرشێ دکەنە سەر خاکا مە و ژ رێشتنا خینا مە تێرنابن .

سەروک وەزیرێن حکومەتا هەرێما کوردستانێ نێچیرڤان بارزانی د کونگرەکێ رۆژنامەڤانی دا راگەهاند : لژنەیەکا دووڤچوونا روودانێن شێلادزێ پێکئینایە و هەروەسان دا دیارکرن ژئەگەرێ نێزیکبونا پەکەکێ ل دەڤەرێن وەلاتی لێ ئاکنجی وەلاتی دهێنە شەهیدکرن هەروەسا سه‌ره‌خۆشی ل مالباتێن قوربانیێن شێلادزێ کر و دوپاتی ل سیاسه‌تا حكومه‌تا هه‌رێمێ یا روهن و ئاشكرا کر گوت ب هیچ رەنگەکی ئه‌و رێناده‌ن خاكا هه‌رێمێ بۆ هێرشا سه‌ر وه‌لاتێن جیران بهێتە بكارئینان و گوتی مافێ خه‌لكی یه‌ خوه‌نیشاندانان د چارچووڤێ قانوونێ دا بكه‌ن بەلێ نەک گوهارتنا ئاراسته‌یا خوه‌نیشاندەران بۆ وێ ئێكێ بیت کو توندوتیژی لێ پەیداببیت.

په‌كه‌كە ئه‌گه‌رێ سه‌ره‌كی یێ كاره‌ساتا بومبەبارنکرنا کوردستانێ یە ، ژبه‌ركو بۆمبه‌بارانا تورکان ل جهێن په‌كه‌كێ یە ، نابیت وەلاتیێن کوردستانێ باجا ره‌فتارێن پەکەکێ بدەن دڤێت سنۆره‌ك ژبۆ ره‌فتارێن وان بهێتە دانان ، ل وی دەمێ کو خەلکێ کوردستانێ چاڤەرێی ژیانەکا خوشگوزەرانی و ئارامی یە و پشتی قەیرانەکا مەزن دیسان بەردەوام د دەستێوەردان و زێدەگاڤیێن پەکەکێ و تورکیا ل سەر سەروەریا کوردستانێ خەلکێ سڤیل و بێ گونەھ دبنە ئارمانجا وان و ئەو بوینە ئەگەرێ ئیفلیجکرنا ژیانا گوندان .
ئەو داخویانیا فراکسیونا نەوەی نوێ یا بێ بنەما و دیر ژ رەوشتێ سیاسی و کوردی شەرمزاردکەین ، جهێ داخێیە ل دەمەکی کو ژبەر هێرشێن تورکیا و پەکەکێ ل ناڤا ئاخا کوردستانێ سڤیل دبنە قوربانیێن وان ، فراکسیونا نەوەی نوێ رابویە ب بەلبەلێ و دوبەرەکی و ئاخفتنێن دیر ژ راستیێ و ئەو ئەزمان درێژیا وان ددەرحەقێ پارتی دا کری جهێ قەبیلکرنێ نینە .