نموونا روژهەلاتا ناڤین
January 22, 2019
وتار و بیروڕا
![نموونا روژهەلاتا ناڤین](https://gulanmedia.com/public/old_images/nusaran/yyuhhnbbhh.jpg )
پشتی سەرەدانا پۆمپێیۆی بو هەرێمێ وەزارەتا دەرڤەیا ئەمریکا راگەهاندنەک بەلاڤکر و د وێ راگەهاندنێ دا هاتبو کو مایک پۆمپیۆ پیرۆزباهی ئاراستەی نێچیرڤان بارزانی کر ژبەر کاندیدکرنا جەنابێ وی بۆ پۆستێ سەرۆکێ هەرێمێ ، ئەمریکا ب سەرەدەریکرنا دگەل نێچیرڤان بارزانی خۆشحالە ژبەر رولێ وی یێ کاریگەر د پولیتیکیا فولیکسالدا و کۆنسولخانا ئەمریکا ل هەولێرێ سەردەمێ حکومرانیا نێچیرڤان بارزانی هاتە ڤەکرن ، بەرێ بنیاتێ مەزنترین کۆنسلخانا ئەمریکا ل سەردەمێ حکومرانیا نێچیرڤان بارزانی هاتە دانان ، ئەو رولێ کاریگەر یێ پەیوەندیێن دیبلۆماسیێن نێچیرڤان بارزانی د پۆستێ سەرۆکێ هەرێمێ دا د قۆناغا بهێت دا دێ کاریگەریەکا مەزن ل سەر کوردستانێ هەبیت بو باشتر و بهێزترکرنێ .
بریارا ڤەکێشانا لەشکەرێ ئەمریکی ل سوریا بو ئەگەر هەمی سیاسەتمەدار و راگەهاندن و کومەڵگەها ئەمریکی گڤاشتنان لسەر ترامپی بکەن بو وێ بریارا وی دای ، ژبەر وی رولێ هێزێن کوردی دگێرن د شەرێ دژی تیرورێدا .
هاتنا شاندێن بیانی نیشانا هندێیە سەرکردایەتیا هەرێمێ یا سەرکەفتی بو د سیاسەتا دەرڤەدا کو دەرئەنجامێ وێ د بیاڤێ وەبەرهێنانێ و بیاڤێ پەیوەندیێن ئابوری و بازرگانی پێشڤەببەت دگەل ڤان وەلاتێن سەرەدانا هەرێمێ دکەن سەرکردایەتیا کوردستانێ شیایە بەلانسەکا هاوسەنگ دناڤبەرا بەغدا و دەولەتێن دەوروبەردا بگێریت .
ئەو پێشکەفتنا بەرچاڤ یا ل هەرێما کوردستانێ هاتیە دی هەروەسان ئازایەتی و ئەفسانەیا پێشمەرگەی بو تێکشکاندنا تیرورستێن داعش بونە فاکتەرەکێ بهێز بو بەرپاکرنا سەقامگیریێ ل دەڤەرێ ئەڤەژی بو هوکارەک کو بەردەوام مەزنە بەرپرس و دبلوماتکارێن وەلاتان سەرەدانا هەرێما کوردستانێ بکەن .
هەرێما کوردستانێ ل دەڤەرێ ژمارەکا بهێزە پشتگوهڤە ناهێتە هاڤێتن هاتنا شاندان دکەڤیتە دڤێ سێوانێدا ، گرنگیدانا وەلاتان ب هەرێما کوردستانێ و سەنگا کوردستانێ و سەرکەفتنا لسەر داعش و بارێ ژێرخانەیا ئابوری و پەیوەندیێن دیبلوماسیێن بوری یێن هەرێمێ کاریگەری یا هەی ، ئەڤە هەمی بەشەکن ژ پێشکەفتنا هەرێمێ .
دیموگرافیا هەرێما کوردستانێ و پێکڤەژیانا دناڤبەرا سەرجەم پێکهاتەیێن هەرێمێ فاکتەرەکێ دی یێ سەرەنجراکێشە بو وەلاتان ، ئەزمونا حکومرانیا هەرێمێ کو رێز ل فرە ئایین و نەتەوا گرتی و نمونەکا جوانا پێکڤەژیانێ یا ل هەرێما کوردستانێ درستبوی ئەڤەژی ئێک ژ ئەگەرانە سەرەنجا وەلاتان بوخوە رابکێشیت ، کوردستان ژ لایێ ئابوریڤە خودان وزەو سامانێن سروشتیە و وەبەرهێنانە ، هاتنا شاندێن بیانێ گەلەک دێ کاریگەری هەبیت لسەر ئابورەکێ بهێز و داهاتیەکێ گەشتر بو کوردستانێ .
کومپانی و بازرگان ل وان دەڤەرا دگەرن یێن سەقامگیری و ئێمناهی تێدا هەی داکو سەلمایێن خوە تێدا بکاربینن هەرێما کوردستانێ ناوچەکا سەقامگیرە بەرامبەر عیراقێ و دێ شاندێن بیانی سەرەدانا هەرێمێ کەن و پروژان ئەنجامدەن و وەبەرهێنانێ لێ کەن .
ل دەمێ بوری یێ نێزیک سەروک وەزیرێن ڤاتیکان و شاندەکێ وەلاتێ لبنان و وەزیرێ وزەیا ئەمریکا و وەزیرێن دەرڤە یێن ئەلمانیا و پولەندا و پولونیا سەرەدانا هەرێما کوردستانێ کرن ڤان روژێن بوری ژی وەزیرێ دەرڤە یێ ئەمریکا و وەزیرێ دەرڤە یێ ئیرانێ سەرەدانا هەرێمێ کرن دیسان وەزیرێ دەرڤە یێ فڕەنسا سەرەدانا هەولێرێ کر ژلایێ نێچیرڤان بارزانی ڤە هاتە پێشوازیکرن و دێ دگەل سەرۆک بارزانی کومبیت و هەروەسان دگەل نێچیرڤان بارزانی سەرۆک وەزیرێن حکومەتا هەرێمێ و دگەل مەسروور بارزانی شیرەتکارێ جڤاتا ئاساییشا هەرێما کوردستانێ کومبیت .
راستە هەرێما کوردستانێ دەولەت نینە بەلێ شێوازێ سیاسەتکرنا پەیوەندیێت وێ یێت دیبلۆماسی یا وەکری وەلاتێن جیهانێ سەرەدەریا دەولەتان لگەل بکەن .
=