د چەند روژێن بوری دا بەرێز نێچیرڤان بارزانی ل ھەولێرا پایتەخت پێشوازی ل مایک پومپیو وەزیرێ دەرڤەیێ ویلایەتێن ئێگرتیێن ئەمریکا کر، دوێ سەرەدانێ دا پومپییوی پیروزباھی ل نێچیرڤان بارزانی کر کو ژبۆ پوستێ سەروکاتیا ھەرێمێ ھاتییە بەربژارکرن.
پشتی سەرەدانا پومپیوی، وەزارەتا دەرڤە یا ئەمریکا راگەھاندنەک بەلاڤکر و نڤیسی: مایک پومپیوی پیروزباھی ئاراستەی نێچیرڤان بارزانی کر کو ژبو پوستێ سەروکاتیا ھەرێمێ ھاتییە کاندیدکرن، ئایا ئەڤ سەرەدەریکرنا ئەمریکا و خوەشحالیا وان ل ھەمبەر نێچیرڤان بارزانی ژبۆ چ ڤەدگەرت؟ ئەڤە ھەمی وێ چەندێ دگەھینت کو بەرێز نێچیرڤان بارزانی، خوەدیێ کاریزما و کەسایەتیەکا دبلوماسیا بھێز بوویە و دیسان سەرەنج راکێشیا ئەمریکا ل ھەمبەر سەروکێ حکومەتا ھەرێمێ وێ یەکێ دسەلمینت و پشتراست دکەت کو دوستەکێ ھەری باشێ کەسایەتیێن وەلاتێن زلھێزە. نێچیرڤان بارزانی دماێ حکومرانیا خوەدا و ھەتا ئەڤڕو گوھورینێن مەزن و بەرەڤ پێشڤەچوونەک باش ل ھەرێمێ پەیداکریە، و دیسان شارەزاییا وی یا مەزن دسیاسەت و کاروبارێن نیڤدەولەتی دا، لەوما زێدەتر وی نێزیکی کەسایەتیێن وەلاتێن مەزن و زلھێزدکت، ئەڤە ھەمی ژلایەکێ ڤە و ژلایەکێ دیترڤە، ئەو سەرەدەریکرنا نێچیرڤان بارزانی و شارەزای و شیانێت وی یێن مەزن دکاروبارێن حکومەتێ دا ھەین. ئەمریکا ل سەر دەمێ حکومرانیا نێچیرڤان بارزانی کونسلخانەیا خوە ل ھەولێرا پایتەخت ڤەکر، ودیسان ئەمریکا بەرێ بنیاتا ئاڤاھیێ مەزنترین کونسلخانە یا خوە ل روژھەلاتا ناڤەراست لسەر دەمێ حکومرانیا نێچیرڤان بارزانی ڤەکر، وھەروەسا کومپانیەکا ئەمریکی وەکی شیفرون دبوارێ نەفت و گازێ دا بەرھەمھێنانێ ل ھەرێما کوردستانێ دکت، و ئەمریکا بنکەیەکا سەربازی ل ھەرێمێ ھەیە و خاکا خوە بەردەوام ژبۆ شەرێ دژی گروپێن توندرەو بکاردئینن، ئەڤە ژی وێ یەکێ دسەلمینت کو کەسایەتیا سیاسیا نێچیرڤان بارزانی روولەکێ مەزن و بھێز دپەیوەندیێن دناڤبەرا ئەمریکا و ھەرێما کوردستانێ دا ھەیە، و رولێ سەقامگێریەکا مەزن دوان پەیوەندیاندا دگێریت.
ئەگەر ئەم پسیارەکێ بینین زمان، ئایا رولێ پەیوەندیێن دبلوماسیێن نێچیرڤان بارزانی دپوستێ سەروکێ ھەرێمێ دا دقوناغێن بھێت دا دێ چ کاریگەری ل سەر کوردستانێ ھەبیت؟
ھەلبەت نێچیرڤان بارزانی کو پێشتر دسەروکاتیا جڤاتا وەزیران دا خوەدان پەیوەندیێن دبلوماسیێن باش و بھێزبوویە لسەر ئاستێ ناڤخوە و ناڤدەولەتی، دیسان کەسەکێ قەبولکریە لسەر ئاستێ ناڤخوە و دەرڤە، ھەماھەنگی وھەڤالینیەکا باش دگەل سەرکردە وسەروکێن وەلاتێن زلھێزێن جیھانێ ھەیە، ئەڤ یەک ژی دبت ئەگەرێ پاراستن وبھێزکرنا کوردستانێ ل دژی ھەر گەفەکێ کو بەردەوام کوردستان خوەدی دوژمن و نەیار بوویە، و ھەردەمی نێچیرڤان بارزانی ب ھەر رێکەکا ھەی رێگربوویە ل بەرامبەر گەفان، ھەر وەکی مە ل پشتی ١٦ئوکتوبەرێ ئەڤ چەندە دیتی، کو ب وێ سیاسەتا بھێز وکاریزما سەروکێ حکومەتا ھەرێمێ کوردستانێ شیا سەرکەڤتنەکا مەزن لسەر خیانەتکارێن ١٦ئوکتوبەرێ و دوژمنێن بەردەوامێن کورداندا ب دەست بێخیت، و بڤێ چەندێ سەروکێ حکومەتێ بوویە ھەلگرێ پەیامەکا پیروزا کوردان ژبۆ ھەمی جیھانێ.
پشتی وەرگرتنا پوستێ سەروکێ ھەرێمێ دیبلوماتکا و دەولەتمەدار نێچیرڤان بارزانی دێ نووینەراتیا خەلکێ ھەرێمێ لسەر ئاستێ سیاسی و ناڤدەولەتی کەت، ودیسان دێ نووینەراتیا ھەرێما کوردستانێ دچارەکرنا ئاریشان دگەل بەغدا و وەلاتێن بیانی مینا ئەمریکا کەت، و ب ڤان پەیوەندیێن مەزن و بھێز دنەخوەشترین کاوداندا شیا کابینا ھەشتێ یا حکومەتا ھەرێمێ ب رێڤەببەت و کوردستانێ بھێز بھێلیت، و وەرگرتنا پوستێ سەروکاتیێ دچار سالێن بھێن دێ کوردستانێ بەرەڤ قوناغەکا نویتربەت و ئەو ھەموو قەیران و رەنج وماندیبوونا گەلێ کوردستانێ دچار سالێن بووریدا بدوماھیک ھێن و دەولەتمەدار نێچیرڤان بارزانی خوەدیێ مەزنترین پەیوەندیان ژبۆ پشڤەچوونا ھەمی بواران ل ھەرێما کوردستانێ.