بێگومان مە هەمیان گولێبوویە زاروک وەکی کاغەزەکا سپیە چ لسەر بنڤیسی دێ وەسا دەرکەڤیت! بێگومان زاروک وەکە کاغەزەکا سپیە ژ زاروکینیا وی چ تشتی نیشا وی بدەی ب درێژاهیا تەمەنێ خو هەمان وی تشتی دێ پەیرەو کەت.چونکی زاروک زوی ژ هەر تشتەکی باوەر دکەت و دکەتە دناڤ مێشکێ خودا ئەڤجا نەخاسمە ئەڤ تشتە یان ئەڤ هزرە تشتەکێ بێ بنەمابیت ئەڤجا بو وی زاروکی ل ئایندەیی دێ بیتە ئاریشەیەکا مەزن هەم لسەر ژیانا وی هەم زیان گەهاندن بو تەڤایا کومەلگەهێ.نەخاسمە دەما مەزن دبیت و دبیتە گەنج کارێن دوور ژ مروڤایەتیێ بکەت لەوا دڤێت تایبەت دایک و باب پەروەدەکرنا زاروکێن خو ئێک ژ کارو ئەرکێ سەرەکیێ خو بزانن و زاروکێن خو ب شێوەیەکێ سەرکەفتیانە پەروەردە بکەن چونکی جوان پەروەردەکرنا زاروکی دوو خالێن گرنگ دهێنە پێش چاڤ
۱_جوان پەروەردەکرنا زاروکی ب هەمی شێوا دێ بیتە ئەگەرێ ئارامیا دایک و بابان ژلایێ دەرونی
۲_جوان پەروەردەکرنا زاروکی دێ بیتە ئەگەرەک بو دەسخوشیێ ژلایێ تەڤایا تەخ و چینێن جڤاکی چونکی ئەڤ زاروکە هەر ژ زاروکینیا خو و هەتا دبیتە سنێلە و دبیتە گەنج جڤاک ژلایێ دەرونی و ئاریشان دێ ب وی ئارام بیت و دێ رێزەکا تایبەت لدەف هەمی جڤاکی هەبیت و هەروەسا ئەڤ زاروکە دێ هێتە پێشبینی کرن ل پاشەروژێ ببیتە کەسەکێ باش و سەرکەفتی هەم بو مال و خێزان و جڤاکێ خو هەم بو وەلات و نیشتمانێ خو

چەند خالێن سەرەکی بو پەروەردەکرنا زاروکی
۱_نابیت ب هیچ شێوەیەکی درەو دگەل زاروکی بهێتە کرن.ئانکو دروست نینە زاروکێ خو ب درەوان سەردا ببەی
بو نموونە:گەلەک ژ دایک و بابان ب ناڤێ (پارەی)یان بناڤێ (دکانێ) بانگی زاروکێ خو دکەن و هتد...(دکان یان پارە) هێجەتەکە بەس دا زاروک بهێتە دەف وانا و هەر گاڤا زاروک هاتە دەف وانا تشتەک نینە بناڤێ (دکان یان پارە) ئەڤجا ئەڤە تشتەکێ خرابە و بڤی شێوەی زاروک فێری درەو دبیت.
۲_نابیت ب هیچ شێوەیەکی زاروک بهێتە تورەکرن تنێ ل هندەک دەمێن پێدڤی نەبیت چونکی تورەکرنا زاروکی هەرەشەیا مەزنە بو سەر ژیانا وی و بڤی شێوەیی زاروک دێ بیتە کەسەکێ تورەیی ئانکو(عصبي)
۳_دناڤ خەلکیدا ب هیچ شێوەیەکی زاروکێ خو نەشکێنە ب ئاخفتنێن کرێت و نە ژهەژی !! داکو هەست ب کێماسی و شەرمێ نەکەت دناڤا هەڤالێن خو چونکی شکاندنا زاروکی ب ئاخفتنێن کرێت ئەڤەژی دیسان کارتێکرنەکا ئەرێنی لسەر زاروکی دروست دکەت چونکی هەردەم دێ هزرکەت کەسەکێ کێمە و چ بها ب وی نەهاتیە دان
٤_هەولبدە هەردەم زاروکێ خو دگەل خو بگەڕینە و ببە گەلەک جهان دا کەسانێن دەوروبەر ببینیت و ژبەر ڤێ چەندێ دا هزرا وی بەرفرەهـ ببیت چونکی گەڕاندنا زاروکی کارتێکرنێ ل وی دکەت و جار بو جارێ هزرا وی ژلایێ سایکولوجی و پراکتیکی گەشێ دکەت
۵_هەردەم دناڤا خەلکیدا مەدحا زاروکێن خو بکە چونکی ئەو تشتێ بتنێ ژلایێ دەرونیڤە زاروکی ئارام دکەت مەدحەکرنا ویە ژلایێ دایک یان بابێ وی
٦_هەردەم ئاخفتنێن خوش و جوان و دلڤەکەر دگەل زاروکێن خو بکە و هەردەم یاریا دگەل بکە چونکی ئێک ژ سەرکەفتن و دلخوشیا زاروکی هەڤالینیە دناڤبەرا وی و دایک و بابێ وی