نێچیرڤان بارزانی، سەروک وەزیرانی ھەرێمی کوردستان، ھەردەم خەبات کریە، ب رێز ل خەباتا ھەمی ھێز و لایەنێن سیاسی ل ھەرێما کوردستانێ بنێریت و ھەروەسا پارتی دیموکراتی کوردستان کرە بنگەھێ ئێک رێزی و تەڤایی و خەباتا ھەڤپشک و ئاراستە کری یا ھەمی ھێزان و بەرەڤ ئارمانجا نێشتیمانی و دیموکراسی و مەدەنی ڤە بریە و ھەردەم خەبات کریە بو گرێدانا کونگرێ نەتەوەیی کو ھەمی ھێز و لایەنێن کوردستانێ ب جوداھیا ئایدولوژیان و چەمکێن ھزری ل بن ئێک ئارمانج و پەیام دا کوم ببن، ئەو ژی پەیاما ئاشتی و برایەتی و ب ھەڤرا ژیانێ یە دگەل نەتەوەیێن دی ل روژھەلاتا ناڤەراست لسەر بنەمایێ ھەڤدوو قەبول کرن و رێزگرتن ل ئیرادە و مافێن ھەمی ئول و نەتەوەییان، پارتی نە بتنێ پارتەکا شورەشگێر و سیاسی یە بەلکو بزاڤەکا رزگاریخوازیا نێشتیمانی بوویە و ژ پێخەمەت بەرپاکرنا جڤاکەکێ پێشکەفتی خواز و ئاڤاکرنا کوردستانێ ژ کاڤل کارێن داگیرکەران و گەشەکرنا ھەمی بوارێن ژیانێ و مفا وەرگرتن ژ ھەمی سەروەت و سامانێن کوردستانێ و پێشدابرنا ئاستێ روشەنبیری و زانستی یێ خەلکێ کوردستانێ و ھەروەسا کار کریە کەلتورێ پێکڤەژیان دناڤبەرا خەلکێ ھەرێما کوردستانێ بیێ جیاوازی ل ئایین و نەتەوە دا، ب زەرورەت زانیڤە و ھەردەم بزاڤ کریە بو پاراستنا بەرژەوەندیێن وان و ئەم دبینین پێکڤەژیانا ئایینی و نەتەوەیی و سیاسی ل ھەرێما کوردستانێ یا بەردەوامە، و ل راگەھاندنان دا جەژنێن خوشک و برایێن مەیێن ئێزێدی و مەسیحی و ئول و نەتەوەیێن دی پیروزبایی لێ دھێتە کرن، سەرەرای ڤێ چەندێ کو فەتوایا مفتیێ سونە مەزھەبێ ئیراقێ راگەھاندی کو کریسمس حەرامە و نابیت مسلمان ل ڤێ روژێ ل مەسیحیان پیروز بکەن. لێ ھەرێما کوردستانێ ب تایبەت وەزارەتا ئەوقافا کوردستانێ ئەو چەندە شەرمزار کر و دڤێت پێکڤە ژیانا ئایینی و رێزگرتن بەرامبەر ئێک و دوو ھەبیت، تاکو خێروبرکت دناڤ ژیانێ دا ھەبیت و چ ئاریشە سەبارەت ئایین و نەتەوە پەیدا نەبن. وەزارەتی ئەوقاف کارەکێ جدی بەرامبەر پاراستنا پێکڤەژیانا ئایینی ئەنجام دایە، ئێک ژ وان دامەزراندنا بەرێڤە برایەتی یا پێکڤەژیانا ئایینی یێن جودا جودا، ل دیوانی وەزارەت، ئەو ژی ژبەرھندێ یە کو حەژێ کرن دناڤبەرا پێکھاتەیێن کوردستانێ زورتر ببیت و ھەروەسا ھولەکا تایبەت بو بەرێڤە برایەتیا گشتی یا کاروبارێن ئێزێدیان ل دیوانی وەزارەت ھاتیە ڤەکرن و ھەروەسا بەریڤەبرنا سەرجەم چالاکیێن تایبەت بو ھەمی پێکھاتەیێن ئایینێن کوردستانێ و بەژداری کرنا ھەمی پێکھاتا ل بونەیێن ئێک و دوو و ڤەکرنا خولێن بەردەوام و پەرەپێدان دناڤبەرا ھەمی پێکھاتەیان ل دیوانی وەزارەت. ئەڤ چەندە کارێگەریەکا باشتر دێ ھەبیت بو ھندێ کو ئارامی و پاراستن بو ھەمی ئول و نەتەوە بھێتە دابین کرن.