_ وەکو یا بەربەلاڤ ل وەلاتێن دیموکراسی و پێشکەفتی پێکڤە ژیان بنەمایەکێ گرنگێ دیموکراسیێ و کۆمەلگایەکێ پێشکەفتیە. عیراق ب گەشتی و هەرێما کوردستانێ ب تایبەتی ل چەندین نەتەوە و ئاین و مەزهەبا پێکدهێت ژبەر هندێ پێتڤیە لێک تێگەشتنەکا باش و لیبوردن هەبیت و ئەوژی پێتڤی ب سەرکردەییەکێ ژێهاتی وكارێزمایە . خودایێ مەزن ل قورئانا پیرۆز دفەرمو (گەلی مرۆڤا من هینگێ دروستکرین ل نێر و مێ و هینگیت کرینە چەندین نەتەوەو قەبیلە بۆ یێکتر ناسینێ.( هەر وەسا ل دستورێ عیراقێ سالا (٢٠٠٥) یێ هاتی (ئەڤ دستورە ناسنامەیە زۆربەیە هاولاتیێ موسلمانێ عیراقێ دپارێزێ هەر وەسا مافێ ئاینێن دی وەکی مەسیحی و ئیزدی هتد دپارێزی و دێشێن رێورەسمێن خۆ یێن ئاینی ب ئازادی بجهبینن. هەر وەسا عیراق پیکدهیت ل چەندین نەتەوەو ئاين و مەزهەب وەکی کورد و عەرەب موسلمان و مەسیحی و ئیزدی هتد.. و دبیژیت زمانێ فەرمی زمانی عەرەبی و کوردیە و یێن دیش وە تورکمان و ئاشوری دێشێن ب زمانی خۆ بخوینن.
. _هەرێما کوردستانێ د ماوێ چەند سالێن بۆری نمونەیەکێ جوانێ ئارامیێ و پێکڤە ژیانێ بو ئەوژی ب ئەگەرێ هەبونا سەرۆکەکی ژێهاتی و کارێزمایێ حکومەتێ بەرێز (نێچیرڤان بارزانی )بو وەکو یا دیار ئێک ژ کارێن هەرە سەرەکی یێن بەرێزی پێکڤە ژیانەکا ئارام ولێبوردەیی بویە
. _ سەبارەت ب خیشک و برایین ئیزدی ل نڤیسینگەها خۆ لیژنەکا تایبەت یا دامەزراندی بۆ ئازادکرنا ئەوێن کەفتینە ژێر دەستێ داعش. هەتا ڤی دەمی گەلکێ ئازادکرین و ئەوێن مایش ئەو بەردەوام کاردکەن بۆ ڤەدیتن و ئازادکرنا وان. هەر وەسا ل رێکەفتی (٣/٨/٢٠١٨) د بەشداربونا رێورەسمێن بیرەوەریا کۆمکژیا کوردێن ئیزدی دوپاتکرەوە کو ئەو دێ ب هەمی هەولێن خۆ کارکەن بۆ ئازادکرنا ئەوێن مایین و ئاوادانکرنا شنگالێ لێ رێگیری یامای.
- سەبارەت برایێن مەسیحی د هەمی بۆنا سەرەخۆشیا وان دکەت و بەشداریش دبیت. هەر وەسا سەردانا پاپایی ڤاتیكانێ یێ کری هەر وەسا ل (٢٧/١٢/٢٠١٨) سەرۆک وەزیرێ ڤاتیکانێ سەردانا بەرێزی کرن و ستایشا رۆلێ وی کرن سەبارەت ئەو ئارامی و پێکڤەژیانا ل هەرێما کوردستانێ هەی هەر وەسا سوپاسیا وی کرن بۆ حواندن و پاراستنا مەسیحیین ئاوارە.
-سەبارەت فتوایا مفتيێ سونی ئەوا تایبەیت ب حەرامکرنا ئاهەنگا سەرێ سالا ٢٠١٩ مەسیحی پێ دلگران بون و کارڤەدانێن جۆراجۆر لێ پەیدابون. بەلێ سەرۆکێ حکومەتا هەرێمێ بەرێز ( نێچیرڤان بارزانی) برۆسکەیا پیرۆزبایی ئاراستەی برایێن مەسیحی و هەمی پێکهاتێن کوردستانێ کر هیڤی خاست کو ئەڤ پیکڤە ژیانە بەردەوامبیت و باشتر بیت. هەر وەسا وەزارتا ئەوقافێ د بەیانامەکێ پیرۆزبایێ کر و ئیدانا وێ فتوایا دژی مەسیحیا کر و گۆت ئەو فتوا بیرۆکەیا داعشایە و دژی دستور و پیکڤە ژیانێیە.
- سەبارەت نەتەوەیێن عەرەبیش د مێژووا رێژمێن لناڤچوی وانا زولم یال کوردا کری لێ لدەمێ شەرێ داعش و ئاوارەبوناوان حکومەتا هەرێمێ ب سەرۆکاتیا ئەندازیارێ ئاوەدانی و پێکڤەژیانێ ب هەمی شیانێن خۆ خزمەتا وانکرن و ئەو پاراستن سەرەرای کو حکومەتا بەغدا بەشە بۆدجێ هەرێمێش بریبو ب بریادەکا نا دستوری.
- سەبارەت ناڤخۆش د چار سالین بۆری بزوتنەوا گۆران ب هەمی شیانێن خۆ دژی پارتی و حکومەتێ کاردکرد چەندین بوختانژی ددانە پال لێ ئەندازیارێ پێکڤەژیانێ و لێبوردە بەرێز( نێچیرڤان بارزانی) چەندین جارا سەردانا وانکرد.
- د کۆمبونا (٣/١٢/٢٠١8)یا پارتی ب سەرۆکاتیا سەرۆک ( مسعود بارزانی ) پشتی هەلسەنگادنا کارێن چەند سالێن بوری یێن سەرۆکێ حکومەتێ بەرێز ( نێچیرڤان بارزانی) یێن ئابوری و دبلۆماسی و پێکڤە ژیانێ تایبەت هەلگرتنا ئەو ئابلوقە دانا حکومەتا هەرێمێ پشتی خیانەتە (١٦ئەکتۆبەرێ) کارێن وی ب بەرز نرخاندن و ب کەسەکی گرنگ و شیاو زانین بۆ وەرگرتنا بۆستێ سەرۆکێ هەرێمی و بریار هاتە دان کو ئەو پالێوراوێ پارتیە بۆ وی پۆستی.