" ئێمە بە ئاگردا تێپەرین، لەم تاقیکردنەوەیە سەرکەوتووبووین. ئەمە شتێکە بە راستی پێویستە ھەموومان پێکەوە لە کوردستان شانازی پێوە بکەین...بەرەو کوتایی قەیرانەکان دەرووین و بوو چوونە ناو قوناغێکی نوێ ھەنگاو دەنێین. قوناغێک کە گەشەسەندنی دوای جەنگە". ھند ژ پەیڤێن رێزدار نێچیرڤان بارزانی سەروکێ حکومەتا ھەرێما کوردستانێ بوون د کونفرانسەکێ روژنامەڤانی دا ل سالا ٢٠١٨ێ. گوتنا ڤان پەیڤان ژ لایێ سەروکوەزیران ل دەمەکێدا ھات کو پشتی کوردستان د کاودانێن دژوار و پری ئالوزی و بارگرانیەک وەسا دەربازبوو کو کەسێن ھەرە گەشبین ژی چاڤەرێ وێ چەندێ نەبوون ل دەمەکێ وەیێ کورت دا حکومەتا ھەرێمێ د گرانترین ئەزموونا مێژوویا حکومرانیا خودا سەرکەفتنێ بدەستڤە بینیت.
سالا ٢٠١٨ێ ب سالا شانازی و سەربلندیێبو حکومەتا ھەرێما کوردستانێدھێتە نیاسین، ژبەرکو ھند گھورینێن مەزن ل کوردستانێ چێبوون ژ روویێ سیاسی و ئابوری و ئێمناھی و دبلوماسی ڤەھەروەساوێ سالێ خوراگری و سەکەفتنا مللەتێ کورد نیشا ھەمی جیھانێ دا کو ئەڤـ چەندەژی ب ھەروە نەبوو، ئانکو کارکرن و خونەچەماندنا حکومەت و مللەتێ کورد بوو کو پشتی چەند کاودانێن دژوار ژ خیانەتا نەتەوەیی و گرتنا سنورێن ھەرێمێ و گڤاشتنێن سیاسی و ئابوری و ھێرشا لەشکەری بو سەر کوردستانێ دا ھاتیلێ ب خوشحالیڤەکارتێکرن ل سەر خوراگری و بێھن فرەھیا حکومەت و مللەتێ کورد نەکرن. ھزرکرن د پەیڤێن سەروکوەزیران دا خویا دبیت کو زێدەتر ژ ھەر کەسەکێ ل کوردستانێ بارگرانی ل سەر خودێ نێچیرڤان بارزانی ھەبوویە ژبەرکو دەستھەلاتدارێ ئێکێ بوو ل ھەرێما کوردستانێ و پشتی ھند ژ حزبێن کوردستانێ خو لبەر قەیرانا نەگرتی و حکومەت و سەروکوەزیر د نیڤا رێدا ھێلان ئیدی ئەرکێ پاراستنا قەوارێ ھەرێما کوردستانێ و چارەکرنا ئاریشێن حکومەت و ھەرێمێ ب گشتی بوونە دووجارکی ل سەر ملێن وی. ب سەربلندی ڤە خوە ل ھەمی ئاریشان کرە خودان و ب گەشبینی ڤە روژ بو روژێ مزگینیێن چارەکرنا ئاریشان ب خەلکێ خوە رادگەھاند و ھند کارێن مەزن ئەنجامدان کو ھەردەم جھێ شانازیێ بن بو تەڤایا مللەتێ کورد.
گەر ل سەر چەند خالێن گرنگ ب راوەستین د وێ سالا زێریندا، خویا دبیت کو حکومەتا ھەرێمێ ب سەروکاتیا نێچیرڤان بارزانی ژ ھەمی روویان ڤە پێشکەفتنەک ھەریباش بخوڤە دیتیە و گھورینەک مەزن دروست کریە، ژ وانا بەردەوامی دان ب کاروانێ ئابوری و ئاڤەدانیێ پشتی تێکشکاندنا تیرورێ ژلایێ پێشمەرگێ قەھرەمان، و پاراستنا ھەرێما کوردستانێ ژ تیروژکێن شەرێ براکوژیێ ب تایبەتی پشتی بویەرێن ١٦ێ ئوکتوبەرێ و خیانەتا نەتەوەیی ھەروەسا رێگریکرن ل کارتێکرنا بارێ ئێمناھیێ یێ خراب ل دەورووبەران بو سەر ھەرێما کوردستانێ. ئێک ژ خالێن دی یێن ھەرە گرنگ کو جھێ شانازیێ بوو د ماوێ بووری دا، پاراستنا ئارامی و مال و مولکێن خەلکی ژ لایێ ھێزێن ئێمناھیێ ڤە کو بشەڤـ و روژ چەوا پێشمەرگەھێ قەھرەمان سنور د پاراستن وەسا ژی باژارێن کوردستانێ د ئارامیێ دا بوون.سەرباری ھەبوونا ھند کێماسیان لێ پشتی حکومەتا ھەرێما کوردستانێ تووشی قەیرانەکا داراییا چوار سالی یا دەستکرد بووی شیا د دەمەکێ کورت دا و ب داھاتەکێ کێم کو داھاتێ پترولا ھەرێمێ و داھاتێ نافخو پاشکەفتێ موچەی ب رێژەکا باش کێم بکەت و پلان دانان کو د سالا نوو دا ئەو پاشکەفت ژی نەمینیت. راگەھاندنا پروژێ چاکسازیێ ژی گاڤەکا باش بوو ژلایێ حکومەتا ھەرێمێ کو دێ داھاتەکێ باش بو حکومەتێ زڤرینیت.
ژلایێ دبلوماسی ژی حکومەتا ھەرێمێ ب سەروکاتیا نێچیرڤان بارزانی گاڤێن باش بخوڤە دیتن ئەوژی ب رێیا دووبارە دەست پێکرنا پەیوەندیێن نێڤدەولەتی دگەل وەلاتێن جیھانی کو پشتی بویەرێن سالا ٢٠١٧ێ ژ لایێ حکومەتا عێراقێ ھاتبوونە قوتکرن، ھەروەسامکومکرنا پەیوەندیێن سیاسی و ئابوری دگەل جیھانا دەرڤە کو کارتێکرنەک ئەرێنی ل سەر رەوشا ھەرێما کوردستانێ ھەبوو نەخاسمە ل دەمێ سەرەدانێن دەستھەلاتدار و وەزیر و نوێنەرێن وەلاتێن زلھێزێن جیھانێ و سەرسام بوونا وان ب وێ پێشکەفتنا ھەرێما کوردستانێ بخوڤە دیتی. ڤێ چەندێ ژی روویەکێ دی یێ پێشکەفتنا ھەرێما کوردستانێ نیشا جیھانا دەرڤە دا.
پاراستنا سەقایێ پێکڤەژیانا ئول و نەتەوان ل ھەرێمێ ئێک ژ خالێن دی یێن ھەرە گرنگ بوو کو ببیتە جھێ شانازیا ھەر تاکەکێ ئەڤە ژبلی بارگرانیا دارایی ب سەدەمێ ھەبوونا نێزیکی دوو ملیون ئاوارەیان ل پارێزگەە و باژارێن ھەرێما کوردستانێ. ھەر چەند ھند جاران ھندەک لایەنان ب ھەر رێکەک بیت پێکولا ژناڤبرنا وێ پێکڤە ژیانێ دکرن لێ ھەردەم ژ لایێ حکومەتا ھەرێمێ رێگری ل وێ چەندێ دھاتە گرتن و سیمایێ جوانێ پێکڤە ژیانێ ل ھەرێما کوردستانێ دەنگڤەدانەک ئەرێنی ل جیھانا نافخو و دەرڤەژی دروست کربوو.
پشتی ڤان بویەران و ڤەگەریانا کوردستانێ بو سەر کاروانێ پێشکەفتن و ئاڤەدانیێ بگرە باشتر ژی ل بەرێ ئیدی دەم ھات کو بریارەکا گرنگ بھێتە دان ئەوژی بەربژێرکرنا نێچیرڤان بارزانی بو سەروکاتیا ھەرێمێ و مەسرور بارزانی بو سەروکاتیا کابینا داھاتی یا حکومەتا ھەرێما کوردستانێ، کو ئەڤە ژی ئێک ل بریارێن گرنگ و دلخوشکەر بوون ل دوماھیکا سالا ٢٠١٨ێ دا ھاتیە دان و ئەڤـ بریارە د دەمەکێ دا ھات پشتی چەند سالێن خەبات و خوراگریا ھەردوو سەرکردان د وارێ ئاڤەدانی و دبلوماسی و ئێمناھیێ دا کو ئەگەر بوون قەوارێ ھەرێما کوردستانێ ژ نافچونێ بھێتە پاراستن. لەورا رێڤەبرنا دوو ژ مەزنترین دەستھەلاتێن ھەرێمێ ژلایێ وان ڤە دێ کوردستانێ بەرەف قوناغەک نو بەت و کوردستانەک بھێز و پری خزمەتگوزاری و ئاڤەدانی ھەبیت.