فەرمانگەھا پەیوەندیێن دەرڤە یا حکومەتا ھەرێما کوردستانێ ل ئیلوونا سالا ٢٠٠٦ ل ژێر رۆشناییا بریارا ژمارە ١٤٣ یا سەرۆکاتیا جڤاتا وەزیر ێن ھەرێما کوردستانێ ھاتیە دامەزراندن، ئەرکێ سەرەکیێ ڤێ فەرمانگەھێ دامەزراندن و ب ھێزکرنا پەیوەندیێن ھەرێما کوردستانێ یە ل جڤاکا نێڤ دەولەتی، بێ گومان ئەگەر تەماشە بکەین ئەڤ فەرمانگەھە د ئەرکێ خوە یێ سەرەکی دا سەرکەفتی بوویە، چونکی ھەبوونا ڤێ ھژمارا زۆر یا کونسولخانە و نوونەراتی و نڤێسنگەھێن وەلاتێن بیانی ل ھەرێما کوردستانێ دیدەڤانیا سەرکەفتنا ڤێ فەرمانگەھێ ددەن، لەورا نھا ئەڤ فەرمانگەھە بوویە بەشەکێ سەرەکی ژ پێکھاتنا حکومەتا ھەرێما کوردستانێ و بەرپرسیاریەکا مەزن ل سەر ملێ وێ یە، ژ دامەزراندنا وێ و تا نھا حکومەتا ھەرێما کوردستانێ شیایە چەندین نوونەراتی و کونسولخانەیان ل ھەرێما کوردستانێ کۆمڤە بکەت و گەلەک جاران د کاودانێن نەخوەش و نالەبار دا بووینە ھاریکارێ حکومەت و خەلکێ کوردستانێ.

نوونەراتی و کونسولخانێن بیانی ل ھەرێما کوردستانێ

کونسولخانا گشتی یا کۆمارا ئەڵمانیای فیدڕاڵ
کونسولخانا گشتی یا ویلایەتە یەکگرتووەکانی ئەمریکا
کونسولخانا گشتی یا شانیشینی ھاشیمی ئەردەن
کونسولخانا گشتی یا کۆمارا ئیسلامی ئێران
کونسولخانا گشتی یا میرنشینی عەرەبی یەکگرتوو (ئیمارات)
کونسولخانا گشتی یا شانیشینیا یەکگرتوویا بەریتانیا
کونسولخانا گشتی یا کۆمارا تورکیا
کونسولخانا گشتی یا کۆمارا چیک
کونسولخانا گشتی یا کۆمارا چینی میللی
کونسولخانا گشتی یا کۆمارا ڕوسیای فیدڕاڵ
کونسولخانا گشتی یا شانیشینی سعودی عەرەبی
کونسولخانا گشتی یا کۆمارا سودان
کونسولخانا گشتی یا کۆمارا فەڕەنسا
کونسولخانا گشتی یا فەلەستین.
کونسولخانا گشتی یا ووڵاتی کوێت
کونسولخانا گشتی یا کۆمارا ھەنگاریا
کونسولخانا گشتی یا شانیشینی ھۆلندا
کونسولخانا گشتی یا ھیند
کونسولخانا گشتی یا کۆمارا یۆنان

کونسولخانا کۆمارا ئیتاڵیا
ئاژانسا کونسولخانا کۆمارا پۆڵەندا
کونسولخانا کۆریا
کونسولخانا کۆمارا میسری عەرەبی

نڤێسینگەھا کونسولخانا کۆمارا ڕۆمانیا
نڤێسینگەھا کونسولخانا ژاپۆن
نڤێسینگەھا کونسولخانا شانیشینی سوید
نڤێسینگەھا باڵیۆزخانەی کەنەدا

پشکا کاروباری ئابووری و بازرگانی باڵێۆزخانا بوڵگاریا
نڤێسینگەھا بازرگانی کۆمارا نەمسا

نڤێسینگەھا نێردەی یەکێتی ئەوروپا
نڤێسینگەھا نوێنەرایەتی یۆنامی
ئاژانسا ھاریکاری یا نێودەوڵەتی ژاپۆن/ جایکا
ئاژانسا ھاریکاری یا نێودەوڵەتی کۆریا/ کۆیکا

کونسولخانا فەخری شانیشینی ئیسپانیا
کونسولخانا فەخری یا بیلا روسیا
کونسولخانا فەخری شانیشینی دانیمارک
کونسولخانا فەخری یا کۆمارا سۆشیالیستی یا دیموکراتا سریلانکا
کونسولخانا فەخری یا کۆمارا سلۆڤاکیا

ئەڤ نوونەراتی و کونسولخانێن ئەم ل سەری دبینین خالەکا دی یا ب ھێزکرنا ھەرێما کوردستانێنە و بووینە ئەگەرێ پاراستنا قەوارەیێ ھەرێمێ ژ گەلەک گەفان، د ناڤا وان دا پتری ژ ٢٧ کونسولخانە ھەنە و یێن دی نڤێسنگەھێن بالیۆزخانەیانن و نوونەراتی و ئاژانسێن ھاریکارێێن مرۆڤێنە، بۆ ڤێ یەکێ ژی شیاینە ب رێکا رێکخراوێن وەلاتێن خوە بەشەکێ مەزن یێ بارێ گرانێ سەرملێ ھەرێما کوردستانێ سڤک بکەن، ئەو ژی ب ھەبوونا ھاریکاریێن وان د ناڤا کەمپێن ئاوارەیان دا، کو ھەرێما کوردستانێ پتر ژ ٢ ملیۆن ئاوارە و پەنابەر د ھەمبێزا خوە گرتیە، ئەڤە ژی ل دەرڤەی شیانا حکومەتا ھەرێمێ و ب ھەماھەنگیا ڤان نوونەراتی و کونسولخانەیان نەبا، ھاتنا وێ پێلا ئاوارە و پەنابەران دا رەوشەکا مرۆڤی یا نە لبار ل ھەرێما کوردستانێ کەت. کەواتە ئەڤە ھەموو ژی ل سەردەمێ دەستھەلاتداریا نێچیرڤان بارزانی سەرۆکێ حکومەتا ھەرێما کوردستانێ دروست بووینە و رۆژ بۆ رۆژێ پتر وەلاتێن بیانی گرنگیێ ب ھەرێما کوردستانێ ددەن و ھەول ددەن ببن خوەدان پەیوەنیدێن ب ھێز ل گەل ھەرێمێ و وەبەرھێنانێ ل ڤی وەلاتی بکەن