شورەشگێرێ مەزنێ ڤان روژان

شورەشگێرێ مەزنێ ڤان روژان
ئێک ژ کێشەیێن ھەرە ئاشکرایێن شورەشا ئەیلولێ کەرکوک بوو، کو ب درێژاھیا چواردە سالێن شورەش و خوین رێتنێ کەرکوک ببو جھێ گەنگەشە و کێشەیا ئالوز... لێ ھیچ دەمەکێ بارزانی و شورەش و پارتی ب ھندێ رازی نەبوویە دەست ژ کەرکوکێ بکێشن و ژ کوردستانێ دابرن.
رێبەرێ ھەردەمێ بزاڤا رزگاریخوازا کوردی بارزانیێ نەمر گوتیە: ((کەرکوک دلێ کوردستانێ یە)) و ئەڤە خالەکا سەرەکی بو ب نەگەھشتنا ئەنجامێن دانوستاندنان.
ل سالا ٢٠١٤ ێ ھەتا خیانەتا ئوکتوبەرێ ب پشتەڤانیا نێچیرڤان بارزانی، سەروک وەزیرانی ھەرێمی کوردستان، شورەشگێرێ مەزنێ وان روژانێن سەخت و دوژوار بو، کو ھەیڤانە ١٠ ملیون دولار ژلایێ حکومەتا ھەرێما کوردستانێ بو کەرکوک ھاتە رەوانە کرن و ب سەدان کەس ب وی پارەی ھاتنە دامەزراندن و خواندنا کوردی ب ھێز بوو و ب سەدان پروژە ھاتنە ڤەکرن و رەوشا کەرکوکی روژ ب روژ باشتر لێ دھات، ئەڤە ئەو دەم بو کو حکومەتا عیراقێ بودجەی ھەرێما کوردستانێ ب تەواوی نەدھنارت و ھەروەسا خوشک و برایێن مەیێن روژئاڤا کو ل ترسا شەر و کوشتار و ھەرەشەیێن جوراوجور، وەلاتێ خو بجە ھێلا بون و ھاتنە ھەرێما کوردستانێ، و شەر دژی گروپێ تیروریستانی داعش مە ھەبوو، و ل سەرەرای وان کێشانە ھەمیێ، شیا ب تەواوی وان قەیرانان دەرباز بکەت و چاڤدێریا رەوشا کەرکوکێ ژی بکەت. وەکو ئەم دزانین ل سالا ١٩٢٧ ێ ھەتا نھا حکومەتا عیراقێ چو جاران پشکەک ژ داھاتێ پەترولێ نەدایە کەرکوکێ و ژ خیانەتا ١٦ ێ ئوکتوبەرێ ھەتا نھا ئالوزیەکا ئێگجار زور لێ کەرکوکێ دروست بویە و ئەو پروژەیێن کو ھاتینە ڤەکرن، ھاتینە راوەستاندن و حکومەتا عیراقێ ئەو پارەی نادەتە کەرکوکی کو پروژەیێن وان دووماھی بھێن.
ل گوڤارا (کویک) یا ئەلمانی د ژمارا (٢٠) دا ل سالا ١٩٧٤ ێ گوتارەک بەلاڤ کریە و دبێژیت: (کورد کەرکوکێ ب پارچەیەکێ ژ کوردستانێ ددانن و دڤێن کوردستانا عیراقێ (قەوارەیەکێ تایبەتی) یێ خو د چارچووڤێ دەولەتا عیراقێ دا ھەبیت).
ھەروەسا تێدا ئاماژە ب چاڤپێکەفتنا (د.گوێنتەر دێشنەر)ێ ئەلمانی دگەل بارزانیێ نەمر دکەت کو چەند پرسیارەکا ژ بارزانیێ نەمر دکەت و دبێژیت: (دەربارەی نەفتا کەرکوکێ تۆ چ دبێژی؟ ئەرێ ھوین داخوازا بەھرا خۆ ژ وێ نەفتێ دا ناکەن؟
بارزانی بەرسڤا وی ددەت: ((کەرکوک کوردستانە زۆر جارێن دی ژی مە ئەڤە راگەھاندیە و مە گوتیە حکومەتا عیراقێ ژی، کو داھاتیێ نەفتا کەرکوکێ بۆ حکومەتێ بیت، بەلێ کوردان ژی ماف د ھەمی داھاتیێ عیراقێ دا ھەبیت).
پرسیارەکا دی ژی ل بارزانی ھاتە کرن: ئەرێ بو چوونا تە وەسایە دناڤبەرا داخوازیێن ھەوە و ھەلویستێ حکومەتێدا ھیچ رێکەک ھەیە بو پێکھاتنی؟
بارزانی د بەرسڤ دا دبژیت: (مە ئاخا کەسێ داگیر نەکریە، مە ژ مافێ خو زێدەتر داخواز نەکریە تا سەنگ و سڤکیێ تێدا بکەین و ژ داخوازێن خۆ بێینە خوار، حکومەتا عیراقێ ئاخا کوردی داگیر کریە و پێدڤی یە ئەو دەست ژ وێ زولم و دەستدرێژییا خۆ بەردەت).

_
Top