هەر کەسێک پێیوابێ یەکێتی داوای پەنجا بە پەنجا دەکات دەکەوێتە هەڵەیەکی گەورەوە، ئەگەر بە تەواوی وردی بکەینەوە یەکێتی بە پەنجا بە پەنجا رازی نییە و لە راستیدا بە ٢١ کورسی داوای حەفتا و پێج دەکاو بیست و پێنجیشی بۆ ٤٥ کورسیەکەی پارتی داناوە، دڵنیام تا ئێستاش پارتی هەستی بەو فێڵەی یەکێتی نەکردووە و خوێنەریش بە سەر سووڕمانەوە دەپرسێ چۆن؟ جا یۆ ئەوەی پارتی و خوێنەریش تێبگەن فەموون ئێوە و سەلماندنی ئەو بیردۆزە سیاسیەی یەکێتی ببینن.
یەکێتی لە ١٦ی ئۆکتۆبەر بە ناوبژیوانی قاسم سولەیمانی نیوەی خاکی کوردستانی بە حەشدی شەعبی فرۆشت و ئێستا نیوەی ماوە، ئەگەر بە سیستەمی پەنجا بە پەنجای زەمانی زووش بێ یەکێتی بەشی خۆی فرۆشتووە و هیچ هەق و حیسابێکی لەو نیوەی تر نەماوە، کەچی نازانم بڵێم فێڵبازە، یان بڵێم چاو و رووی قایمن و لەو نیوە خاکەی تریش کە ماوە داوای نیوەی دەسەڵاتەکان دەکات.
وەک پێشتر ئاماژەم بۆ کرد لە ١٦ی ئۆکتۆبەر پەنجای خۆی وەرگرتووە، لەو پەنجایەش کە ماوە دەیەوێ بیست و پێنجی تر وەربگرێ، کەواتە بەشی خۆی دەکاتە حەفتا و پێنج و بەشی پارتی دەکاتە بیست و پێنج.