کۆبوونەوەی ئەنجوومەنی سەرکردایەتیی پارتی دیموکراتی کوردستان بەسەرپەرشتی سەرۆک بارزانی لە رۆژی ٣/١٢/٢٠١٨، ھەریەکە لە نێچیرڤان بارزانی بۆ سەرۆکی ھەرێم، مەسروور بارزانی بۆ سەرۆکی ئەنجوومەنی وەزیران کاندید کران، چاودێرانیش پێیان واییە، پارتی ھەنگاوەکانی بەرەو کوردسانێکی بەھێز دەست پێکرد.سیاسەتەکانی پارتی دیموکراتی کوردستان بۆ ئاوەدانی و ئارامی لە ڕێی نێچیرڤان بارزانی و مەسروور بارزانی بە پاڵپشتیی سەرۆک بارزانی، کوردستانی گەیاندووەتە ئاستێک، کە ھیچ پارێزگایەکی عێراق پێی ناگات، چ لە رووی ئاوەدانی چ لە رووی ئارامییەوە.بە دڵنییاییەوە کاندید کردنی ھەر دوو بەرێزان نێێیرڤان بارزانی ومەسروور بارزانی ھەر لە خۆوە نەبووە ،بەڵکو بە پێی ئەزموون ولێھاتووویی لە رووی دەوڵەتداری و سیاسی و دیپلۆماسی رابردوویان ھۆکارن بۆ ئەو دوو پۆستە ھەستیارە و پێکھێنانی کابینەی نوێ، چاوی لەسەرە لە ناوخۆی کوردستان و لە دەرەوە، بێگومان خەڵکی کوردستان چاوەڕوانییەکەیان لەم کابینەیە بە پلەی یەکەم لە پارتی دیموکراتی کوردستانە، بەو پێیەی پارتی زۆرترین کورسیی پەرلەمانی ھەیە و خاوەنی درووشمی کوردستانێکی بەھێز بووە لە ھەڵمەتی ھەڵبژاردندا، لە ڕاستیدا دەتوانین بڵێین پارتی تاکە ھێزە کە ڕاشکاوانە لەگەڵ خەڵکی کوردستان و ھەموو لایەک دواوە، ددانی ناوە بە قەیران و گرفتەکاندا و لە سەختترین ساتەکاندا ئومێدبڕاو نەبووە، ھەر بۆیە دوای ھەڵبژاردنیش ڕووی ئومێدەکان بە پلەی یەکەم لە پارتییە بۆ گەیاندنی کوردستان بە پلەی بەھێزی، ئێستا بە دیاریکردنی کاندیدانی پۆستی سەرۆکوەزیران و سەرۆکی ھەرێمی کوردستان، پارتی ھەنگاوی یەکەمی بەرەو کوردستانی بەھێز ناوە، ئەمانە پێمان دەڵێن بۆ گەییشتن بە کوردستانێکی بەھێز، پارتی لە ڕووی دیپلۆماسی و نێودەوڵەتییەوە حسابی خۆی کردووە، بۆیە ھەریەکە لە نێچیرڤان بارزانی و مەسروو بارزانی کاندید کردوون بۆ سەرۆکی ھەرێم و سەرۆکی حکوومەت
لەگەڵ بوونی بەربەست و کۆسپەکانی بەردەمی پارتی دیموکراتی کوردستان ساڵانێکە دەستی بە ئاوەدانی و دابینکردنی خۆشگوزەرانی کردووە، ئەویش لە رێی نێچیرڤان بارزانی وەک سەرۆکوەزیران و بە پاڵپشتیی سەرۆک بارزانی، توانی لە سەرجەم سێکتەرەکاندا خزمەت بە ھاووڵاتیانی ھەرێم بگەیێنێت، ئەویش لە رێگەی سیاسەتی ھەناردەکردنی نەوتی کوردستان.ھەڵکەوتەی ھەرێمی کوردستان لە رووی جوگرافییەوە، گرینگیی خۆی ھەیە، دەکەوێتە نێوان رۆژھەڵاتی ناوەڕاست و ئەورووپا، لە رووی سامانی ژێرزەوییشەوە، وەک نەوت و غازی سرووشتی، زۆر دەوڵەمەندە، ئەوەش وا دەکات ھەرێمی کوردستان بتوانێت ببێتە ھاوبەشێکی باش لە دابینکردنی وزە بۆ جیھان، ساڵی ٢٠١٣ پارتی دیموکراتی کوردستان سیاسەتی دانانی بۆری گواستنەوەی نەوتی ھەرێمی بۆ تورکیا دەست پێکرد، بۆڕییەکە لە خورمەڵەوە درێژ دەبێتەوە تا فیشخابوور، ئێستایش رۆژانە لە رێی ئەو بۆڕییەوە ھەرێمی کوردستان نەوت ھەناردەی دەرەوە دەکات، ھاوکات لە ھەوڵی زیاترکردنی بەرھەمھێنانی غازی سرووشتیشدایە.پارتی، ئەو حزبەیە کار بۆ سیستمێکی ئابووریی پتەو دەکات تا لە رێیەوە خزمەت بە ھاووڵاتییانی ھەرێمی کوردستان بکات، ھەبوونی ئابوورییەکی بەھێز، واتە بنیاتنانی وڵاتێکی بەھێز و ئارام، نێچیرڤان بارزانی کە جێگری سەرۆکی پارتییە و لە ھەمان کاتیشدا سەرۆکوەزیرانی ھەرێمە، پیادەکار و جێبەجێکاری سیاسەتەکانی ئەو حیزبەیە بۆ بنیاتنانی ئابوورییەکی بەھێز، پارتی لە رێی ئەو و بە پاڵپشتیی سەرۆک بارزانی، ھەرێمی کوردستانی خستە سەر نەخشەی وزەی جیھانی. ئەو پێگە بەھێزە دیپلۆماسییەی نێچیرڤان بارزانی ھەیەتی، ،وەک سەرۆکایەتیی ھەرێم کە ڕووی دیپلۆماسی و نوێنەرایەتیکردنی کوردستانە، دەبێتە دەرگای بەھێزکردنی پێگەی کوردستان لەسەر ئاستی ناوچەیی و نێودەوڵەتیدا و کاراکتەری کاندیدی ئەم پۆستەیش کە نێچیرڤان بارزانییە، دەوڵەمەندە بە ئەزموونێکی زۆر لەو ڕووەوە، سەرەڕای سەنگ و کەسایەتیی بەھێزی خۆی.لە بانگەشەی ھەڵبژاردندا پارتی لە بەرنامە و کارنامەی خۆیدا، درووشمی کوردستانێکی بەھێزی ھەڵگرتبوو، لە ڕووی ئابووری و ئەمنی و دیپلۆماسی و لە ئێستایشدا کاتێک نێچیرڤان بارزانی بەربژێر دەکرێت بۆ سەرۆکی ھەرێم و مەسروور بارزانی بەربژێر دەکات بۆ سەرۆکایەتیی ئەنجوومەنی وەزیران، ئەم دووکەسایەتییە عینوانی کوردستانێکی بەھێزن، کوردستانییان چاویان لەوەیە لە چوار ساڵی ئاییندەدا پێگەی کوردستان لە ڕووی ئابووری و سیاسی و نێودەوڵەتییەوە بەھێزتر بکرێت، خزمەتگوزاریی پێویستیان پێشکەش بکرێت، گۆڕانکارییش لە ھەڕەمی دەسەڵاتدا، تایتڵی قۆناخی کوردستانێکی بەھێزە.پێویستە ھەر وەزارەتێک پلانی کورتخایەن و ناوەند و درێژخایەن ئامادە بکات و لە ئەنجوومەنی وەزیران بە زوویی گفتوگۆی لەسەر بکرێت و بکرێتە بەرنامەی کاری ساڵی ٢٠١٩، دوو داوایش لە پەرلەمان بکرێت، کە یەکەم کاریان تێپەڕاندنی یاسای چاکسازی بێت کە بە ھۆی ھەندێک ناکۆکیی حزبی لە خولی چوارەم دوا کەوت، ھەروەھا حکوومەت لەگەڵ دامەزراوە یاسایی و چاودێرییەکانی ھەرێم ھەماھەنگیی ھەبێت و داوایان لێ بکات چاودێریی کارەکانیان بکەن تاوەکو بتواندرێت ڕێگری لە گەندەڵی و ڕۆتینات بکرێت".
پارتی بە سەرۆکایەتی مەسروور بارزانی سەرۆکی حکومەتی کوردستان و نێچیرڤان بارزانی لە چوار ساڵی دابێتدا کاری لەسەر دەکات و دەبێتە ھۆی بنیاتنانی ئابوورییەکی بەھێز، ئەوەیە، کە کاردەکەن بۆ پێشخسـتنی سیسـتمی کەرتی بانک، حکوومی و ئەھلی، بەسـتنەوەی بــە بانکــە جیھانییــەکان و پێداچوونــەوەی یاســا و رێســاکانی وەبەرھێنــان و زەمینەسـازیی بـۆ کۆمپانیـا پشـکدارەکان، کە دەرفـەت بـە سـەرمایەی بچـووک و سـوودمەندبوونی ھاووڵاتیـان دەدات.