د پێکئینانا کابینا نویا حکومەتا هەرێما کوردستانێ دا هەولێن بەرڤڕەهـ ژلایێ پارتی دیمکراتی کوردستان و ب سەر پەرشتیا بەرێز نێچیرڤان باڕزانی دهێنەکرن ژ بەر وێ سەربورا سەرکەتیانەیا هەی د کابینیێت بوریدا و قورتالکرنا هەرێمێ ژ باندورێت سیاسی و ئابوری یێت و دەربازکرنا وان پلان و ڤێکنەکرنێن جودا یێت لایەنێن سیاسی بەرامبەر کابینیت بوری یێت حکومەتا هەڕێمێ هەین . سەربورا دبلوماسیا بەرێز نێچیرڤان بارزانی شیا پلانێن ژناڤبرنا هەرێما کوردستانێ ڕاکەت و هەڕێمێ دەربازی قوناغەکا دی بکەت کو ببیتە هەرێماکا ئابوری و گڕنگ ژ لایێ پەیوەندیێن نیڤ دەولەتی ڤە .

ل ڤێرە یا گرنگ من دڤێت ئاماژێ پێ بدەم کا ئایا پێک نەئینان حکومەتا عیراقێ ب تەمامی و هەلاویستنا هەشت وەزارەتان کو ڤێ خالێ خه‌لكێ عیراقێ دلگران و بێئومێد كریه‌ كو حه‌تا نوكه‌ چه‌ندین پۆستێن وه‌زارى ماینه‌ و ب وه‌كاله‌ت برێڤه‌دچن ژ وان ژى كو گرنگیا خوه‌ هه‌یه‌ پۆستێن وه‌زاره‌تێن ناڤخوه‌ و به‌رگریێ یه‌ كو ململانه‌كا ب هێز هه‌یه‌ د ناڤبه‌را لایه‌نێن سیاسی دا سه‌باره‌ت پۆستێن ڤان هه‌ردو وه‌زاره‌تان و ب تایبه‌تى د ناڤبه‌را شیعه‌ و شیعه‌یان دا و هه‌ر وه‌سا د ناڤبه‌را سوننه‌ وسوننه‌یان دا. یا دیار و پشتى هه‌ر هه‌لبژارتنه‌كێ دا ئه‌ڤ هه‌ردو پۆستێن وه‌زارى ناهێنه‌ ئێكلاكرن و دمیننه‌ هه‌لاویستى كو ماوه‌یه‌كى ڤه‌دمینن هه‌مى ڤه‌دگه‌رێت ژبۆ ناكۆكى و ململانێن د ناڤبه‌را پارت و لایه‌نێن سیاسی دا و دکابینا عبادی ژیدا دا دووماهیک هاتی کابینە ئەڤ پوستە ب وەکالەت دهاتنە ڕێڤەبرن

دیسان نەرازی بونا خەلکێ پارێزگه‌ها به‌سره‌ ل سەر کێمیا خزمەتگوزاریا و جموجول و لڤین و بزاڤێن داعش ل ده‌ڤه‌رێن سوننه‌نشین كو بووینه‌ هه‌ره‌شه‌ و مه‌ترسى ل سه‌ر ژیانا خه‌لكێ ڤان ده‌ڤه‌ران و ڤالاتیه‌ك ئه‌منى په‌یدابوویه‌ ل ڕوژانە چالاکێن وان بەفرەهتر لێدهێن و ب تایبه‌تى پشتى بۆیه‌رێن (16) ئوكتوبه‌رێ و داگیركرنا ڤان ده‌ڤه‌ران ژ لایێ حه‌شدا شەعبی و بن پێکرنا یاسایێت مروڤایەتی و سەرەدەریا خرابا حەشەدا شەعبی دگەل خەلکێ وان دەڤەرا پشتی ڤه‌كێشانا هێزێن پێشمه‌رگه‌ى ژ ڤان ده‌ڤه‌ران،

وه‌سا سه‌پاندنا چه‌ند سزایێن ئابوورى ل سه‌ر رژێما ئیرانێ ژلایێ ئەمریکاڤە و کەڤێن ترکیا ل سەر شەرڤانێن ڕوژئاڤایا فوراتێ دێ بویەرێن سیاسی پتر ئالوزکەت ڤالاهیا هەنێ یا حکومەتا ناڤەندیدا هەی و ترسا هەرفینا حکومەتێ دهێتە پێش بینی کرن.

لەورا ژی لایەنێن سیاسیێن هەرێما کوڕدستانێ بەرژەوەندیا هەرێمی ل سەر بەرژەوەندیێن حزبی دانن و حکومەتاکا ئیێک گرتی بهێتە پیێک ئینان و ب پشکداریا هەمی لایەنان چونکی مەترسیێن زێدەتڕ ژ لایێن دەڕەکی ڤە دهێنە پێش بینی کرن و هەولێن بەرێز نێچیرفان بارزانی ددیاڕن و کومبونێن بەڕدەوام دگەل سەرکەتیێن دی یێن حزبی دکەت کو دماوێ چەند روژایە بەردەوام ب هەولێن خو شیایە دگەل لایەنێن ئێکەتی و گوڕان کومببت و رێکەتنێ ل سەر چەندین خالان بکەت. ئەڤەژی نیشانێن زیتر پێک ئینانا حکومەتا هەرێمێ نە

ل دووماهیکێ زورا گەژبینم ب وێ بەربژێرکرنا راست و درستا پارتی دیارکری کو بەرێز نێچیرڤان بارزانی بو پوستێ سەرۆکێ هەرێما کوردستانێ و مەسرور بارزانی بۆ پۆستێ سەرۆک وەزیرێن هەرێمێ بەربژێر کرین چونکی ئەو ئەندازیارێ ئاڤەدانی و ئارامیێنە و دبلوماسیەتەکا ڕاست و درست هەنە خودانێ خو سەربورەکا سەرکەتی یە د چێکرنا پەیوەندیێن نیڤ دەولەتی دا لەورا دبینم ب هەول و شیانێت بارزانی دێ زیترین دەم کابینا نوی هێتە پێک ئینا و هیڤیا وێ چەندێ یا دهێتە چاڤەڕێکرن کو کوردستانەکا ب هێز و ئاڤەدان و ئارامی ب هێتە ئاڤاکرن