ئاژانسی ھەوالی سپوتنیک ی رووسیا سەبارەت کاندید کرنا نێچیرڤان بارزانی بو پوستێ سەروکایەتیا ھەرێمی کوردستانێ راپورتەکی بەلاڤ دکەت و دبژیت: نێچیرڤان بارزانی نھا کاندیدێ حزبا خو، پارتی دێموکراتی کوردستانە کو ژلایێ خەلکێ ھەرێما کوردستانێ دھێتە پشتەڤانی کرن، ل دەمێن سەخت و دژوار دا سەرکردایەتیا ھەرێمێ کر و ل شەری تێروریستانی داعش دا، شیا ب ھەموو ئەو گیروگرفتانەی دارایی و ئابوری زال ببیت کو حکومەتی فێدرالی بەغدا بۆ ھەرێما کوردستانێ دروست کر . ئەو ھێرشا کو ژلایێ حکومەتا عیراقا فێدرال ل سەر کەرکوکی کر و برینا بودجەیا ھەرێما کوردستانێ ژلایێ بەغدا و شەر دناڤبەرا عیراق و ھەرێما کوردستانێ، و سیاسەتا برسی کرنا خەلکێ ھەرێما کوردستانێ کو ژلایێ گرتنا سنوران ژلایێ دەولەتێن جیرانا دروست بو و حکومەتی بەغدا ب ھیچ شێوەیەک ئامادە نەبو شەری راوەستینیت، لێ نێچیرڤان بارزانی رێکا دیبلوماسیەت و دانوستاندن دگەل زوربەی سەرکردەیێن وەلاتان ھەلبژارد، دا کو بشێت فشارێ بێخیتە سەر بەغدا و شەرێ دناڤبەرا ھەرێم و بەغدا راوەستینیت و کێشەیێن دناڤبەرا وان ھەر دوو دا ب گفتوگوو چارەسەر بکەت، نەک کوشت و کوشتنا ھێزێن چەکدار و ھەردەم ل راگەھاندنان کرە گازی دڤێت ھەرێم و بەغدا ب دیالوگ قسە بکەن، نەک شەر ب توپ و تانک و کوشت و کوشتنا ھێزێن عەسکەری یێن ھەر دوو لایەنا.

ھەروەسا ئاژانسی ھەوالی سپوتنیک دبژیت: نێچیرڤان بارزانی ب ئەو کەسە ھاتیە ناساندن ب زمانی دیالوگ و دیبلوماسیەت چارەسەریا کێشەکان دکەت و خو بەرپرسیار دزانیت بو ھەر کەمتەر خەمیەک کو ل راستا خەلکێ ھەرێما کوردستانێ دروست بیت و ھەول ددەت ئەوان کێماسیا ب ھەر شێوەیەکێ بیت چارەسەر بکەت. و خو ل بەرپرسایەتیێ نادزیتەوە و ب زمانی دیالوگ و دیبلوماسیەت کێشەیێن ھەرێمێ چارەسەر دکەت.

دیبلوماسیەت، زانستێ چاڤدانا پەیوەندیێن نیڤ دەولەتیە ب رێکا دانوستاندنان و چارەسەریا ئاشتیانەیە، ھزرا دانوستاندنێ ھونەرە، زانستە، و پێشەیە کو نێچیرڤان بارزانی شیا ب باشی بکار بینیت و رێک ل شەری بگریت.

سیاسەتا نێچرڤان بارزانی، چ جیاوازی نەکریە دناڤبەرا ئایین و نەتەوە، و پێکڤە ژیان و پاراستنا خەلکێ کوردستانێ ل ھە ر ھەرەشەکێ، چ ھەرەشا برسیکرنا ھەرێما کوردستانێ یان پیلانێن دەولەتێن جیرانا یان احزابێن سیاسی ئەوێن دژی پارتی دێموکراتی کوردستانێ دراوەستێن بو خرابکرنا ناڤێ وی، یان گروپێن تێروریست کو چ دەلیڤەکێ دەست خو ناکەن، ھەردەم ئارمانجا وێ بویە.

ل سیاسەتێ دا گرنگە کەنگی و چاوا ھەڤرکیێ بکەی و کەنگی ھەڤکاریێ بکەی، ئەڤە سالوخەتەکە کو

رەنگڤەدانا ئەنجامێن کریارا گھورینا بەردەوامە د بنیاتێ سیستەمێ دەولەتێ دا، چ سیاسەتا ناڤخویی بیت یان چ سیاسەتا دەرەکی بیت، کو ھەردەم نێچیرڤان بارزانی گرنگیەکا زور ب سیاسەتا دەرەکی ددەت و ژلایێ زانا و ڤەکولەرێن سیاسی ژی چ جیاوازی نیە دناڤبەرا سیاسەتا دەرەکی و سیاسەتێن دیتر.



پەروین رەمەزان دوسکی