رێڤەبرنا بلندترین پوستێ ھەرێما کوردستانێ کو سەروکایەتیا ھەرێمێ یە، ژلایێ دیپلوماتکار و سیاسەتڤان ، نێچیرڤان بارزانی کو پێشتر پوستێ سەروکایەتیا جڤاتا وەزیران ل دەستی دا بو، و شیا ب باشترین شێوە و کارا رێڤە ببەت و ھەرێما کوردستانێ کو ھەرێمەکێ وێران کری بو بگەھینیتە ب بلندترین ئاستێ خزمەتگوزاری و خوشگوزەرانی و ژێ ھەمی لایەنان ڤە کوردستانێ ئاڤەدان بکەت،

سەرەدانێن نێچیرڤان بارزانی، لسەر ئاستێ پەیوەندیێن نیڤ دەولەتی و دانوستاندنێن وێ دگەل دەولەتێن زلھێز و دەولەتێن جیرانا بو باشتر کرنا رەوشا ھەرێما کوردستانێ، ھەروەسا ل رووی سیاسی و دیپلوماسی و ئابووری ڤە بھێز ئێخێست لسەر بنەمایێن دوستایەتی و رێزگرتن ل سەروەری یەکتر و دابینکرنا پاراستنا بەرژەوەندی ھاوبەش.

ل کارکرنا خودا یێ بەردەوامە بو سەرکەفتنا ئارمانج و بەرنامەیێن نەتەوەیی و نێشتیمانی و گەھێشتن بو چارەسەر کرنا کێشەیێن کورد ل ھەر چار پارچەیێن کوردستانێ لسەر بنەمای ئاشتیخوازانەی کورد. دێ بو مە سەلێمینیت دێ ل پوستێ خو یێ نوی دا کو بلندترین پوستێ ھەرێما کوردستانێ یە. دێ سەرکەفتی بیت. ھەروەسا ئەم دبینین کاراییا تەکیزا سەرمایەی و گرنگیدان ب ڤەکولینێن زانستی و تەکنولوژیا و فێرکرنا إلزامی، مەنھەجێن ئێکگرتی، زێدەبوونا زانکۆیان، بلندبوونا تەکنولوژیا یا گرێدای ب بەرھەمئینانێڤە و زێدەکرنا مەزاختنێ ل سەر ڤەکولین و پێشئێخستنێ ل کومپانی و رێکخراوێن جودا جودا دا، ھەردەم دێ بەرنامەیێن نێچیرڤان بارزانی دا بویە.

و شیا ل وان سالێن بوری، سیاسەتا برسی کرنا خەلکێ ھەرێما کوردستانێ کو ژلایێ دەولەتێن جیرانا و عیراقا فێدرال دروست بوی، بشێت وان قەیرانان دەرباز بکەت. سەرەرای ئەو ھەمی خەلکێ ئاوارە کو ل ناوچەیێن جودا جودا، پەنا ب ھەرێما کوردستانێ ئینابون و شەرێ داعش و نەھنارتنا بودجەی ھەرێمێ ژلایێ عیراقا فیدرال، کو ھەمی ئەو کێشانە بون، کو ھەرێما کوردستانێ رویبروو ببویێ.

حەقیقەتەکا ھەی ئەو ژی مستەحیلە دەولەتەک ھەبیت خو چەندا خودان شیان بیت و ئابورێ وێ چەندێ بھێز بیت بشێت پێدڤیێن خەلکێ خو ب رەنگەکێ تەمام تێر بکەت بیێ ھاریکاریا دەولەتێن دی تر. لێ نێچیرڤان بارزانی سەروکێ ھەرێما کوردستانێ، وان سالێن بوری شیا گەلەک کاران د بوارێ تجارەتا کوردستانێ بکەت کو ھاریکارە د دابینکرنا سلعە و خزمەتگوزاریان ژ جل و بەرگ و کەرەستێن خوارنێ و ھەروەسا تێگەھێ بازرگانیێ یێ گرێدایە ب تێگەھێن ھەڤکاریا ئابوری و تەکنیکی و روشەنبیری و زانستی و سیاسی ڤە، ژبەرکو پەیوەندیێن بازرگانی رولەکێ کارا ھەیە د دانانا پەیوەندیێن دبلوماسی دناڤبەرا دەولەتاندا، چونکی ھەر دەولەتەک بزاڤێ دکەت رێکەفتینێن بازرگانی دگەل دەولەتێن دیتر دروست بکەت ب رێکا ھاوردەکرن و ھناردەکرنا سلعەیێن پێدڤی.

ھەروەسا دەلیڤێ ددەتە ھەرێما کوردستانێ ژبو بکارئینانا مواردێن وێ ب رەنگەکێ کارێگەر بیت بو سەرمایە و تەکنولوجیا.