سێ گۆشەیا بەرمۆدا دکەڤیتە پشکا رۆژ ئاڤا ل ئۆقیانووسێ ئەتلەسیێ باکۆری ، سەرەدەریێن ڤێ چار گۆشێ جھێ حیبەتیێ نە چونکی فرۆکە و گەمیێن دھنداڤ و دناڤ سنوورێ وێ دا دەرباز دبن ب شێوەیەکێ ئەنتیکە دھێنە وونداکرن ..! ب کورتی ئەڤ سێ گۆشەیە سنوورێن خۆ و گیاندارێن دناڤ دا ل مایتێکرنێن دەرەکی و مەترسیان د پارێزیت .
ھەرێما کوردستانێ ژی سێ گۆشەیەکا مینا سێ گۆشەیا بەرمۆدا ھەیە و سنوورێن وێ و خەلکێ کوردستانێ ل مەترسی و مایتێکرنێن دەرەکی دپارێزیت ،
سێ گۆشەیا پارێزەرێن کوردستانێ برەنگەکێ (ھەڕەمی ) ھاتیە دانان و ھەردوو گۆشە گۆھداریا گۆشا مەنتر و بلندتر دکەن و فەرمانا لێ وەردگرن ، ئانکۆ دبن سیبەرا کۆپیتکێ دانە .
سێ گۆشەیا بەرمۆدا یا کوردستانی ل سەرۆک مەسعود بارزانی رێبەر و لێڤەگەرێ گەلێ کورد ، دارێژەرێ ستراتیژیەتا پاراستن و پێِشڤەبرن و ئازادریا کورد و کوردستانێ و دەولەتمەدار نێچیرڤان بارزانی سەرۆک وەزیرێن ھەرێما کوردستانێ و سەرۆکێ داھاتیێ ھەرێما کوردستانێ ، ئەندازیارێ ئاڤەدانیێ و چارەسەریا قەیرانێن سیاسی و ئابووری و دبلۆماسیەتەکا لسەر بنەمایێ پاراستنا بەرژەوەندێن خەلکێ کوردستانێ و ژناڤبرنا پیلانێن نافخۆیی و دەرەکی یێن دژی ھەرێما کوردستانێ و برا گەورە مەسروور بارزانی ، فاکتەرێ بەرقرا بوونا ئێمناھیا کوردستانێ ، کۆ ب پلان و ئەندازیاریا وی ھەرێما کوردستانێ دناڤ ڤولکانەکا ئاگرین دا بوویە ئێک ژ پێنج دەڤەرێن ھەرە تەنا لسەر ئاستێ جیھانێ .
بڤێ سێ گۆشەیا ھەرەمی یا کوردستانی ، گەلێ کورد فێری پەروەردەیا نەتەوایەتی و خەباتکرنێ ژ پێخەمەت ئازادی و رزگاریێ بوویە ، چونکی ئەڤ سێ گۆشەیەژی دکەڤیتە بن سیبەرا رێبازا کوردایەتیێ و ئازادی و رزگاریێ کۆ رێبازا پیرۆزا بارزانی نەمرە .
بلا دوور نەچین و سەربۆر و سەرھاتیێن دیرۆکی ڤەنەگێرین ، چونکی زۆر ھاتیە دووبارەکرن و ھەمی خەلکێ ڕات گۆ و نشتیمان پەروەر دزانیت و تێدگەھیت . ل دەسپێکا دارشتنا پیلانێن حکومەتا عیراقێ ژبۆ ناڤبرنا قەوارێ ھەرێما کوردستانێ ، بەری پێنج سالا ب پێک ئینانا ھێزا دیجلە و ھەولێن ھێرشکرنە سەر ھەرێما کوردستانێ دەستپێکر و پاشان بڕینا بۆدجە و مۆچێ ھەرێمێ و شایستەیێن پێشمەرگەھێن ھەرێما کوردستانێ ، لدیفرا ھێرشێن مەزنترین گرۆپێ تیرۆرستیێ جیھانی ب چەکێ حکومەتا عیراقێ رادەستێ وان کری بۆ سەر ھەرێما کوردستانێ .
بڤێ چەندێ ژی مەرەما وان بجە نەھات ، چونکی سیاسەتا دەولەتمەدان نێچیرڤان بارزانی سەرۆکێ حکومەتا ھەرێما کوردستانێ ب سیاسەتەکا سەرکەفتی یا ئابووری ، ڕەوشا ئابووری و دارایی یا ھەرێما کوردستانێ ڕاگرت ، ئەڤەژی ژ ئەنجامێ بریار و بەرنامێ جەنابێ وی بوو ، یێ سەرخۆبوونا نەفت و گازا کوردستانێ ، چونکی ب داھاتێ وێ نەفتێ پێتڤیێن پێشمەرگەھێن کوردستانێ دابین کرن و ب نەچاری لسەر بنەمایێ پاشکەفتنێ بەردەوامی دا مۆچێ فەرمانبەران و خەلکێ کوردستانێ ژی د رەوشێ گەھشت .
پێشمەرگەھێن کوردستانێ ژی ب فەرمان و رێنمایی و پشکداریا راستەوخۆ یا جەنابێ سەرۆک مەسعود بارزانی بەرامبەر تیرۆرستێن داعش نە تنێ خۆ راگرت ، بەلکی مەزنترین سەرکەفتن بدەستڤە ئینا . بڤان سەرکەفتنا پێشمەرگەھێن کوردستانێ بوونە پەھلەوانێن جیھانێ لڤی سەردەمی ، ئەڤژی ب پلان و بەرنامێ سەرۆک بارزانی بوو .
جھێ حکومەتا عیراقێ دەستخۆشی و پیرۆزباھیان ئاراستەی سەرۆک بارزانی و خەلکێ کوردستانێ بکەت لسەر ڤان سەرکەفتنا ، ب پشتەڤانیا خیانەتکارێن ئێکەتیا نشتیمانی کوردستانی ل ١٦ ئکتۆبەرا سالا ٢٠١٧ پیلانێن مەزنتر بۆ داگیرکرنا کوردستانێ و ناڤبرنا قەوارێ ھەرێمێ دارستن و پراکتیزە کرن ، ھەمی ھێزا خۆ یا چەکداری و سیاسی بکار ئینا و کەرکووک و دەڤەرێن کوردستانی داگیر کرن ، لێ پێشمەرگەھێن کوردستانێ ب سەرپەرشتیا سەرۆک بارزانی ، ئەو ھەول ژی ژناڤ برن و تووشی مەزنتر شکەستن کرن .
ژ ئالیێ خۆڤە د وان کاودانا دا دەولەتمەدا نێچیرڤان بارزانی ، گەماروویێن وان یێن ئابووری و سیاسی و ئاسمانی شکاندن و پشتەڤانیا نیڤ دەولەتی بۆ ھەرێما کوردستانێ دووپات کرەڤە .
لسەر ئاستێ ئێمناھی ژی داگیرکار و خیانەتکاران ھەمی ھەول بکارئینان بۆ بۆ تێکدانا ئاسایش و ئێمناھیا کوردستانێ ، لێ برا گەورە مەسروور بارزانی ئەندازیارێ پاراستنا ئاسایشا کوردستانێ ب سیاسەتەکا کڕ و ستراتیژیەکا ھەرە سەرکەفتی ، ھەمی پیلانێن تیرۆرست و داگیرکارا ھەلوەشاندن و بەختەوەریا جڤاکێ کوردستانێ راگرت .
ئەگەر وێ پشکا ئوقیانووسێ ئەتلەسی بۆ پاراستنا خۆ سێ گۆشەیا بەرمۆدا ھەربیت ، ھەرێما کوردستانێ سێ گۆشەەیکا بھێزتر و مەزنتر ھەیە بۆ پاراستنا کورد و کوردستانێ ، ئەوژی سەرۆک مەسعود بارزانی و دەولەتمەدا نێچیرڤان بارزانی و برا گەورە مەسروور بارزانی نە .