پشتی رویدانێن (٦۱) ێ ئۆکتۆبەرێ ،هەرێما کوردستانێ د ململانێیەکا سەختا ئابوری دا بوو ، نەحەزێن هەرێما کوردستانێ ژ لایێ ئابوری و سیاسیڤە چاڤەڕێییا هەڕفینا حکومەتا هەرێما کوردستانێ بوون . دەنگێ دەهۆلا خاک فرۆشێن کورد گوهێ هەرتاکەکێ وەلات پەروەر کەڕ دکر ، هندەک سیاسیێن بێ حورمەت داخوازا دامەزراندنا حکومەتەکا رزگاریا نشتیمانی دکر. و هندەکێن دی د راگەهندنێن خوەدا بزاڤ دکر خەلکی لدژی حکومەتا هەرێمێ هانبدەن و خۆپێشاندانان دەست پێ بکەن .

ئەڤە لدەمەکی کو رویدانێن (٦۱)ی ئۆکتۆبەرێ و خیانەتا چەند کەسەکێن دیار و کالفام دناڤ رێزێن حزبا ئێکەتیا نیشتیمانی ژێر ب ژێر دگەل حەشدا شیعی رێککەفتن و ژ ئەگەرێ ڤێ رێککەفتنێ ( ۰٥٪ ) ێ ژ سنورێ کو بخوینا شەهیدان هاتبوو ئازادکرن مینا کەرکوک و خورماتوو و چەندین جهێن دی کەفتنە ژێر دەسهەلاتا هێزێن عیراقی .

و رۆژ ب رۆژ حکومەتا بەغدا سزایێن زێدەترێن سەربازی و ئابوری بسەر هەرێما کوردستانێدا دسەپاندن .

ئارمانجا حکومەتا عراقێ و هندەک ئالیێن سیاسیێن کوردستانێ ئەوبوو کو قەوارەیا سەربەخۆیا هەرێما کوردستانێ توشی شکەستنێ بکەن و خەلکێ کوردستانێ توشی مالوێرانی و ئاوارەبوون و دەربدەریێ بکەن .

لێ خەلکێ خۆ راگرێ کوردستانێ بێ هیڤی نەبوون و هیڤیەکا مەزن ب سەرۆکێ حکومەتێ رێزدار نێچیرڤان بارزانی هەبوو ، کو دشێت دووبارە ئەوان دەرگەهێت گرتی ڤەکەت و پەیوەندیێن ڤەقەتیای ئاڤاکات ، و ئابوریا وەلاتی نوژەن بکەت . و پەیوەندیێن دبلوماسی دگەل وەلاتێن دەورووبەر و وەلاتێن جیهانێ دەست پێ بکەت .

سەرۆکێ حکومەتێ بزاڤێن دبلوماسێن خۆ دەست پێکر ،

سالەک بەری نها ، ل بەرواری (۲۰۱۷/۱۲/۲ ) ل کۆشکا ئیلیزێ ، ئیمانوێل ماکرۆن سەرۆکێ فەرەنسا پێشوازی ل شاندێ بالایا حکومەتا هەرێمێ ب سەرۆکایەتیا نێچیرڤان بارزانی کر.

و پاشی تیرێزا مەی سەرۆک وەزیرێن بریتانیا ل (۲۰۱۷/۱۲/۱۲ ) پەیوەندیەکا تەلەفۆنی دگەل نێچیرڤان بارزانی ئەنجامدا و لسەر رەوشا هەرێمێ گفتوگۆ هاتەکرن .

هەر د وێ پەیوەندیا تەلەفۆنیدا داخواز ژ نێچیرڤان بارزانی کر کو سەرەدانا ( لەندەن ) بکەت . و پشتیوانیا خۆ بۆ سەرۆکێ حکومەتا هرێمێ دوپاتکر و ڕاگەهاند کو بریتانیا دێ بەردەوام بیت ل پاراستنا ناسناما گەلێ کورد د چارچۆڤا دەستورێ عیرقێدا .

ڕێککەفتی ( ۲۰۱۷/۱۲/۱۸ ) سەرۆکێ حکومەتا هەرێمێ نێچیرڤان بارزانی سەرەدانا ئەلمانیا کر و دگەل ئەنگیلا مێرکڵ راویژکارا ئەلمانیا کۆمبو ، هەر دوێ کۆمبونێ پەیوەندیێن دوو قۆلیێن هەرێمێ و ئەلمانیا و پێشهاتێن سیاسی هاتنە گەنگەشەکرن .

هەروەسا سەرەدانا سەرۆکێ حکومەتا هەرێمێ بۆ ڤاتیکان و کۆمبونا وی دگەل ( پاپا) ی و پاشی نێچیرڤان بارزانی بەرەڤ ( کۆڕبەندا ئابوریا داڤۆس) ڤە چوو ، و لوێرێ کۆمبونێن ئێک ل دویڤ ئێک دگەل سەرۆک وەزیرێن چەندین وەلاتان هاتنە ئەنجامدان . هەر وەسا پشتی ل داڤۆسێ ڤەگەریای سەرەدانا کۆمارا ئیسلامیا ئیرانێ کر.

دڤان هەمی سەرەداناندا سەرۆکێ حکومەتێ شیا پەیامەکێ بگەهینیتە هەمی جیهانێ کو گەلێ کورد ئاشتیخوازە و خودان کەلتورێ پێگڤەژیانێ یە.

نێچیرڤان بارزانی ب ئەزموون و شیانێن خوە شیا هەمی دۆرپێچ و ئابلوقەیێن سەربازی و سیاسی تێک بشکینیت کو ژلایێ بەغدایێ ڤە لسەر هەرێما کوردستانێ هاتبوو سەپاندن.

هەر سیاسەتا سەرۆکێ حکومەتا هەرێمێ بوو کو شیا باوەڕیێ بۆوەلاتێن زلهێز دروست بکەت وعەبادی ناچاری پێگیریێ ب دەستوری بکەن .

هەروەکی رۆژنامە نڤیسێ ب ناڤ و دەنگ ( رەیچل ئەفراهام ) د گوتارەکا خۆدا ل رۆژنامەیا ( واشنتۆن تایمز ) یا ئەمریکی دبێژیت : ( نێچیرڤان بارزانی ب عاقل مەندی و دبلوماسیەتا خوە شیا رێگریێ ل شەڕەکێ مەزن ل عراقێ بکەت ، ژبەرهندێ هەژی خەلاتێ نۆبلێ ئاشتیێ یە . )