پیلان و پیلانگیری

پیلان و پیلانگیری
دەمێ پەرتوکێن مێژوویی دخویننن ھەر دەم بیرا مە ل پیلان و پیلانگیریێن دژی کوردان دئێتەوە، و ئەم یێن رووبرووی تیرورەکا دەولەتبونا ھەرێمایەتی و کوردبونەکا شوفینیزمی و دەرەجە دوویی ل عیراقەکا فێدرال و کەڤنە پەرست کریە، ھەرتم گوندێن مە ھاتنە شەوتاندن و وێرانکرن و ب دارێ زورێ ل مال و خانیێن خو ھاتنە دەرئێخستن و سیاسەتا عەرەبکرنێ د باژێرێن موسل و کەرکوک، کارەساتەکێن کو بیرا چ کوردەکێ کورد پەروەر و نەتەوەپەرست ناچیت.
سیاسەتا برسی بونێ و گرتنا سنوران و ھەژاری و دەر بە دەریێ و زێدەبونا زولم و زورداریێ ھەرتم ژلایێ دەولەتێن جیرانا زێدە دبوو.
د ڤان سالانە دا، ب تایبەت ل دەمێ قەیرانا ئابوری کو ژبەر شەرێ داعش و نەھنارتنا بودجەێ ھەرێمێ ژلایێ عیراقا فێدرال گەلەک پیلان و پیلانگیری ژلایێ دەولەتێن جیرانا و ھەروەسا پارتێن سیاسی یێن ھەرێما کوردستانێ دژی پارتی دێموکراتی کوردستان و سەروک وەزیرانی ھەرێمی کوردستان، نێچیرڤان بارزانی، لێ پیلانێن وان سەرنەگرتن، سەروک وەزیرانی ھەرێما کوردستانێ، شیا ئیدارا کوردستانێ ل وان قەیرانان دەرباز بکەت و ھەروەسا مللەتێ تێگەھێشتوویێ مە شیا باشتر خوە دگەل ژیانا سەردەمی بگونجینیت و ل بارودوخێ ھەرێمێ تێبگەھیت و بو جیھانێ بسەلمینیت کو ئەم نەتەوەکین یەکگرتوو و دێ ھەمی قەیرانا دەرباز دکەین، پێخەمەت گەھشتن ب ئارمانجێن نەتەوەیی و نێشتیمانی و بو ئازادیێ کار دکەین. گەلەک جاران ئەم بینین پیلان و پیلانگێری دژی کوردا ل کەڤن دا ھەبویە و ھەیە و بەردەوام ژی دێ ھەر ھەبیت.
ڤێتن رونکرنەک لسەر ڤێ بابەتێ بھیتە دان و ھندەک رێکێن چارەسەری بو سەرکەفتنا ئەو پیلانێن ھێنە دان ئاماژە پێ بدەم، ئەوژی ئەڤەنە:
١. ئێک بوونا گوتارا سیاسیا کوردی و ھشیاری و پێگیری و بەرپرساتیا ناڤەندێن سیاسی و جڤاکی بەرامبەر دادوەریا دوزا رەوایا گەلێ کورد و پاراستنا ئاسایشا نەتەوەیی و ل بەرچاڤ گرتنا بەرژەوەندیا بلند و تەڤایی و باشە ژی مە ئاستەکێ بلند ھەبیت ل وەرگرتنا پێزانینێن کونگریتێ و ب بەلگە و ل بەر روناھیا وان دوست و دوژمنا ژێک جودا بکەین و چەوانیا سەرەدەری کرن دگەل پیلان و پیلانگێران.
٢. دڤێ قوناغێ دا خو پتر ئامادە کرن و بەرھەڤ کرن د شەرێ شارستانی و نمونەیی دا خو گونجاندن دگەل ھەر دوو لایەنێن (بابەتی و نیڤ خویی) نەمازە د بوارێن موکومکرن و پێشڤەبرنا پەیوەندیێن نێشتیمانی و نیڤ نەتەوەیی و مفا وەرگرتن ژ دەزگەھێن مودێرنێن راگەھاندن و گەھاندن و پاراستنا ڤان دەستکەڤتیان و پێشڤەبرنا وان و پتر ھشیاریا نەتەوایەتی و جڤاکی و جەماوەر پتر بێتە ھاندان و گرێدان ب ئینتیمایا نیشتیمانی ڤە و ھەروەسا رەوشەنبیریا یاسایی و دیموکراسی و پرەنسیپێن مافێ مروڤی.
٣. دانانا دەزگەھێن پەیوەندیدار و بسپۆر و پتر ئامادەکرنا وان بۆ بەرسینگگرتنا ھەر لایەنەکێ پیلانگێر و پویچکرنا پیلانان.

Top