كى دێ توندوتیژیا دژى ژنێ ب داوى ئینیت؟
November 28, 2018
وتار و بیروڕا
![كى دێ توندوتیژیا دژى ژنێ ب داوى ئینیت؟](https://gulanmedia.com/public/old_images/nusaran/yyuhhnbbhh.jpg )
جڤاتا گشتی یا نەتەوێن ئێکگرتی روژا بیست و پێنجی نوڤەمبەرێ یا دەستنیشانکری وەک روژا بەرھنگاربوونا توندوتیژییا ل دژی کچ و ژنان، ئارمانج ژ ڤێ ھەوێ ئەوە بەرچاڤکرنا وێ ئاریشا مەزن یا توندوتیژیا ل دژی ژنان لسەرانسەری جیھانێ، مەزنترین بنپێکرنا مافێن مروڤان لسەرانسەری جیھانێ توندوتیژییا ل دژی کچ و ژنانە، پێکول دھێنەکرن کو ئەڤ ئاریشا ھندە یا مەزن بھێتە کێمکرن لێ تا نھو یا بەردەوامە و ئاریشە روژ بۆ روژ مەزنتر لێ دھێت .
ھەرێما کوردستانێ ژی وەکی وەلاتێن دیموکراسی پێکولان دکەت ڤێ ئاریشێ نەھێلیت و وەکو یا زانا ھەرسال ئەڤ ھەوە دھێتە راگەھاندن و جەنابێ نێچیرڤان بارزانی پالپشتێ سەرەکی یێ ساخکرنا ڤێ روژێ یە، ل ھەولێرا پایتەخت ئەڤ سالەژی ل ژێر چاڤدێریا جەنابێ سەرۆک وەزیران ڤێ ھەوا نشتیمانییا بەرھنگاربوونا توندوتیژییا ل دژی ژنان دەستپێکر، یا خویایە کو جەنابێ نێچیرڤان بارزانی ھەردەم لدژی وان پێشێلکاریایە یێن ل دژی ژنان دھێنە کرن و پشتەڤانی ل بزاڤ و چالاکیێن وان کریە بەرھنگاربوونا توندوتیژییا ل دژی ژنان کارتێکرنەکا نەگەتیڤ لسەر جیلێ نی ھەیە زارویێن مە دێ چاڤ ل مەکەن بو ھەر کارەکێ ئەم پێرادبین، دڤێت ئەم کەلتورێ نەشرین یێ توندوتیژییا ل دژی کچ و ژنان نەھێلینە لدەف خوە دا کو مە خێزانەکا ساخلەم ھەبیت و بڤێ چەندێ دێ مە جڤاکەکێ بەختەوەر ژی ھەبیت .
تا نھو ل ھندەک وەلاتان ژنێ مافێ ھاژوتنا تروبێلێ نینە و نابیت ناف چاڤێت خو دیاربکەت و ھندەکێت دی پولیسێن وان د حازرن دەستەسەرکەن ژبەر نە پێگیریکرنا وان ب راپێچا دەرسوکێ لسەر سەرێ خوە لناف ھندەکێن دی جاڤێ کێمتر ژ زەلامی سەحدکەنێ ئەڤ چەندە بو ھندێ ڤەدگەریت کو مافێ مروڤی ل ڤان وەلاتان نینە بتایبەت یێ کچ و ژنان .
دڤێت ھزرێن مە لبەرامبەر دەیک و کچ و ھەڤژین و خیشکێن مە بھێنە گھورین ،
ھەر برایەک دیکتاتۆرەکە لسەر سەرێ خیشکا خوە .
ھەر زەلامەک دیکتاتۆرەکە لسەر سەرێ ھەڤژیناخوە .
ھەر بابەک دیکتاتۆرەکە لسەر سەرێ ئەندامێن خێزانا خوە .
دڤێت بچاڤەکێ یەکسانی ئەم بەرێ خوە بدەینە نفشێ مێ و نێر پێکڤە ب دان و ستانان ئاریشان چارەبکەین نەک ھزرا خوە سەپاندنێ لسەر مێشکێ مە زالبیت .
د ھەوا بەرھنگاربوونا توندوتیژییا ل دژی کچ و ژنان دا بلا ڤێ ترس و ئازارێ نەھێلینە لدەف خێزان و خیشک و کچێن خوە .
"لا یمکننا حقا ڕن نقول بڕننا نعیش فی عالم یسودە العدل والمساواە حتی یتمکن نێف سکاننا المتمپلین فی النساء والفتیات من العیش فی مڕمن من الخوف والعنف ومن انعدام الڕمن یومیا." — الڕمین العام للڕمم المتحدە ڕنگونیو غوتیریش .
ئەڤە گوتنا سکرتێرێ گشتی یێ نەتەوێن ئێکگرتی یە کو ئاماژێ ب وێ چەندێ دکەت کو نەشێین بێژین دادپەروەری یا ل جیھانێ ھەی تا کچ و ژن ب ئارامی و بێی ترس ل جیھانێ نەژین .
چاوا ل چەرخێ تەکنەلۆژیایێ ھێشتا کچ و ژنێن کوردێن ئێزدی بھێنە رەڤاندن و کوشتن و وەک جاریە و دەستکەفتێن جەنگی بھێنە پارڤەکرن ما کا مروڤایەتی تا نھو ئەو خیشک و دەیکێن مە کوردان ددەستێن زالم و دوژمنێن مروڤاتیێ دا د بێ سەروشینبن .