ئەڤە دەمەکە ئاماژە بەرەڤ وی ئاراستێڤەنە کۆ رەنگە پتریا پەیوەندیان و لسەرێ ھەمیێ پەیوەندیێن سیاسی دناڤبەرا ھەولێر وبەغدادایێدا بەرەڤ ئاساییبوونێَڤە بچن، پشتی کۆ کارڤەدانێن دژوار دھەمی بواراندا ژلایێ حکۆمەتا ناڤەندیڤە لدژی ھەرێما کوردستانێ دەرکەفتین ببەھانا سازدانا گشتپرسیا سەرخەبوونا ھەرێما کوردستانێ، لێ دناڤەرۆکا عەقلیەتا شوفینیزمیا پتریا دەسھەلاتدارێن بەغدادا، رەسەنیانە نەھێلانا کیانا سیاسیا ھەرێما کوردستانێبوو..!!
خیانەتا ( ١٦ )ێ ئوکتوبەرا سالا بووری باشترین دەلیڤەبوو بۆ نەحەزێن ڤی ھەرێمی ژبۆ داگیرکرن ونەھێلانا وی قەوارا سیاسیا ھەرێمێ ئەوا کۆ پەیدابوویە ژرەنجا دەھان سالان وھەر ژ دەسپێکا ئیدارەدانا خۆبخۆیی تانۆکە گەشەکرن دھەمی بواراندا پێڤە دیاربوویە وبسیاسەت ودبلۆماسیەتا حەکیمانە رێبەرایەتیا وی ھاتیەکرن وتا نۆکەژی سەرکردێ پێشەنگێ ناڤدار لسەر ئاستێ جیھانێ، سەخمەراتی ھەمی ئاستەنگێن یاسایی وسیاسی یێن کۆدناڤمالا کوردیدا دبینین، پاراستنا کەرامەتا کوردستانیانان لسەر شانێ خوە گرتیە وبحۆکمێ لێڤەگەرێ بریارێن سیاسی یێ ھەرێما کوردستانێ تا دھێت زێدەتر تێگەھشتنا مە بۆ پێکڤەژیانێ وەکو مللەتێ کورد بۆ جیھانێ ددەتە ناساندن،سەرەدانا ڤی دوماھیێ یا جەنابێ سەرۆک بارزانی وپێشوازیکرنا جەنابێ وی وەکۆ سەرۆکێ وەلاتەکێ دچارچۆڤێ پرۆتوکۆلەکێ دەولیدا بۆ لایێبریاربدەستێن عێراقێ وژوانا عادل عەبدولمەھدی، سەرۆکوەزیرێن حکۆمەتا ناڤەندی، ھەروەسا بۆ لایێ سەرۆکێ پەرلەمانی وھەڤدیتنا دناڤبەرا جەنابێ وی وھەرئێک ژسەرکردێن ھەڤپەیمانیا دەولەتا قانونێ بسەرۆکاتیا نوری مالکی و بەرەیا ئیێلاحێ بسەرۆکاتیا عەممار حەکیمی وچەندین سەرکردێن دیتر وەکۆ مقتدی ێدری وعەبادی و تاکۆ داخازا دیتنا جەنابێ وی ژلایێ کەسایەتیێن بەرنیاس وسەرۆک ھۆزانڤە...ھتد، شیا وی بەفرا بەستی بحەلینیت ئەوا ھەبوو دناڤبەرا ھەولێر وبەغدایێدا، چۆنکە ھەر زووی رۆلێ جەنابێ وی دئاڤاکرنا عێراقا نویدا پشتی رۆخانا رژێما بەعسی واتایا مافێ شەراکەتا کوردان دپرۆسسا سیاسیا عێراقێدا ددەتە دیارکرن .
لڤێرێ ئەو پسیارا لجھێ خودا دھێتە کرن ئەوە کۆ ئایا دوان کابینێن بووریێن عێراقێدا بتایبەت دوان کابینێن کۆ مالکی وعەبادی سەرکردایەتی دکر، ژبلی زەوتکرنا دەسھەلاتی وفشار خستنا سەر ھەرێمێبھەمی رامانانڤە تا چ راددە مەمافێ خۆ وەکو کوردێن عێراقی لگۆری دستوورێ ھەمیشەییێ عێراقا فیدرال وەرگرت وب چ دیتنەکێ دنێرینە ئاسۆیێ ھەڤبەشیا کوردان دئیدارەدانا عێراقێدا ؟! ،تاکۆ کار بگەھیتە ڤی راددەی د ئەڤرۆدا دووبارە ئۆمێدەواربین کۆ بەلێ دێ لایەنێ بەرامبەر ملکەچ بیت بجێبجێکرنا یاسایانەیا ھەرسێ پرەنسیپا، ئانکۆ بنەمایێن ما نا مە دچارچۆڤێ عێراقێدا، کۆ ئەوژی ھەڤبەشی وھەڤسەنگی و لھەڤھاتنە ( الشراکە والتوازن والتوافق ) ..؟؟
رەنگە گۆمانا خۆ سەپاندنا حکۆمەتێن بھێن یێن ناڤەندی ژسەرێ مە دەرنەکەڤیت، لێ ژلایەکێڤە بۆ وان ھەمی بابەتێن کۆ دھێنە گفتگۆکرن دناڤبەراجەنابێ سەرۆکی و کاراکتەرێن گۆرەپانا سیاسیا ناڤەندیدا، ئەرێنیا مەعنەوی دیاربوویە ژلایێ بەرامبەرڤە کۆ لایەنێ شیعییە ، وژلایەکدیڤە نکۆل نەکرنا ئیدارەدانا دەولەتێ لدویف ھەرسێ بنەمایان دبنە ھۆکارێ پەیدابوونا ئاسۆیەکێ رووھن دعێراقا نۆکەدا، لەورا دڤی کات وساتێ گەلەک ھەستیاردا بڤەکرنا بەرپەرەکێ نوی دناڤبەرا مە وناڤەندیدا ھێڤی وئۆمێدەکێ دیتر دھێتە دیتن بۆ لایەنێ کوردی، و بئێکلاییکرنا پرسێنھەرئێک ژ رەوشا نەئارامیا کەرکووکێ وناوچێن ناکووکی لسەر وبلندکرنا بەشە بوودجا ھەرێمێ وپرسا پێشمەرگەی کۆ لدویف دەستووری بەشەکە ژ مەنزوما بەرگریا عێراقێ و... ھتد، دێ بدیتنەکا گشتی بریار بدەستێن ناڤەندی ئێخیتە دناڤبەرا دوو ھەلبژارداندا :
١- یان پابەند بوونا وانا ب وان ھەرسێ بنەمایێن ئێکپارچەییا عێراقێ ( ھەڤبەشی وھەڤسەنگی و لھەڤھاتنێ کۆ دژی پرەنسیپا کەمینە وزۆرینەیە ) ژبۆ پێکڤەژیانێ,.. دگەل دیار کرنا سەقفێ زەمەنی ژبۆ جێبجێکرنا ماددە وبرگەیێن ددەستۆریدا ھاتین، ئەوێن کۆ چارەسەریا تەڤایا کێشەیێن ھەلاویستیێن دناڤبەرا ھەرێم وبەغدادا دکەت...
٢- یانژی واقع حالێ تێگەھشتنا لایەنێن تائیفەگەریێ بۆ چارەنڤیسا پرسا کۆردی دپاشەرۆژا عێراقا نویدا بۆ رێکخراووەلاتە زلھێزێن جیھانێ ئاشکەرا دبیت، خۆ ئەگەر جۆرە بێھیڤیبوونەک د وەلاتێن ئەقلیمیدا سەبارەت مافێ چارەنڤیسێ مللەتێ کوردا بگشتی ھەبیت .
لێ لدویف وان ئاماژێن کۆ دەردکەڤن ووەکۆ بەرسڤەک ژبۆ پسیارا لسەری ھاتی داخۆیانیێن پۆزیتیفانە ژزاردەڤێن بریار بدەستێن تائیفی ودەسھەلاتدارێن بەغدادا دەرکەفتینە ودویر نینە ڤی جارێ ب رژدی ئەو قایل ببن بۆ پێگیر بوونا ب خالا ئێکێ ،ھەروەسا ژنەچاریڤە رەنگە ھندەک ژوان رویدانێن دنھادا بسەر رۆژھەلاتا ناڤیندا دھێن کارتێکەربن وبشێن پالدەربن بۆ پێشئێخستنا ڤان جۆرە پەیوەندیان وزێدەتر پێشڤەبرنا ڤی پرسێ بێخن بەر مژار وباسلێکرنێ، ھەروەسا ھاوکێشا سیاسیا ڤی دەڤەرێ دبەرژەوەندیا مەدا بگھورن، ژوان نموونەیێن کۆ دشێم ئاماژێ پێ بدم ڤەکێشانا ئەمریکا ژ رێککەفتنا ئەتۆمیا دناڤبەرا ھەرئێک ژ دەولەتا ئیرانێ و مەزنە زلھێزێن جیھانێ ئەوا کۆ لسالا ٢٠١٥ێ ھاتبوو ئیمزاکرن، ودنھادا ئەمریکا بسەپاندنا سزایێن ئابووری یێن دژوار تا رادەیەکێ باش شیایە ھێزا دەستێ ئیران ومایتێکرنا وی دچەندین وەلاتێن لرۆژھەلاتا ناڤینداکۆ عێراقژی ئێک ژوانایە خاڤبکەت، ئانکۆ ھێدی ھێدی سنوور بۆ مایتێکرنا ئیرانێ دکارۆبارێن ناڤخۆییێ عێراقێدا دھێتە دانان، لەورا وەکۆ رەنگڤەدان بڤان جۆرە سیاسەت ودابرانا ئابووری پالپشتیا شیعی بەرەڤ لاوازبوونێڤە دچیت و لبەرامبەردا بحۆکمێ مانا مە دناڤا عێراقێدا ، ئەم دێشێین پێنگاڤێن باشتر باڤێژین وزێدەتر ژبەری نھا ھاوکێشەی د بەرژەوەندیێن خوەدا رابگرین، گەر ھاریکار بین وئێک رێزبین . * یاسا ناس *