کـــۆڕدســتــان و پــێــکــڤـــەژیـــــــــان :-
November 23, 2018
وتار و بیروڕا
![کـــۆڕدســتــان و پــێــکــڤـــەژیـــــــــان :-](https://gulanmedia.com/public/old_images/nusaran/DLOOOBAVAAN.jpg )
ھەڕێما کۆڕدستانی جھێ پێکڤە ژیانێ یە کۆ گەلەك ئایین و نەتەوە تێدا دژین وەکی ( ئێزیدی _ مۆسلمان تورکمان_ئەرمەنی_عەرەب _کاکەیی کلدان و ئاشوری و ... گەلەکێت دی )ھەروەسا د بەرێ دا جوھی ژی ل کۆڕدستانی ھەبوون ھەمی پێکڤە وەکی خۆشك وبڕایان د خۆشی و نەخۆشیان دا پشکدار دبوون بێ جوداھی کار کریە و بەڕەڤانی ل ئاخا پیڕۆزا کۆڕدستانێ دکر .
کۆڕدستان سیمبۆلا ئاشتی و پێکڤە ژیانێ بوو ل بەڕێ دا و ھەتا نھاش ھەر وەکی خۆیە ، لێ بەلێ پشتی ھاتنا چەکداڕێن دەوڵەتا ئیسلامی یا ب ناڤێ داعش و ب ڕەنگەکێ زۆرێ دڕندانە ھێڕش کڕە سەر چەند ناوچەھێن کۆڕدستانێ داگیر کرن و وێڕان کڕن .
ئاڕمانجا وان ژناڤبڕن و بنبڕ کرنا کۆڕدیێن ئێزیدی ب تایبەتی و کۆڕدستانێ ب گشتی بوو ، ھەروەسا ئاڕمانجا وان ل داگیرکڕنا "شنگاڵێ " و ناوچەھێن دەوروبەرێن شنگاڵێ ژناڤبڕن و کۆمکۆژ کڕنا کۆڕدێن ئێزیدی بوو ، بەس ژبەر ھندێ کۆ کۆڕدن و ئێزیدینە .
ڕێژەیەکا زۆرا زەلام و زاڕۆیان ب ڕەنگەکێ زۆرێ ھۆڤانە کۆشتن و بن ئاخکڕن ، دھەمان دەم ژی دا ب ھەزاران کەچ و ژنێن کۆڕدێن ئێزیدی دگەل خۆ برن و ل بازاران کڕین و فڕۆتن پێ دھاتە کڕن ، ھەروەسا ل ئەمیڕێن داعشێ دھاتنە مارەکرن و ب زۆرێ دینێ ئیسلامی لسەر دھاتە سەپاندن .
دڤێت وێژی ژبیر نەکەین کۆ پێشمەڕگەێت قاڕەمانێت کۆڕدستانێ ب سەرپەرشتیا سەرۆکێ ھەڕێما کۆڕدستانێ " مسعوود بارزانی " رۆلەکێ بەڕچاڤ گێڕا ل ئازاد کرن و رزگارکڕنا کۆڕدێن ئێزیدی ، کۆ ب ھزاران کەس ئاواڕەیێ چیایی شنگاڵێ ببوون چەند ڕۆژەکا مەنە دناڤ چیای دا بێ نان و ئاڤ گەلەك ژبرسان و تێنان دا مردن ، د وی دەمی دا ھێزێت پێشمەڕگەھێت قاڕەمان نەڕاوەستان ھەتا گەھشتینێ و رزگار کڕین ..
ب ڕاستی کۆڕدێن ئێزیدی گەلەك نەھامەتی و دەردەسەری دیتن ، ژبەر ھندێ یافەڕە بێژم ژبەر ڤان تیڕۆرستێن داعش و وێڕانکڕنا دەڕبەدەر کرنا کۆڕدێن مە یێت ڕەسەن ل سەر زێدێ بابۆ باپیڕێت وان ھەمی ئاوارە بوونە ناوچەیێن دیێن کۆڕدستانێ ، ھەروەسا ڕێژەیەکا زۆرا خەلکێ قەستا وەلاتێن بیانی کر ب تایبەتی ئەلمانیا کۆ ب قاچاغی خۆ گەھاندنە دەرڤە ھەمی ڕێکێن بتڕس و گڕان دگرتنە بەر بەس دا ل ڤێ زلاما چەکداڕێن دەوڵەتا ئیسلامی رزگار ببن و بگەھنە ئەوروپا ، ب سەدان زارو و گەنج و پیڕ د دەریایا ئیجەدا نقوم بوون و ھەتا نھاژی بێ سەرۆشوینن .
ڕێژەیەکا زۆرا کۆڕدێن ئێزیدی ژی نھا ل کۆڕدستانێ مانە و مل ب ملێ پێشمەڕگا بەڕەڤانیێ ل ئاخا پیڕۆزا کۆڕدستانێ دکەن بێ جوداھی چۆنکێ
کۆ ڕدستان وەلاتێ ھەمیانە .
ھەروەسا د دام و دەزگەھێت حکۆمەتێ ژی دا ھەمی نەتەوە و ئاین بەشداڕن و پێکڤە کاردکەن بۆ پاڕاستن و پێشکەفتنا کۆڕدستانێ ، د پەرلەمانی دا ل ئەنجۆمەنێ دا ژ ھەمی دام و دەزگەھێت حکۆمی و حزبی دا ھەمی نەتەوە و دینێن ل کۆڕدستانێ دا دژین بێ جۆداھی بەشدارن و ھەر ئێك کارێ خۆ بڕێڤەدبەت ..
کۆڕدستان ھەر ژ بەرێ دا جھێ پێکڤە ژیانێ بۆیە ھەمی پێکڤە د بەختەوەر و خۆشبەخت بوون د ھەمی مناسبا و بیرەوەریا دگەل ئێك بوون ھەمی دین و نەتەوە و ئۆل تێکەلی ئێك دبن ، ژیان ب ھەمی ڕەنگان و پێکھاتەیان یا خۆشە ، لەوما دێ بێژم کۆڕدستان و ھەمی ڕەنگێن ژیانێ ....