روژھەلاتا ناڤین ب گشتی یێ د قوناغەکا ھەرە ھەستیاردا دەرباز دبیت و گورانکاریێن ھەرە مەزن د پێشیا وێ نە و بتایبەتێ ژی دانانا سزایێن سەر ئیرانێ ژلایێ ئەمریکا ڤە و پەیوەندین تورکیا و ئەمریکا و چەندین گورانکاریێن دی یێن ھەرەبەچاڤ د سیاسەتا روژھەلاتا ناڤیندا دھێنە دیتن .و ھەرێمە کوردستانێ ژی پشکەکا گرنگا د جوگراڤیا روژھەلاتا ناڤیند و ئەو گورانکاری کارتێکرنێن ئەرینێ ل سەر ھەرێمێ ھەنە لەورا ژی ریدانیێن نە چاڤەرێکری دھێنە پێش و دڤێت ب عەقلانە سەرەدەریێ دگەل ڤان گورانکاریان بھێتە کرن .لەورا ژی د پێکئینانا کابینەیا نوی یا ھەرێما کوردستانێ دا دڤێت چاڤ د ھەندەک بەرژەوەندین گشتی بھێنە کرن بتایبەتی ژی پاراستنا ئیێک پارچەیا ھەرێما کوردستانێ و دڤی بابەتی ژی دا و تابیەت ڤی سەردەمێ ئەم وەک ھەرێما کوردستنێ پێتڤی دووبارە سەروکاتی کرنا حکومەتا بەرێز نێچیرڤان بارزانی نە . ژ بەر سەربورا سالێن چو یێن حکومرانیا سەروکێ حکومەتا ھەرێما کوردستانێ ھەی د رێڤەبرنا حکومەتێ دا پارتی و دیسان ھێزێن د ژی دگەل جەماوەری پێ باشە دووبارە نێچیرڤان بارزانی ببیتە بەربژێرێ ئیێکانەیێ پێکئینانا سەروکاتیا حکومەتا ھەرێمی و بتایبەتێ ژی ژ بەر پێتڤیا ڤان کەودانیێن ھەستیار یێن ھەرێم تێدا دەرباز دبیت. یافەرە نمونەیا پێکڤە ژیانێ و دەستڤە ئینان و پاراستنا مافێ کێم نەتەویان ببیتە نمونەک سەرکەتی ژ نمونەیێن حکومرانیا کابینەیا چوی یا نێچیرڤان بارزانێ سەرپەرشتی بو دکر ئەڤ ئیێک رێزیا ھەنێ دناڤا حکومەتێ دا بھانەک دیە کو پتر کێمنە ببنە پال پشت کو دووبارە بەرێز نێچیرڤان بارزانی سەروکاتیا دەستھەلاتەکا دی ژی بەردەوامیێ پێ بدەت نەخاسمە ژی ھێش مەترسیێن مەزنتر یێت ماین ل سەر ھەرێما کوردستانێ . بگرە ژ لڤینێن دووبارە یێت داعش ژ دەڤەرێن جودا جودا یێت باکورێ عیراقێ و دیسان ئەو ریدانێن دھێنە پێش ل کەرکوک و خانەقین و دەڤەرێن کەڤنە ژێر مادەیا ١٤٠ و پشتەڤانیا بەردەوام یا کابینا چوی ژ ڤەحەواندنا پێلا ئاورەیێن ڤان جھان و دیسان پاراستنا مافێن وان راستە کێماسی ھەبوینە لێ دیڤ شیانێت ھەرێمێ رێژەیا مەزن یا پاراستنا گیان و مال و سەروەتێ وان ھاتیە گرن .یا خویایە دبلوماسیەتا بەرێز نێچیرڤان بارزانی ھەی ماوێ حکومرانیا چەندین سالێن بوریدا پێگەھێ ھەرێما کوردستانێ د ناڤەندا جیھانی دا ب ھێز ئیخستی یە و پەیوەندیێن ھەرێما کوردستانێ دگەل یێن جیھانێ خوش کرینە و بویە سەدەمەک باش کو ھەریما کوردستانێ شیا ببیتە ھەرێمەک جودا و ئارام د چاڤ عیراقێ دا و ببیتە مەلبەندێ ڤە حەواندنا زێدەتر ژ ٣٠ کونسلخانە و بایلوزخانە یێن وەلاتین جیھانی و زێدەتر رێکخراویێن نیڤ دەولەتی تێدا ب جھەکێ ئارام ناڤبکەن
دیسان ئەڤێ دبلوماسیەتا ھەنێ یا ب ھێز شیانێن رێکێشانا باوەریا مورکرنا چەندین گرێ بەستێن جەکی بدەتە ئیێمزاکرن و دەستڤە ئینانا باوەریا حکومەتێن بھێز بو پالپشتی کرنا پێشمەرگەی و ب ھیزکرنا پێگەھی پێشمەرگێ کوردستانێ ب تایبەتی ھاریکاریێن حکومەتێن برێتانیا و ئەمریکا و فەرەنسا و دیسان ئەلمانیا ئەڤ راکیشانا ھەنێ ژی نیشانیێن ب جھکرنا ئەرگێ دبلوماسیەتەکا سەرکەتی دھێتە لێ قەلەمدان
چەندین جاران ھەرێما کوردستانێ و حکومەتا وێ کەفتیە ژێر کەڤێن مەزن یێن ھەلوەشاندنا وێ و پلانێن مەزن یێت نافخو و دەرڤە بو ژناڤبرنا ھەرێمێ ھاتینە دارێتن لێ سیاسەتا حەکیمانەیا نێچرڤان بارزانی شیا وان پلانا ژناڤ ببەت و خە ب خودان کێشە دانین ھیچ جارەکێ ژی خەمساری بو مەزنکرنا پلانا نەدانایە و بەردەوام ھەولا چارەسەرکرنا وان ئاریشەیان کریە و خوە نێزیکی ھەمی پێکھاتین سیاسی کریە بو حەلکرنا ھەمی ئاستەنگان و پاراستنا ئیێک پارچەیا ھەرێما کوردستانێ . و دیسان شیانێن پیچکرنا ھەمی وان ئابلوقەیان بکەت یێن سەر ھەرێمێ ھاتینە دانان
د ھەمان دەمدا ب دبلوماسیەتا خویا سەرکەتی شیانێن ڤەگەراندنا پەیوەندیێن بەغدا و ھەرێمێ بەرەڤ کەنارەکێ ئارامتر ببەت و دگەل سەرکردایەتیا بەغدا پتر ب دان وستاندن ئاریشەیێن ھەین چارە بکەت. و بەردەوام پەیوەندیێن دگەل وەلاتیێن جیران بەرەڤ خوشتر ببەت ب تایبەتی د سەرکەتنا بازرگانیێ دا و پێگەھی بازرگانی دگەل ھەر دوو وەلاتێن جیران خوشتر بکەت ئەڤە ژی نیشانێن سەرکەتنا پێگەھێ ئاڤەدانیەکا بەردەوامن .
یا فەرە نەھێتە ژبیرکرن بەرێز نێچیرڤان بارزانی پشتەڤانەکێ مەزن یێ جەماوەری یێ ھەی کو باوەری یا جەماوەری ب گشتی ب دەست ڤە ئینایە و بتایبەتی ژی دناڤا کادرێن پارتی دا نەخاسمە ژی وەک جێگرێ سەروکێ پارتی شیایە وێ باوەریێ بو جەماوەرێ پارتی چێکەت کو شیان و ھێزا ئێکێ بیت دیسان ببیتە ستینا سەرەکێ یا سەرکەتنا پارتی د ھەلبژارتێن ھەرێما کوردستانێ دا و دەستڤە ئینانا پارتێ بو کورسیێن پەرلەمانێ کوردستانێ مەزنیا دبلوماسیەتا سەروکێ حکومەتێ پتر بەرچاڤ کر .
لەورا ژی ھەروەکی جانابێ فازل میرانێ د راگەھاندنەکێ دا بو روداو ئاماژە پێ دای ژ بەر ئەڤان خالێن ھەین ژ دبلوماسی وسیاسەتا حەکیمانەیا سەروکێ حکومەتا ھەرێما کوردستانێ و جێگرێ پارتی د ب جھـ ئینانا ئەرگێ خودا کو ب درستی ئەنجام دایە لەورا ژی ماڤێ وی یە دووبارە بھێتە ھەلبژارتن . و ئەڤە ژی پشتی باوەریا پرانەیا لایەنان بدەست ڤە بینیت
ل دووماھیکێ فەرە ریدانێن ھەستیار نەھێنە ژبیرکرن و دیسان گرنگیا ڤێ قوناغێ ب ھەبونا بەرێز نێچیرڤان بارزانی ھەی پتر ھەر جارەک دی یە
و وەرگرتنا سەربوریێن وی د دەربازکرنا ھەرێما کوردستانێ د کەناریێن بەرتەنگیێ را و دیسان ئەزمونا وی د شکاندنا ئابلوقایاندا و مفا بینین ژ پەیوەندیێن دەرڤە و ناڤخوی ھەرێم پتر ھەردەمەک دی پێتڤی ب سیاسەتا بەرێز نێچیرڤان بارزانی ھەیە