خەما پاشەرۆژێ ..
November 10, 2018
وتار و بیروڕا
![خەما پاشەرۆژێ ..](https://gulanmedia.com/public/old_images/nusaran/DLOOOBAVAAN.jpg )
راستی مخابن ئەڤ مللەتێ ھندێ دلسوز و باش و ب کەرامەت وەسا بھێتە رەزیل کرن و مافێن وان بھێنە پێشێل کرن ..
ھەتا وی رادەی کو رێکێن وەسا سەخت و دژوار دگرنە بەر و دزانن ژ ٩٠% دەربازبوونا وان نینە و ھەر بەرەف وێ رێکێ دچن بۆچی؟ پێخەمەت چی...؟
پێخەمەت ھندێ دا بگەھنە وێ ژیانێ ئەوا ھەژی وان وبگەھنە وی وەلاتی ئەوێ مافێ وان ب دروستایی بدەتێ چونکی مرن و ژین دڤێ رەوشا نھا ئەم تێدا وەکی ئێکن و چ جوداھی نینە .
رۆژانە ئەم ب ساخی یێ دمرین و دبینین و روودانا ڤان کاودان ئەڤێن ئەم ب چاڤێن خوە دبینین .
کا چاوا بێ رێزی و پێشێلکرنا مافان بەرامبەرمە دھێنە کرن ..
ب تایبەتی خوەندەڤانان چ بھا نینە ل وەلاتێ من .
چ گرنگیەك ب بروانامێ ناھێتەدان ، ب رەنگەکێ گشتی دامەزراندن نەمایە .
بلا نەھێینە دامەزراندن بەلێ کار ل کەرتێ تایبەت ژی نینە و بۆ گەنجان ناھێتە رەخساندن دڤێت رێگا چارەیەك ھەبیت دا خەلکێ مە بشیت کار بکەت چونکێ دناڤ مەدا ل ھەرێمێ مە گەلەك گەنج و کەسێن زیرەك و دانا یێت ھەین زور پێگەھشتی خودان ھزر و بیرێن باشن تشتێ نوی و ب مفا یێ ل دەڤ وان ھەی، بەلێ مخابن چاوا بکار بینن ب چ رێك بێ پشتەڤانی ب راستی ئەڤە کارەساتە ..
_ ئەرێ چاوا بژین ....؟
_ب چ بژین ..؟
ھەمی تەمەنێ مە چوو ھەتا بوینە خودان برۆانامە لێ بەلێ مخابن برۆانامێ ژی چ بھایێ خونینە .
ب کورتی و درستی مەچ (مستقبل ) پاشەرۆژ ل ڤی وەلاتی نینە ..
ئەگەر مرۆڤ ژی یێ بێ پاشەروژ بیت مرن ژێرا دەرمانە ....
ب راستی گەلەکا نەخوشە مرۆڤ یێ بێ کار بیت و چ ل ژیان و پاشەروژا خوە نەزانیت .
ھیڤیدارم حکومەتا ھەرێما کوردستانێ کار بکەت و ھندەك پرۆژا دابنێت دا رێژا بێکاریێ کێم ببیت و گەنجێن مەژی ببنە خودان کار .