چەند روژەکن دەستگایێن هەوالگیری باس ل لڤینێن داعشا و خوە رێکخستنا وان یا سەربازی و دارایی دکن ڤە و گومانێن هندێ دبن کو رەنگە جارەکا دی هندەک دەڤەرێن ئێراقێ ب تایبەت ژی(ئەنبار ،موسل،دیالا) ؟بکەڤن ژێر رەحما دەستهەلاتا داعشا
هەلبەتە ئەگەر ب وردی مە گوهداریا دوخی کربیت پشتی راگەیاندنا پروسا داوی هاتنا ئوپراسیونا سەرکەفتنێ بسەر داعشا لسەر دەڤێ عەبادی ئەمریکا زور ب رونی ئاماژە دانە هندێ کو داعش ب دوماهی نەهاتیە و رەنگە هێزەکا ژ داعشا توند رەوتر بهێت مەیدانێ
ئەڤ پەیاما ئەمریکا بخوە هندەک پەیامێت ڤەشارتی ل پشت پەردا هەنە
ئەوا روون داعشا ئێکێ هێزەکا تەواو ژ لایێ (بریتانیا ،ئیران،تورکیا،قەتەر)ڤە دهاتە پشتەڤانی کرن و ئارمانجێت وێ پێکهاتبوون ژ:
۱ـرێ دان ب ئیرانێ بو تەواو کرنا پروژێ خوە یێ (هیلالا شیعی) و گەهشتن ب سوریا و لوبنان
۲_سود وەرگرتنا تورکیا ژ هەلومەرجێ سوریا بو چوونا دناڤ ئاخا کوردستانا روژئاڤا و رێگری کرن ژ خەونا دەولەتا کوردا کو بگەهیت دەریا سپی
۳_بریتانا رێگری کر ژ دابەش کرنا نەخشێ روژ هەلاتا ناڤین کو وێ دارشتی و ب تێکچوونا ڤی نەخشەی بەرژوەندیێت وێ تەواو دا سەراژێر بن
ئەڤە ژ بلی دەست دانان لسەر بیرێن نەفتێ و سودەکا ئابوریا مەزن
هەلبەت تا راددەیکا باش ژی دڤێ پلانێ دا ئەڤ ولاتە سەرکەفتی بوون ب تایبەت ژی پشتی هێزێن سەر ب ئێکەتیا نیشتانی ڤە دەستێ خوە دناڤ دەستێ ئیران و بریتانیا کری و کەرکوک فروتی و خیانەتا ۱٦ ی ئوکتوبەرێ کری
هەر چەندە ئەمریکا تا رادەیەکێ ل سەر ئەوا ل ۱٦ ی ئوکتوبەرێ رویدای بێ دەنگ بو لێ وەک مە ل سەری گوتی وان ئاماژە ب پەیدا بوونا داعشەکا ب هێزتر دابوو کوئەڤە دبیت د زمانێ دبلوماسی دا پەیامەک بیت بو وان وەلاتان
هەلبەت ئەڤ پەیاما ئەمریکا ڤەرێژا وێ چەندێ یە کو ئەمریکا ب کریار هەست ب هندێ کر کو چو رولەکێ وێ ئێدی ل روژەلاتا ناڤەراست و ئێراقێ ب تایبەتی نەمایە
لەورا ژی ب باوەرا من داعشا ئەڤجارە دێ تەواو داعشەکا جیاواز بت هەم ژ لایێ ئارمانجا ڤە و هەم ژ لایێ پشتەڤانی کرنێ ڤە
پشتەڤانیا ئەڤجارە بو داعشا دێ تەواو ژ لایێ ئیسرائیل و ئەمریکا ڤە بیت و و ئارمانجێت وێ تەواو پێچەوانەیا داعشا بوری
ب ڤی رەنگی ل خوارێ
۱_ئیناندن دەرا هەرێ پارێزگەهێت (موسل،ئەنبار،دیالا) ژ دەست هێزێن ئێراقی کو ژ لایێ ئیرانێ ڤە دهێن رێڤەبرن و قوت کرنا گەهشتنا ئیرانێ بو سوریا و لوبنان
۲_دوبارە دارشتنا نەخشێ دابەش کرنا روژەلاتا ناڤەراست و ئێراق و سوریا ب پلا ئێکێ دبیت ئیران بخوە بکەڤیت بەر ڤێ دابەش کرنێ
۳_دەرکرنا تورکیا ژ دەڤەرێن کوردستانا روژئاڤا
٤_دەست دانا ئەمریکا و ئیسرائیل لسەر نەفتا دەڤەرێ
ئەوا دمینت جهێ باس کرنێ ئەرێ کورد دڤی شەری دا دێ ل چ ئاستێ یاریێ بن ب تایبەت ل باشور
بێ سەروبەری و دوبەرەکیا هێزێن پێشمەرگەی تشتەکێ ڤەشارتی نیە ژ وێ کەمباختر ژی ئەو دوو بەریک بوونا دناڤ دووبەرەکیا هێزێن ئێکەتی نیشتمانی بخوە دا هەی
ئەڤە خالا لاوازیا کوردانە و ب تایبەت ژی خالا لاوازیا ئێکەتا نیشتمانی گران بوونا ڤی شەری و زڤرینا بەلانسی ل دژیبەرژوەندیێت ئیرانێ مسوگەر دێ ئیرانێ ب کریار یان ژی ب وەکالەت ئینن سەر خەتێ و ئەڤ پێنگاڤا ئیرانێ ب حکمێ سەربورا۱٦ی ئوکتوبەرێ هیچ دویر نینە ژ سلێمانیێ دەست پێ بکت و هوسا دویر نابیت سلێمانی بو ماوەیەکی ببت مەیدانەکا گەرما شەرێ دناڤبەرا هەر دوو ئالیان دا